BESAM 4 - Bible en langue Bulu

Meyeʼelane ya mamengôʼé amu ndi nlem e be Zambe

¹ Same David asu évete nsamba beyia bia ô bili memvet.

² Eyoñe ma yôn, a Zambe ya zôsôô wom, yalaʼane ma! Ôlun été, wo bo na me tabe mvoʼé , mvamaʼane ma, wôʼô meyeʼelane mam!

³ A mia bone be bôt, duma dam da ye veñesan ôson a kui éyoñ évé? Mia ye nyeʼe bemomo be mam a kui éyoñ évé? ye mia ye jeñe minsos?

⁴ Yeman éyoñe jina na Nti a tobeya môt a bo nkômbane wé; Nti a wôk éyoñe ma yône be nye.

⁵ Boʼon éngôngôm, ve te boon abé; kobaʼan e nleme wônan été, éyoñe mi bôô binoñe bienan, mvus éte, tabaʼan évô.

⁶ Vaʼane metunaʼa ya zôsôô a keʼane miabebiene be Nti.

⁷ Bôt abui ba jô na: Za a ye bo na bi yene mvom? Faé éfufube yʼasu dôé be bia a Nti!

⁸ Wo futi abui mevak e nleme wom été, a dañ abime be bili e melu fône jab a mfefé woone wop bi ne abui abui.

⁹ Awolo ma bômbô si, ma ke ôyo mvoʼé amu wo Nti étam wo bo me na me tabe mvoʼé .