BESAM 2 - Bible en langue Bulu

Njô bôte Zambe a nga woʼo mbon

¹ Amu jé meyoñe bikuu ma ngômelan a amu jé bôt be bili momo asimesan?

² Bejô bôte ya si nyô ba tebe tetele a bivet bia vute ngame ya wosane Nti a éñwé a ne ñwoʼone mbon:

³ bi tame té mengataʼa map, a bi tame wua bengôkobe bap ôyab a bia!

⁴ Nyô a too yôp a woé, Nti a kpweʼele be

⁵ A kobô be ayaa dé été, a bo na be ko woñ ayoʼo dé été.

⁶ Ma me teléya njô bôte wom e Sioñ yôp, nkôle wom ô nʼétyi!

⁷ Ma ye yôtane ntyiʼane Nti; a nga jô me na: Ô ne mone wom, ma ñhe me biaéya wo e môse wu.

⁸ Siliʼi ma, a ma ye ve wo meyoñ bikuu ane ngap, a ve wo mekuʼu me si ane jôme jôé;

⁹ wo ye buʼu be a ntum étyé, wo ye bôé be bifuse bifus ane vieʼe mmé meviek.

¹⁰ Eyoñe ji, a mia bejô bôt, boʼone fek! a mia betyiʼi mejô ya si nyô, nyoñane ñyeʼelan!

¹¹ Boʼone Nti ésaé a woñ ôse, fônan mi fôʼôbaʼan.

¹² Wumulaʼane mon anyu a za yaa, a mia ki mi za jañ e zene jenan été amu ayaa dé e nʼavôle ya kalane nduan. Ebotan é ne be ba bese ba sobô be nye.