EZAYI 12 - Bible en langue Bulu

Jia mvean akéva

¹ Wo ye jô môs ôte na: ma kañe wo a Nti! Amu ô nga wôʼô mʼabé. Vʼayaa dôé e kôñelaneya mfaʼa ôfe, a ô volôya ma nlem .

² Zambe ya nyiane wom nye nyô, ma ye tabe ndi, a ma ye bo te ko woñ; amu Nti a ne ngule jam a e jia jam. Nti le! Nye a zu a bo nyiane wom.

³ Mia ye labe mendim a mevak e menjeñ me nyian.

⁴ A mia ye jô môs ôte na: kañane Nti a ve akéva! Yôtaʼane jôé dé. Kañetaʼane beta mimboone mié e meyoñ me bôt été. Betaʼa katane na, jôé dé e ne mbetane yôp.

⁵ Yiʼane Nti bia amu a boya mam ma dañ mvaé. Si ése é yeme mam mete.

⁶ Yôtaʼan a tyiñ mevak e yôb été, wo, e môt ô too Sioñ. Amu Nyô ya Israél a nʼEtyi a ne anen e zañe jôé.