METIAS 6 - Bible en langue Bulu

¹ Tabaʼane ntyele ya bo mame ya ñyebe wônan asu bôte na be yene mia: mi za bo te nyoñe maʼan e be ésoo wônan a ne yôp.

² Eyoñe ñhe wo ve minzôzoé jôm, te loñe de toñ ôsu viôé avale bôte bebaduʼu ba bo e meba me Zambe a e minjoñ asu duma da so be bôt. Ma jô mia de bebela na, be nyoñeya maʼane map.

³ Mfaʼa wôé, éyoñe wo ve ngabe bingôngole bi bôt, mbo ngale wôé wo yiane dimi e jame mbo nnôme wôé wo bo,

⁴ nalé ate ngab éngôngole môte jôé ja ye liʼi nsolane jam a ésoo wôé, nyô a yen asoé, a ye bulane wo je.

⁵ Eyoñe mia yeʼelan, te boon ane bôte bebaduʼu mbe ba nyeʼe ba bo meyeʼelane map tetele meba me Zambe a maʼane mezen, asu ya na bôt be yene be; ma jô mia de bebela na: Be nyoñeya maʼane map.

⁶ Mfaʼa wôé, éyoñe wo kômbô yeʼelan, nyiʼin étune nda jôé ja dañ asoé, fetek e mbé wôé a angôñ a yeʼelaʼan ésoo wôé valé, asoé. A ésoo wôé, nyô a yen asoé, a ye yalane wo me.

⁷ Eyoñe mia yeʼelan, te bulane zezé bifia ane bikul; ba buni na ba ye nyoñ éyalan ya meyeʼelane map amu abui bifia.

⁸ Te boon ane be, amu ésoo wônan a yem e mam mia kômbô te na mi sili nye me.

Meyeʼelan me Nti

⁹ Mia, yeʼelaʼane ñhe ana: A Esaa wongan ô ne yôp jôé dôé e boʼo étyi,

¹⁰ éjôé jôé é zaʼak, nkômbane wôé ô bobaʼane si nyô aval ane wo bobane yôp.

¹¹ Vaʼa bia den bidi bia yiane bia môse wu.

¹² Jaméʼé bia abé bi boya wo ane bia fe bia jamé abé bôt be boya bia.

¹³ A te kee bia e mebôbelaʼa été ve kôtéʼé bia e be Mbia Môt. Amu éjôé, ngu a étôtok bi ne émbiôé nnôm éto, Amén!

¹⁴ Yaa, nge mia jamé bôt abe dap, ésoo wônan a ne yôbe fe a ye jamé mia;

¹⁵ Ve nge mi nji jamé bôt, ésoo wônan a ne yôbe fe a ye bo te jamé mia abé denan.

Ntyiane bidi

¹⁶ Eyoñe mia tyi bidi, te boon éyôé asu ane bôte bebaduʼu ba bo; ba bo mbot asu na be tuʼa liti bôte na ba tyi bidi; ma jô mia bebela na be nyoñeya maʼane map.

¹⁷ Mfaʼa wôé, éyoñe wo tyi bidi, wobaʼan ôlobinda e nlô a sôb asu dôé,

¹⁸ nalé ate ô bo te liti bôte na wo tyi bidi, ve ésoo étam nyô a ne asoé valé; a ésoo nyô a yen asoé, a ye yaʼane wo wô.

Tôkaʼan akum e yôp

¹⁹ Te tôkan miabebien akum e si nyô, e vôme fos ja di a ndamane biôm, a miñwuwup mia tube menda a wup.

²⁰ Ve mi tôkaʼane miabebien akum e yôp e vôme fos é nji di a ndaman a miñwuwup te tube menda a wup.

²¹ Amu e vôm a nee wo akum vôm ate fe e nleme wôé ô né.

Lambe ya nyôle jôé

²² Lambe ya nyôl a ne dis. Nge dise dôé é ne ñhe mvoʼé , nyôle jôé ngumba ja ye bo éfufub été.

²³ Ve nge dise da kon, nyôle jôé ngumba ja ye bo e dibi été. Nge éfufup é ne be wo é ne ñhe dibi, kô fé dibi ébien da ye bo anen!

Nge Zambe nge mamoñ

²⁴ Te ke môt a ne saane bemasa bebaé, a ye vini wua a nyeʼe nyô mbok, nge na a ye kabetane wua a biasé nyô mbok. Mi se nguleya saane Zambe baa mamoñ .

Te tyelane minleme yôp

²⁵ Ajô te ma jô mia na: Te tyelane minleme yôp asu ényiñe jenan ajô jôm mia ye di, nge asu menyôle menan ajô jôme mia ye jaé. Ye ényiñ é nji dañe bidi, nyôle ki a dañe ngômesan?

²⁶ Fombaʼan anone ya yôp: é nji bé nge kôane mvoñ, teke ke yoé je mengun, a ésoo wônan a ne e yôp a ve de bidi! Ye mi nji dañe de beta ndañan?

²⁷ A za ya be mia, amu a tyelé nleme yôp, a ne nguleya limiti ényiñe jé ve mon abim étam?

²⁸ Amu jé mia yiane tyelé minleme yôp ajô ngômesan? Tama fombane mesame ya mefup ane ma yaé, teke wu njuk nge tiñe biôm,

²⁹ a ma jô mia de na, Solômon émien, étôtoʼo jé ése été, a nji jaé ngômesan ane jia yʼété!

³⁰ Nge Zambe a jalé éloʼo ya mefup ngômesane nalé, nje é ne valé den, vʼakiti ja ye wuaban!

³¹ Nde ñhe te tyelane minleme yôp mi jôʼô na: Bia ye di jé? Bia ye nyu jé? Bia ye jaé jé?

³² Mam mete mese, bikuu bia jeñe bie teke awoʼon, ve ésoo wônan a ne yôp a yeme na mia yi biôme bite bise,

³³ Tataʼa jeñan éjôé a zôsôô Zambe, a biôm bite bise bia ye vebane mia abet.

³⁴ Ajô te te tyelane minleme yôp asu akiti; akiti da ye yep ajô da fombô ebien. Môs ôse ô bili abime njuʼu dé.