2 Minkte 10 - Bible en langue Bulu

Ekôane ya Sikem

¹ Ane Rôbôam a nga ke e Sikem, amu nne Israél ase a nga zu Sikem na be telé nye njô bôt.

² Vʼéyoñe Yérôbôam, e mone Nébat, a nga wôʼô jame te, amu a mbe Ejipte, e vôm a nga mate njô bôte Solômon, nde a nga so Ejipte.

³ Be nga lôme bôt be ke loone nye, nde a nga so a Israél ase. Be nga kobô Rôbôam be jôʼô na:

⁴ Ésoo a nga bo mbeʼe wongan adit éyoñe ji tame bo mbia ésaé ésoo a adite mbeʼe a nga beté bia bitul éveves, wôna bia ye saane wo.

⁵ Nde a nga jô be na: Betaʼa zuane be ma mvuse melu mela; ane bôt be nga ke.

⁶ Ane njô bôte Rôbôam a nga sili fek e be benya bôtô be nga bôman Solômon, ésaa wé, éyoñ a nga vee na: Za feʼe mia lebe ma na me yalane bôte bete?

⁷ Be nga jô nye na: Nge wo yené mbamba môt e bʼayoñe bôte di, nge wo bo na be yene wo mvaé a nge wo kobô be mbamba bifia, ba ye bo bebo bisaé bôé biyoñ bise.

⁸ Ve a nga liʼi feʼe benya bôtô be nga lebe nye a viane sili fek e be bendômane ba be be be mbe miaé a mbe be mbe be boʼo nye bisaé.

⁹ A nga sili be na: Ve mia mia lebe ma aya? Bia yiane yalan e bôte bana aya mbe ba te jô me na: Boʼok mbeʼe ésoo a nga titi bia bituu éveves?

¹⁰ Nde bendôman ba be be be mbe ôkala be nga yalane nye na: Avale di nde wo ye jô e bôt ba te jô wo na: Ésoo a nga bo mbeʼe wongan adit, ve wo boʼo bia wô éveves! Avale di nde ñhe wo ye jô be: e ngas ônyu jam é ne anen a dañ angeteñ ésaa wom!

¹¹ Mbôlô ésaa wom a nga ve mia mbeʼe ô nʼadit, ataté éyoñe ji, ma ma nene adite ya mbeʼe wônan. Amu ésaa wom a nga bôme mia a minkasa, ma ma ye bôme mia a alé.

¹² Nde Yérôbôam a bôte bese be nga zu koone Rôbôam e môse lale, avale njô bôt a nga jô be na: Betaʼa zuane be ma e môse lale.

¹³ Ane njô bôte Rôbôam a nga yalane be a njet ése, a viane biasé feʼe benya bôtô,

¹⁴ a kobô be a feʼe bendôman na: Esaa wom a nga bo mbeʼe wônan adit, ma ma ye nene adite yʼété. Esaa wom a nga bôme mia a minkasa, ma ma ye bôme mia a alé.

¹⁵ Nge njô bôt a nji vôʼôlô bôt, e mbe amu avale zene te nde Zambe a nga belane de asu ya tôé nkobô Nti a nga kobô Yérôbôam e mone Nébat, anyu be Ahiya ya Silô.

¹⁶ Eyoñe Israél a nga yene na njô bôt a nji wôʼô be, bôt be nga yalane njô bôte na: Za ngabe bi bili a David? Teke élik asu mone Izayi! A Israél môt ase a bulaʼan e menda bindelé mé! Eyoñe ji, nyoñe njuk a mame ya nda jôé a David! Ane Israél ase a nga ke menda bindelé mé.

¹⁷ Ve Rôbôam a nga ke ôsu a jôô bone bʼIsraél be nga too e bitisone ya Yuda.

¹⁸ Ane njô bôte Rôbôam a nga lôme Adoram évete bisaé, ve bone bʼIsraél be nga lume nye mekok , ane a nga wu. Ve njô bôte Rôbôam a nga kui, e maʼa yôbe na a dañ e vagoñe wé a tup a ke e Yérusalém.

¹⁹ Israél a nga bene njôane ya nda bôte David a kui môse wu.