ESDRAS 10 - Bible en langue Bulu

¹ Nté Esdras a nga bo meyeʼelan mete a meme fe abé a miliʼi mis, nalé fe ntyaʼan a ôlun ôsu e nda Zambe, beta nsamba bôte ya Israél, befam, binga a bongô be nga sulane vôm a nga too, a bôt be nga kuli miliʼi mis abui.

² Nde Sekania mone Yeiél ya bone bʼElam a nga nyoñe nkobô a jô Esdras na: Bi maneya bo bijabô e be Zambe wongan éyoñ bi luʼuya bengon bikule ya bôt bia be be bi too. Ve éyoñe ji ndi éziñ é ngenan mfaʼa Israél ajô dina été.

³ Ajô te bi tame bo élat a e Zambe wongan na bi titane binga bete bese ba be bone bap, avalʼane Nti wom a bôt ba nyeñeban ôsu abendé ya Zambe wongan ba yene mvaé. Bia yiane bo avalʼanʼatiñ da jô.

⁴ Kôlôʼô si, amu ajô di da fombô wo. Bi ne ngame jôé. Vaʼa ngu a bo avale bi jôya.

⁵ Ane Esdras a nga kôlô si, a tindi minlô betuni bone be Lévi a Israél ase be kane ngana na ba ye bo avalʼane njôan ô jôbaneya ô né. Ajô te be nga kane ngana.

⁶ Mvuse ya valé Esdras a nga kôlô vôm a mbe a tele ôsu ya nda Zambe, a ke nyiin étune nda Yôanañ mone Eliasib; éyoñ a nyiineya étune nda été, a nga bo te di bidi nge nyu mendim amu a mbe e meyeb été amu mbia jam e bôt be nga so minkôm be nga bo.

⁷ Be nga kalane foé e Yuda a Yérusalém na e bôte bese be nga so minkôm ba yiane sulane Yérusalém.

⁸ Avalʼanʼôsimesan minlô mi bôt a bemvendé ô mbe, môt ase a nga ye bo te zu éyoñ melu mela me lôteya, mefoʼo mé mese me nga ye feteban, be vaa fe émien ézezañ ya ékôan beso minkôm.

⁹ Melu mela me lôteya, ane befam bese ya Yuda a Bényamin be nga sulane Yérusalém. Jame di é nga boban ngon ébulu é too melu mewôm mebaé. Bôt bese be nga tele vôm nda Zambe é né be fôʼôbaʼan amu jam é nga bo na be sulane de a amu mveñ.

¹⁰ Eyoñe te Esdras ntuni a nga tebe tetele a jô be na: Bi boya bijabô amu ajô ya luʼu bengone bikuu, a amu nalé, mi dañeya beta ve Israél mekua.

¹¹ Ajô te éyoñe ji a ntoo ve meman abé denan e be Nti a ne Zambe bʼésoo benan a bo nkômbane wé mewôk! Kandaʼan a meyoñ ya si mi too nyô nalé fe a bengone bap.

¹² Ane ékôane bôt ése é nga yalan tyiñe jia a ngulʼése na: Yaa, bia yiane bo aval ô maneya jô!

¹³ Ve bôt be ne abui, melu ke melu me mveñ, é ne ayaé na bi tabe atan; nalé fe na a nji ke bo ésaé ya môse wua nge mibaé, amu bôt abui ya be bia be maneya kop ajô dina été.

¹⁴ Ajô te bivete biañgan bi ntoo ve liʼi e señe bôte bese, wôna ba bese ya bitisone biañgan be luʼuya bengone bikuu, ba ye zu mingum biyoñ ba be bemvendé a betyiʼi mejô ya tison ése, akekui éyoñ ayaa Zambe wongan da yôñ amu ajô di da ye kôlô be bia.

¹⁵ Yônatan mone Asaél a Yazia mone Tikva, mbe étam be nga wosane tyiñ éte ba be Mesulam a Sabtayi mone Lévit.

¹⁶ Ve besoo minkôm be nga bo avalʼane njôan ô mbe. Eyoñe te be nga tobe Esdras ntuni a bivete ya menda me bôt, avalʼane menda bʼésaa me né, be nga to be bese a môé map; nde be nga sulan e môs ôsu ya ngon awômô a fase jame te.

¹⁷ Môs ôsu ya ngon ôsu mfasane bôte bese be nga luʼu bengone bikuu ô nga man.

¹⁸ E bone betuni été, beluʼu bengon bikuu be mbe bevoʼo ya bone be Yasua mone Yôtsadak a bevoʼo ya bone be bobenyañ: Maséya, Eliézer, Yarib, a Gedalia.

¹⁹ Be nga tiñeti na ba zu titane binga bap a ve nnôm ntômba amu mekua map;

²⁰ ba ya bone bʼImer be nga luʼu bengone bikuu: Anani a Zebadia;

²¹ ba ya bone bʼArim: Maséya, Elie, Semaéya, Yeiél a Ozias.

²² Ba ya bone be Pasur: Eljoénayi, Maséya, Ismaél, Nétaniél, Yôzabad a Eléasa.

²³ Ba ya bone be Lévi: Yôzabad, Siméyi, Kélaya nge na Kelita, Pétaya, Yuda a Eliézer.

²⁴ Ba ya beyia bia: Eliasib. Ba ya bebaʼale mimbé: Salum, Télém a Uri.

²⁵ Ba ya bone bʼIsraél: ndaa Paréôk: Ramia, Yiziya, Malkiya, Miyamin, Eléazar, Malkiya a Benaya;

²⁶ ndaa Elam: Matania, Zakari, Yeiél, Abdi, Yérémôt a Elie;

²⁷ ndaa Zatu: Elioénayi, Eliasib, Matania, Yérémôt, Zabad a Aziza;

²⁸ ndaa Bebayi: Yôanañ, Anania, Zabayi a Atlayi;

²⁹ nda Bani: Mesulam, Maluk, Adaya, Yasub, Séal a Ramôt;

³⁰ ndaa Payat-Môab: Adna, Kelal, Benaya, Maséya, Matania, Betsalil, Binuyi a Manasé.

³¹ Ndaa Avim: Eliézer, Yisiya, Malkiya, Sémaéya, Siméoñ.

³² Ndaa Bényamin, Maluk, a Semaria a Siméon.

³³ Ndaa Asum: Matanayi, Matata, Zabad, Elifélét, Yérémayi, Manasé, a Siméyi;

³⁴ ndaa Bani: Madayi, Amvam, Uél,

³⁵ Benayi, Bédia, Keluyu,

³⁶ Vania, Mérémôt, Eliasib,

³⁷ Matania, Matnayi, Yesayi:

³⁸ Bani, Binuyi, Siméyi,

³⁹ Sélémia, Natan, Adaya,

⁴⁰ Maknadbayi, Sakayi, Sarayi.

⁴¹ Azaril, Sélémia, Semaria

⁴² Salum, Amaria a Yôsep;

⁴³ ndaa Nébô: Yeiél, Matitia, Zabad, Zebina, Yedayi, Yôél a Benaya.

⁴⁴ Balé bete bese be nga luʼu bengone bikuu a abui é nga biaé bon a be.