Am 3 - Bible en langue Bulu

Bijô a ayaa

¹ Vôʼôlaʼan ajô Nti a kobô, mia Israél, e ngume nda bôt me nga soo wô si ya Ejipte me jôʼô na:

² Mia étam me nga nyeʼe ézezañe ya menda me bôte mese ya si nyô: ajô te dise dam da fombô abé denan ése.

³ Ye bôte bebaé be ne wulu nsamba te na bebaane ba kañese nalé?

⁴ A ye ngbwengbwem ja bam afan te na é biya jôm? A ye étoñe ngbwengbwem ja yôn nté é ngenane te bi jôm?

⁵ Ye ônon ô ne bili ôlam te jôm ja dutu wô? A ye avot é ne vulekan te na jôm é ne été?

⁶ Ye be ne loñe toñe bita e tison bôt te ngômelan? Ye jam énʼabé é ne kui tison te na da so e be Nti?

⁷ Nalé fe Nti nyô a ne Nti a ne te bo jam, nge te taté kulan asoé ya été e be bebo bisaé bé bekulu mejô.

⁸ Ngbwengbwem ja bam, a za a ye bo te ko woñ, Nti nyô a ne Nti a kobô, za a ye bo te kulu mejô?

⁹ Boʼone na metyiñe menan me wôʼé e biwôlô menda ya tison Asdôd, a e biwôlô menda ya si Ejipte, a jôʼane na: sulaʼan e minkôl ya Samari yôp, a tama yenan abime nzametan wo dutu woñ ô ne ézezañ ya été, ane bôt ba tibili ba bevok.

¹⁰ Zôsôô a ne momo e mboone wob été, nalé Nti a jô; ba jalé biwôlô menda map a biôm bi wup a nsa.

¹¹ Ajô te Nti nyô a ne Nti a jô na: ô lôô nsiñ a ye bômane si jôé, a wôlé mam mese ya ngule jôé, a a ye sa biwôlô menda biôé.

¹² Avale di Nti a jô na: avale mbaʼale mintômba a nyii mimbiaé mibaé, nge étun alo, anyu ngbwengbwem, nalé ate bon bʼIsraél be too Samari ba ye nyiiban, mbe be sameya menyôle map e binoñ a akala é bôô si ya Damas.

¹³ Vôʼôlaʼan a boʼon benganyia be tele Yakob ngame yate ya ajô di, nalé Nti a jô, Nti, Zambe ya minsamba mewosan.

¹⁴ Môse ma ye lañ Israél sitoʼo ya mintyaman metiñe mié, ma ye sili nye sitoʼo ya tison Bétél. Minlaʼa ya ataʼa metunaʼa mia ye buʼuban a ku si.

¹⁵ Ma ye sôʼôlô nda ya ôyôn é ke jimbi nyô ya ésep. Menda me ne nlôñan a mimbañ, ma ye kui ôsame, abui menda da ye mane tyamban, nalé Nti a jô.