BESAM 6 - Bible en langue Bulu

Meyeʼelane ya jaʼé mvam éyoñe ya njuk

¹ Sam David asu évete nsamba bia be bili memvet, jaʼane nyô é ne minsañe muam.

² A Nti, te lebe ma ayaa dôé été, ayoʼo dôé été te bôme ma.

³ Mvamaʼane ma, a Nti, amu me teʼeya; saé ma a Nti! amu bivese biam bia fôʼôban.

⁴ Nleme wom wo ndeñetan; a wo, a Nti! a kui éyoñ évé?

⁵ Bulaʼan, a Nti! kôtéʼé nsisime wom; nyiʼi ma amu nkoon éngôngole wôé;

⁶ amu awu été, ôsimesane ya simesane wo ô ne momo; za a ye kañe wo e vôme miñwuan mi né?

⁷ Ateʼe da bi ma amu ma dañe tat; alu ese, ma boté énoñ jam a milik. Ma sôôé miliʼi mam énoñe jam amu miñyône miam.

⁸ Mise mam me nto nkôt amu ôlun, me nga yômbô amu besiñe bam bese.

⁹ Kelane ma ôyab mia bese mia wulu ékotekot été! amu Nti a wôʼôya tyiñe ya ñyône wom.

¹⁰ Nti a wôʼôya minjaʼane miam, Nti a nyoñe meyeʼelane ma.

¹¹ Besiñe bam bese ba ye wôʼôson a fôʼôban; ba ye bulane mvus atemetem njalan a ôson.