BESAM 3 - Bible en langue Bulu

Ntabane Zambe mebun

¹ Sam David éyoñ a nga mate Absalom, e mone wé.

² A Nti, besiñe bam be buʼu abui a jé! Ba ba kôlô si a wosane ma be nʼézuk!

³ Ba ba jô ajô dame na: Nyian ô ne momo be Zambe asu dé be ne tekʼalañé!

⁴ Ve wo, a Nti, ô nʼébene jam, ô ne duma dam, a wo bete nlô wome yôp.

⁵ Ma yône tyiñe yôb be Nti a a yalane ma a too nkôle wé ô nʼétyi yôp.

⁶ Ma bômbô si a ma ke ôyo; ma vee amu Nti a suʼu ma.

⁷ Me nji ko betoyini be bôte woñ, mbe be maneya tebe mimfaʼa mise na ba wosane ma.

⁸ Kôlôʼô si, a Nti! Nyiʼi ma a Zambe wom! Amu wo bibi besiñe bame bese e minkek, wo buʼu mesôñe bikotekote bi bôt.

⁹ Nyian ô ne be Nti! Ebotane jôé é tabeʼe be bôte bôé!