1 Minkte 9 - Bible en langue Bulu

E bôt be nga too Yérusalém nsoone ya Minkôm

¹ Israél ase a nga lañeban a tiliban e kalate bejô bôte ya Israél. Yuda a nga ke minkôm e Babilôn amu be nji wulu ane da yian e mise me Zambe.

² Nsoone ya minkôm, e bôt be nga taté tabe mevôme map, e bitisone biap, be mbe jama nsamba bone bʼIsraél, betuni, Belévit a e bôt be mbe be boʼo bisaé ya a mo e Nda Zambe.

³ Ngabe bone be Yuda, nyô bone be Bényamin, nyô bone bʼEfrayim a Manasé be nga tabe e Yérusalém,

⁴ E ayoñe Yuda, Utayi e mone Amihud, ndaé Omri, ndile Imri, Ôwuabañe Bani, môte ya abume bôte Pérés.

⁵ Abume bôte Kéla é nga bili Asaya, ntôle môte ya nda bôte jé, ba be bone bé.

⁶ Abume bôte Zéra é nga bili Yeuél. E bôte ya ayoñe Yuda be nga too Yérusalém be mbe mintete minsaman a mewôm ébu.

⁷ Ayoñe Bényamin e nga bili Salu e mone Mésulam ndaé Hôdavia, ndile Hasenua,

⁸ é nga bili fe Ela e mone Uzi, ndaé Mikri; Mesulam e mone Sefatia, ndaé Reuél, ndile Ibnia.

⁹ Bôte bete bese be mbe bivete ya menda me bôte map. Mvôʼô Bényamin be nga too Yérusalém be mbe mintet ébu mewôm metan a besaman.

¹⁰ E Nsamba betuni, bôt be mbe avale di: Yedaya, Yôyarib, Yakin,

¹¹ nalé fe Azaria; bimvame biap bi mbe na: Ilkiya, Mésulam, Sadok, Meyarôt a Ahitub nyô a mbe a bili ésaé ya nda Zambe;

¹² Adaya fe a mbe été, bimvame bié bi mbe môé na. Yerôam Pasehur a Malkia; Masayi fe a mbe été, bimvame bié bi too môé na: Adiel, Yazéra, Mésulalam, Misilémit a Imér.

¹³ Eyoñ wo late betuni bevok bivete bite ya menda me bôt bi mbe toyini, mintete zamgbwa a bôte mewôm mesaman, bese be too biwôlô bi bôt bia bo ésaé ya nda Zambe.

¹⁴ Belévit be mbe na: Semaéya, bimvame bié bi to na: Hasub Azrikam a Hakabia ya abume Merari;

¹⁵ Bakbakar, Hérék, Galal a Matania fe be mbe Belévit bimvame biap bi too Mika, Zikri a Asaf;

¹⁶ Obadia fe a mbe Lévite, bimvame bié bi too: Semaya, Galal a Yedutun, lévit a suʼulan a mbe Bérékia e mone Asa, ndaé Elkana, a nga too éfuse si é mbe éjôé ya tisone Netôfa si.

¹⁷ E bebaʼale mimbé Kalum, ntebʼôsu, a mbe été ba be bobenyañ: Akub, Talmon a Ahiman.

¹⁸ Mvoñe bôte jap nje é ngenan é boʼo ésaé ya mbé ô ne mfaʼa jôp da tôô, mbé njô bôt, a kui e môse wu. Bimvame biap bi mbe bebaʼale mimbé e minkane Belévit.

¹⁹ Kalum e mone Koré, ndaé Abiasaf a ndile Koré a bôte bevoʼo ya nda bôte Koré, be mbe be baʼaleʼe anyiine nda bendôbaʼan avale bimvame biap bi nga too e minkane mi bôte Nti.

²⁰ Pinas, e mon Eléazar, a mbe évete jap ôsusua amu Nti a nga too be nye.

²¹ Zakiri, e mone Mekélémia, a mbe fe wua ya bebaʼale mimbé ya nda éndelé bendôbaʼan.

²² Ba bese be nga toban ane bebaʼale mimbé, be mbe mintete mibaé, awôm a bebaé, Be nga tilibane môé e minlame miap be nga bialé. David a nkulu mejô Samuel mbe be nga ve bimvame biap mesu bisaé ya ndi nleme mete;

²³ Ajô te be nga bo bisaé bebaʼale mimbé a bebaʼale ya vôme Nti a nʼétyi, ataté miaé bôte wu a kui miaé ôvok.

²⁴ Bebaʼale mimbé be nga too e mbé ôse ya mimbé minyini: e jôbe da tôô, e jôbe da dim, akôé a e nké.

²⁵ Bebaʼale mimbé befe, be too minlame miap, be mbe be zaʼa fulan a be biyoñ bise asu ya baʼale mimbé tañe ngume sondô.

²⁶ Bivete bebaʼale mimbé bi nga tooto bi mbe binyin, mbe be nga bili ésaé ya menda a akume ya nda Zambe.

²⁷ Be mbe be bômbôʼô e mefôla ya nda Zambe, amu be nga yiane fombô mam mese yʼété a diine fe mimbé tyé ése.

²⁸ Bebaʼale mimbé bʼéziñ be nga bili ésaé ya lañe biôme ya nkañan mbie bôt be mbe be kele bie nge zuu bie.

²⁹ Ba bevok be nga bili ésaé ya biôme mebelan ya nda Zambe a biôm bi ne ntelan étyi, nalé fe avut, woon, mbon, ôtu a ôlobinda.

³⁰ Ve betuni mbe be nga bili ésaé ya kôm ôlobinda a ne mbundaʼan.

³¹ Mone lévit, jôé na Matatias, a nga bili ésaé ya yame biwôlé asu metunaʼa. A mbe ntôle mone Salum ya abume bôte Koré.

³² Belévit befe ya abume bôte Kéhat, be nga bili ésaé ya yame belet é nʼétyi nje ba ve Zambe môse Sabat ôse.

³³ Bivete menda me bôte Belévit bi nga bili ésaé nyiane bia, be nga too menda mabe mebien; be nji bo ésaé éfe, amu be nga bo ésaé môs ba alu.

³⁴ Bivete menda me bôte Belévit, ane bindane biap bi né, mbie le. Be nga too e Yérusalém.

E nda bôte Saül

³⁵ E môt a nga té tisone Gabaoñ a mbe jôé na Yéiél, a nga too été ba Minga Maaka,

³⁶ ntôle mone wé Abdon a e bone bé bevok: Sur, Kis, Baal, Ner, Nadab,

³⁷ Gedor, Ahiô, Zakari a Miklô.

³⁸ Miklô a mbe ésaa Simam, be nga too e Yérusalém ba be bôte bevoʼo ya abume bôte dap.

³⁹ Ner a mbe ésaa Kis, Kis ésaa Saül, Saül ésaa Yônatan, Malkikua, Abinadab a Isbaal.

⁴⁰ Bone be Yônatan: Meribaal: Meribaal a mbe ésaa Mika.

⁴¹ Bone be Mika: Piton, Mélék a Taréa.

⁴² Ahaz a mbe ésaa Yara, Yara ésaa Alémét, Azmavét a Zimri, Zimri ésaa Môsa,

⁴³ Môsa ésaa Binéa Binéa ésaa Refaya, Refaya ésaa Elasa a Elasa ésaa Asel.

⁴⁴ Asel a nga biaé bone besaman be too môé na: Azrikam, Bokru, Ismaél, Kéaria, Obadia a Hanan.