1 Pi 1 - Bible en langue Bulu

Mebatan

¹ Ma Pierre, nlômane Yésus Krist, ma tili mintobane mi bôt mi too ane beyeñ, mmialan e mefôla ya Poñ, Galati, Kapadôs, Azi, a Bitinie.

² Mintoban a e feʼe Zambe Esaa, a ntelan étyi ya Nsisime na, be wôʼô Yésus Krist a nyoñe ngabe ya mmiamane metyi mé. Mvam a mvoʼé bi boʼo e be mia abui abui.

Mvean akéva

³ Zambe a boʼo ébotan, Esaa Nti wongan Yésus Krist. Amu e beta mvam wé été, a nga bo bia na, bi beta bialé a bi vevea ndi nlem , amu ñwômane Yésus Krist e miñwuane na,

⁴ bi nyoñe ngab é ne te ngule ya boé, nge tabe mvin, nge viele. Ngab éte é ne mia mbaʼalane yôb été.

⁵ Mia bete ngule Zambe ja baʼale amu mbunan mfaʼa nyian ô ne bebé ya yené éyoñ ja suʼulan.

⁶ Nde, tyelaʼane si a mevak, amu nalé, akôsa bo ôyôme nté, mi ne wôʼôlun amu meveʼele mevale meva.

⁷ Meveʼele mete ma liti ngule ya mbunane wônan. Amu jaʼa or nye ate a ja ntuk, a wôʼô veʼeleban a nduan. Avale te mbunane wônan wo dañe or wo yiane fe veʼeleban. Nde mia ye nyoñ ékañaʼa, a étôtok a duma éyoñe Yésus Krist a ye yené.

⁸ Nyô mia nyeʼe te yen, a buni jaʼan a ngenan te yené éyoñe ji. Ajô te mia vak beta mevaʼa ya étôtok,

⁹ a nyoñe nyiane ya minsisim mienan ane maʼan.

¹⁰ Ajô nyeʼan ôte nde bekulu mejô be nga tuʼa fas, a jeñ. A be nga kulu mejô ajô mvean, ñwô Zambe a ye ve mia.

¹¹ Be nga jeñe na be yem éyoñ a e mezene minlitan mi Nsisime Krist ô mbe be be mi nga yiane tôéban; amu Nsisim ôte ô nga taté yemete ajô mintaé mi mbe mbaʼalan asu Krist, a e duma e nga yiane tôñe mie.

¹² E nga litiban e be be na: Saake asu dabe bebien, vʼasu denan nde be nga Kate Foé éte, nje bekañete Mbamba Foé be nga Kate mia a ngule Mfufube Nsisim a nga so yôp, a nje beéngele ba kômbô yem. Nsisim a nga liti. Amu Nsisim a nga too e be be ate, a nga taté kat ôsusua, mintaé Yésus Krist a yiane jibi a étôtoʼo ja yange mie.

Nloon ya nyiñ mbuban

¹³ Ajô te tabaʼane nkôman asimesane denan été. Boʼone fek. Telaʼane ndi nleme jenan ése e mvam ja ye so e be mia éyoñe Yésus Krist a ye yené!

¹⁴ Boʼone Zambe mewôk, a bo te beta bo mbia minkômban ya melu mvus, éyoñe te mi nga too ndiman été.

¹⁵ Ve aval ane nyô a nga loone mia a ne étyi; mia fe avale da, boʼon étyi e ntabane wônan ôse été,

¹⁶ amu e ne ntilane na: Boʼon étyi amu me ne étyi.

¹⁷ A nge mia loone nyô a ne te semé mingume mi bôt, a tyiʼi môt ase ajô aval ane mboone wé ô né na Nti, koone nye woñ e ntabane wônan été nté mi too si nyô.

¹⁸ Mi yeme na mi nji kôtéban a biôm bia ja ntuk ane argent, nge or, e momoo aval ényiñ mi nga nyoñe be beéso benan,

¹⁹ ve a metyi me ne édima, aval ane ma me mone ntômba a ne teke éyem nge aton. E ne na, metyi me Krist.

²⁰ Nye ate a nga veban te yene mbôkaʼa ya si nyô ô za bômbôʼô a biyoñ bia suʼulan amu mia.

²¹ Amu nye, mia buni na Zambe a nga wômôlô nye miñwuan a ve nye étôtok, avale ya na, mbunane wônan, a ndi nleme jenan bi ne e be Zambe.

²² Eyoñe ji, amu mewôʼô menane e benya mejôô, mi maneya tune miabebien, nde mia ye nyeʼesan ane bobenyañ, tee meduʼan éyoñ ése.

²³ Mi nga beta bialé mfefé, saa mvoñ jaa ja ntuk, ve nyô é ne te ja ntuk.

²⁴ Amu na, nsôn ôse ô ne aval ane élok, a étôtoʼo jé ése ane sam élok: éloʼo ja kôt a e same jé ve kutan,

²⁵ ve njôan Nti ô too nnôm éto. Ajô te nde mbamba foé a nga kateban e be mia, nye a ne njôane te!