Am 8 - Bible en langue Bulu

Ñyenan nkoé bibuma

¹ Nti a nga liti ma ñyenan ôfe: ô lôô nkoé bitôtôlô bibuma,

² ane a nga sili me na: Ô lôô jé a Amôs? Ane me nga yalane na: nkoé bitôtôlô bibuma. Ane Nti a nga jô me na: Eyoñ asuʼulan é kpwaneya mfaʼa ayoñe dam Israél, ma ye bo te beta tyendé ôsimesan me bili mfaʼa wé éyoñ éfe, na me ve nye melep .

³ Môs ôte, bia ya nda njô bôt, bia ye bo mintat, nalé Nti Nyô a ne Nti a jô. Vôm ase, ba ye wua bizuʼu mimbime fé, teke zôʼé.

⁴ Vôʼôlaʼan ajô di, mia mia mine nzôzoé , a kômbô jaa bingôngole bi bôt bise ya si.

⁵ Mia jô na: mfefé ngon wo ye lôt éyoñ évé, ane bia ye kuane bidi biangan? Sabat a ye man éyoñ évé, ane bia ye yooé mengune mangan? Bia ye séʼé ôveʼe wongan, a beté tañe nkuan; bia ye belan kob é ne ékotekot mfaʼa ya duʼu bôt.

⁶ Bia ye kuse mimbubua a moné, a kuse ke nzôzoé a fia besilefase jia, a bia ye kuan bivio bi fôn.

⁷ Nti a kaneya ngana e mebun me Yakob yôbe na: ma ye bo te vuane mboone wua ya mimboone miap.

⁸ Amu nalé, ye si ébien fe ja ye bo te tyamban, a ye bôte bese yʼété ba ye bo te ku ôlun été? Si ja ye yaé ése ane éfufup; ja ye kui ndôn a sis anʼôsôé Nil.

⁹ Môs ôte, nalé Nti a jô, ma ye bo na jôp é dim e zañ môs a na dibi é yandane si e menganda môs .

¹⁰ Ma ye veñesane mebôʼô menan me bo ôlun, a bia bienan bise bi veñesane miñyôn; mengeteñ mese ma ye jaé minkuta, a minlô mise mia ye beʼe meyan. Si ése ja ye ku e beta ôlun été, éfunan ane vôme bôt ba yi atyiʼi mon: melu mé ya ôsu ma ye bo ve ayôle môs .

¹¹ Ô lôô melu ma zu, nalé Nti a jô, ma ye kuli mfumbale si, saa nyô bidi, nge mendim, ve nyô ñwôʼane mejô me Zambe.

¹² Bôt ba ye ke ba ndeñ ataté abôñe mañe di a kui di avok; ataté akôé a kui e jôbe da tôô: ba ye ke ba ndembe jeñ ajô Nti, ve ba ye bo te yene de.

¹³ Eyoñe te mimben mi bobebinga a bendôman ba ye ku som amu évé.

¹⁴ E mbe ba kane ngana, e ntyamane mam me ne étyi ya Samari yôp a jô na: A Dañ, e Zambe wôé a tabeʼe nnôm éto! Nalé fe nkômane mame me nkañan ya Birséba ô tabeʼe nnôm éto! Ve ba ye ku a bo te nguleya beta tebe tetele.