2 Minkte 5 - Bible en langue Bulu

¹ Nalé ate ésaé ése Solômon a nga bo asu Nda Nti é nga man. Ane Solômon a nga zuu e biôm ésaa wé David a nga ve: argent, or a biôm bise. A nga futi bie akume ya nda Zambe été.

Ewolo élat ja ke bômbô e Nda Zambe

² Eyoñe te Solômon a nga sulan e Yérusalém, bemvendé yʼIsraél a bivete bise ya meyoñ , benya bôtô ya menda me bôte yʼIsraél asu ya bete éwolo élate Nti akôlô tisone David nje é ne Sioñ.

³ Nde befam bese ya Israél be nga sulan e fefele njô bôt asu abôʼô ya ngone zamgbwale.

⁴ Bemvendé bese yʼIsraél be nga so a Belévit be nga beʼe éwolo.

⁵ Be nga beʼe éwolo nda éndelé bendôbaʼan a biôm bise bi nʼétyi bi mbe e nda éndelé.

⁶ Ane njô bôte Solômon a ékôane bôt ése yʼIsraél a nga bañete fefele jé be nga tebe, éwolo ôsu. Be nga tyiʼi bikela, mintômba a benyak abui abui.

⁷ Be nga zuu éwolo élate Nti e vôme wé, e vôm yʼétyi a ne e Nda, e étyi ya bityi, a kui mefabe ya Bekerubime si.

⁸ Bekerubim be nga bili mefab me too ndaman e vôme éwolo é né yôp, Bekerubim be mbe be butiʼi éwolo a mimbôñe mié.

⁹ Mimbôñ mite mi mbe ayap, mesu map me yenéʼé ve éyoñ ô tele e zañ éwolo a anyiine ya aba nda , ve sa éyoñ ô tele atan; éwolo é nga bômbô valé a kui e môse wu.

¹⁰ Bifase mekoʼo bibaé Môze a nga futi Oréb, éyoñe Nti a nga bo élat a bone bʼIsraél, nkôlan yʼEjipte, mbie bi mbe éwolo été.

¹¹ Eyoñe betuni be nga kôlô e vôm a nʼétyi, amu betuni bese be mbe valé be nga fubu bebien teke fombô ntaʼane minsamba.

¹² Belévit ba bôme biôm, Asaf, Héman, Yedutun a e bone bap, a bôte befe ya mebume map, be nga beʼe éfumulu ndombo. Be nga tele be bili biwoé, memvet a bingombé mo, be nga tebe akuʼu ataʼa metunaʼa ya jôp da tôô, betuni ntet a mewôm mebaé be nga tele be fefel, be loñe metoñ,

¹³ a beyia bia, nsamba wua, be nga bete metyiñ éyoñ jia a kañ a ve Nti duma; éyoñe tyiñe metoñ, nyô biwoé a bibômebômé bivok é nga bet, be nga kañe Nti be jôʼô na: Amu a ne mvaé, amu mvame jé é too nnôm éto, éyoñe te Nda é nga jaé a nkute ya Nda Nti.

¹⁴ betuni be nji bo nguleya tabe été na be bo ésaé amu abui nkut; amu étôtoʼo Nti é nga jaé e nda Zambe.