EZAYI 1 - Bible en langue Bulu

¹ Nkulane mejô Ezayi, e mone Amôs, ñwô a nga kulu asu Yuda a Yérusalém, melu Ozias, Yôtam, Akaz a Ezékias bejô bôte ya Yuda be nga too.

Israél a ne asuk

² Vôʼôlôʼô, a yôp! Keʼe alo, a Si! Amu Nti Nye a kobô: me maneya naa bon , a bo na be yaé, ve be beneya njôane wom.

³ Nnôme nyak a yeme môt a nee nye, A éjakase ki éwolo bidi ésaa wé; Isaraél, a nji ke yeme jôm E bôte bam be ne asuk.

Ngoʼo Israél

⁴ Bidim a ayoñ da bo abé , ayoñe bôt e beʼe adite mbeʼe ya bikobe biap, Mvoñe bôt ja bo mbia be mam, Bone yʼékotekot mbe mi né! Mi liʼiya Nti. Be biaséya Nyô ya Israél a nʼétyi, Mi lumeya nye mvus.

⁵ Vôme mbé nye a beta bibi mia, mia mia yeme ngule ya bene njôan? Nlô ôse ô ne Nkôkon, A nlem ôse ô biliya atek.

⁶ Ataté abo si a kui nlô, Teke vôm a ne mvoʼé; Meveñ, beduʼi, bevevee mefô be nji ke fimi nge tiñeti bie nge sôé mbon été na ényan é voé.

⁷ Si jenan é ntoo bilik. Bitisone bienan bi ntoo ndiʼan. Bejin ba di si jenan ôsu vienan: ane jôme bejin be maneya tyam.

⁸ Ngone ya Sioñ ki é liʼiya ane ébem afube mindiʼi été, ane tison be diliya a bita.

⁹ nge Nti ya minsamba mewosan a too ye bo te liʼi bia bone mebukaʼa me bôt, bi nga ye bo ane Sodom, bi nga ye funane Gomor!

Nkañane Zambe a vini

¹⁰ Vôʼôlaʼane nkobô Nti A mia bingoʼo ya Sodom! Keʼane melo menan e metiñ me Zambe wongan A mia bôte ya Gomor!

¹¹ Ma bo ézuʼu bityiʼa jenane jé? Nalé Nti a jô. Me jaéya a bityiʼa beyôm mintômba bia diʼibane ngumba a avoñe bitoñe benyak, me nji beta kômbô metyi beyôme benyak, e ma me bone mintômba a bikela.

¹² Eyoñ mia zu tebe asu dam, za a nga jô mia na mi tibi minseñe ya nda jam e mebo menane si?

¹³ Jôkaʼane fulu ya zuu mimvean mi ne teke mfi: ôtu ô ne ma mbia jôm. Mfaʼa meté me ngon, besabat a beta mebôk , me se nguleya kañese yene abé da dañ mbundaʼan a mebôk .

¹⁴ Ma vini meté me ngone menan a mebôʼô menan: bi ne beta mbeʼe mfaʼa wom me kateya jibi bie.

¹⁵ Eyoñ mia same mo menane yôp; ma vaa mia mise nyô. Mi kusa yeʼelane ma biyoñ biyoñ, me nji ke vôʼôlô. Mo menan me ne njalan a metyi.

Boʼone avale di

¹⁶ Wobaʼane mendim, tunane miabebien, Vaʼane mbia mimboone mienan e mise mam, Jôkaʼane mboon abé .

¹⁷ Yékaʼane mboone mvaé, jeñane nya ntyiʼane mejô. Môt a tibili bôt, bulaʼane nye e mbamba zen . Tyiʼane monenyui ajô zôsôô , Kamaʼane nkus.

¹⁸ Zaʼane ñhe bi sañetan, nalé Nti a jô. Nge abé denan e ntoo évele ne tyaññ, da ye bo éfumulu ane sut; nge e ntoo évele ne zôññ da ye bo ane mevule me ntômba.

¹⁹ Nge mia tyiʼi na mia bo mewôk, mia ye di mbamba bibuma ya si;

²⁰ Ve nge mia ben a bo melo, nkpwaté mekôn wo ye mine mia: amu anyu Nti e kobôya.

Yérusalém a ye tuneban

²¹ Jia! Ye tison é mbe mbamba ntaban nje é ntoo ébamba ana? E mbe njalan a zôsôô , nya ntyiʼane mejôô a nga too été, éyoñe ji é too étabaʼa bewôé bôt!

²² Argent wôé a veñesaneya ésôm, Woone wôé ki mfulan a mendim.

²³ Bivete biôé bia bene njôan, ba be miñwuwup be ne tyiñ , bese ba nyeʼe biboteze A ba tôñe maʼan; be nji ke tyiʼi ajô monenyui zôsôô , nge kamane nkus.

²⁴ Ajô te, Nti a kobô nalé, Nti ya minsamba mewosan, nyô ya Israél a ne ngu ma ye liti bebela wom e be bôt be ne ma ngame yat, a ma ye kune mamien e be besiñe bam.

²⁵ Ma ye beta same wo wom a wosane wo, a vaa ésôme jôé avale be wôʼô bo a nduan, a ma ye vaa bifus bise bi ne teke mfi.

²⁶ Ma ye beta bulane betyiʼi mejô bôé, avale be mbe melu mvus, a bebôndé mefeʼe bôé avale be mbe atataʼa. Mvuse valé, ba ye loone wo jôé na Tisone ya zôsôô , Tison ja wulu mvoʼé .

²⁷ Sioñ a ye kôtéban a nya ntyiʼane mejôô, a bôt be too Yérusalém ba ye kôñelane minlem a mboone mam me ne zôsôô .

²⁸ Ve bidim bia ye kui e be bebene njôan a bebo abé , ba ba liʼi Nti ba ye jañ.

²⁹ Mia ye bi ôsame amu mi nga kañ azezambe bilé, nde mia semé e minleme mienan été; a mia ye wôʼôson amu mefube mi nga top;

³⁰ amu mia ye bo ane ôzezambe élé ñwô mekaé me maneya viele, ane afup e ne teke mendim.

³¹ Ngungule môt wo ye bo ane mbop, mboone wé ki ane étyakaʼa: bebaane bese ba ye diʼi nsamba wua, môte ya dime be momo.