1 Minkte 6 - Bible en langue Bulu

¹ Bone be Lévi: Gersom, Kehat a Merari.

² Biyôlé bi bone be Gerson: Libni a Simeyi.

³ Bone be Kehat: Amram, Yitsehar, Ebroñ a Uziél.

⁴ Bone be Merari: Mali a Muki.

⁵ Mebum me Lévi ane bʼésaa bap be né mme ma: abume Gerson: Libni e mone wé; Yahat e mone wé; Zimma e mone wé;

⁶ Yôa e mone wé; Iddô e mone wé; Zéra e mone wé; Yeatrayi e mone wé.

⁷ Bone be Kehat: Aminadab e mone wé; Koré e mone wé; Asir e mone wé;

⁸ Elkana e mone wé; Ebyasaf e mone wé; Asir e mone wé;

⁹ Tahat e mone wé; Uriél e mone wé; Uzia e mone wé; Saül e mone wé.

¹⁰ Bone be Elkana: Amasayi a Ahimôt;

¹¹ Elkana e mone wé; Sôfayi e mone wé; Nahat e mone wé;

¹² Eliab e mone wé; Yérôham e mone wé; Elkana e mone wé;

¹³ a bone be Samuel: ntô Vakni a Abiya.

¹⁴ Bone be Merari: Mali; Libni mone wé; Simeyi e mone wé; Uza e mone wé;

¹⁵ Simea e mone wé; Hagiya e mone wé; Asaya e mone wé.

Beyia bia ya melu me David

¹⁶ E bôte David a nga telé na be wulu mame ya bia e Nda Nti éyoñ éwolo élat é nga bi awoʼon a bômbô ngume vôm.

¹⁷ Be nga bo ésaé ya yia bia ôsu Tabernakel, ôsu nda éndelé bendôbaʼan, akekui éyoñe David a nga lôñe nda Nti e Yérusalém, be nga too ésaé jap avale be nga yeʼele be.

¹⁸ Ba be nga too a bone bap be mbe na: Mfaʼa bone be Kahat: Héman, nyia bia, e mone Yôél, e mone Samuel

¹⁹ e mone Elkana, e mone Yérôham, e mone Eliél, e mone Tôa,

²⁰ e mone Tuf, e mone Elkana, e mone Mahat, e mone Amasayi,

²¹ e mone Elkana, e mone Yôél, e mone Azaria, e mone Sôfôni,

²² e mone Tahat, e mone Asir, e mone Ebyasaf, e mone Koré,

²³ e mone Yitsehar, e mone Kehat, e mone Lévi, e mone Israél.

²⁴ Monyañe wé Asaf a nga tele nye mbo nnôm a too e mone Bérékiahu, e mone Siméa,

²⁵ e mone Mikaél, e mone Baaséya, e mone Malkiya,

²⁶ e mone Etni, e mone Zéra, e mone Adaya,

²⁷ e mone Etan, e mone Zimma, e mone Simeya,

²⁸ e mone Yahat, e mone Gersom, e mone Lévi.

²⁹ Bobenyañ, e bone be Merari, be nga tele be mbo nga, évete jap é too Etan e mone Kisi, e mone Abdi, e mone Maluk,

³⁰ e mone Hakabia, e mone Amatsia, e mone Ilkiya,

³¹ e mone Amsi, e mone Bani, e mone Sémer,

³² e mone Mali, e mone Muki, e mone Merari, e mone Lévi.

³³ Bobenyañ, e bone be Lévi, be nga bo ésaé Tabernakel e nda Zambe.

³⁴ Aron a bone bé be mbe be vaʼa bityiʼa ataʼa mimvean ba diʼi ngumba yôp a ôtu ataʼa beôlobinda yôp; be nga bo bisaé bise ya vôm a dañ étyi a bulu minsem asu Israél aval ése Môze mbo ésaé Zambe a nga bendé.

³⁵ Bone bʼAron mbe ba: Eléazar e mone wé; Finéas e mone wé; Abisua e mone wé;

³⁶ Buki e mone wé, Uzi e mone wé; Zeraya e mone wé;

³⁷ Merayôt e mone wé; Amaria e mone wé; Ahitub e mone wé;

³⁸ Sadok e mone wé; Ahimaat e mone wé.

Bitisone Belévit

³⁹ Mevôme mvoñe bôt Aron, abume Kéhat é nga too mme ma. Be mbe bôte ya ôsu be nga nyoñe ngap a mboone asimba :

⁴⁰ be nga nyoñe tison Ebroñ e si ya Yuda a mevôm ma bômane nye;

⁴¹ Ve Kaléb, e mone Yefuné, a nga nyoñe minlam a mefane ya Ebroñ.

⁴² Be nga ve bone bʼAron Ebroñ tisone, ya sobô, Libna a mefôla mé, Yatir, Ektemôa a mefôla mé,

⁴³ Hilén a mefôla mé. Debir a mefôla mé,

⁴⁴ Akan a mefôla mé, Bétsemék a mefôla mé;

⁴⁵ E si Bényamin be nga nyoñe Géba a mefôla mé, Alémét a mefôla mé, Anatot a mefôla mé. Bitisone biabe bise bi mbe awôm a bilaa ane mebume map me né.

⁴⁶ E bone be Kehat bevok be nga nyoñe bitison awôm a mboon asimba e be ayoñ Efrayim, e be éfas ayoñe Dan a e be éfas ayoñe Manasé.

⁴⁷ Bone be Gersom be nga nyoñe bitison awôm a bilaa e be ayoñe Isakar, ayoñe azer, ayoñe Néftali, ayoñe Manasé, e Basañ, ane mebume map me né.

⁴⁸ Bone be Merari, ane mebume map me né, be nga nyoñe bitison awôm a bibaé a mboon asimba e be ayoñe Ruben, ayoñe Gad a ayoñe Zabuloñ.

⁴⁹ Bone bʼIsraél be nga ve Belévit bitison a mefôla map.

⁵⁰ Be nga ve bitisone bite a mboon asimba , a yôlé bie môé bi soʼo ayoñ bone be Yuda, ayoñe bone be Siméoñ, ayoñe bone be Bényamin.

⁵¹ Bitison be nga ve mebum mevoʼo ya bone be Kehat, be nga nyoñe bie e ayoñe Efrayim.

⁵² Be nga ve be Sikem tisone ya sobô a mefôla mé, Gézér a mefôla mé e minkôle yʼEfrayim,

⁵³ Yôkmeam a mefôla mé, Bétôroñ a mefôla mé,

⁵⁴ Ayalôn a mefôla mé, Gat-Rimôn a mefôla mé;

⁵⁵ Aner a mefôla mé, Bileam a mefôla mé e be éfas ayoñe Manasé; bitison bi nga veban asu abume ya bone be Kehat bevok mbie le.

⁵⁶ Be nga ve bone be Gersom Gôlañ e Basañ a mefôla mé, Astarôt a mefôla mé, bitisone bite bi soʼo abume ya éfas ayoñe Manasé;

⁵⁷ bitison bi nga nyoñeban ayoñe Isakar bi mbe Kédés a mefôla mé, Dôbrat a mefôla mé,

⁵⁸ Ramôt a mefôla mé Anem a mefôla mé;

⁵⁹ Ayoñ Azér be nga nyoñe Makal a mefôla mé, Abdôn a mefôla mé,

⁶⁰ Hukok a mefôla mé, Rehôb a mefôla mé;

⁶¹ E ayoñe Néftali be nga nyoñe Kédés e Galilé a mefôla mé, Hamôn a mefôla mé, Kiryatayim a mefôla mé.

⁶² Be nga ve bone be Merari be nga liʼi Rimônô a mefôla mé, Tabor a mefôla mé, bitison bite bi soʼok ayoñe Zabuloñ été;

⁶³ e Yordane yat mfaʼa jôp da tôô, zôsôô a Yérikô, e ngabe si Ruben, be nga nyoñe Bétser e nkôte si a mefôla mé, Yatsa a mefôla mé,

⁶⁴ Kédé Môt a mefôla mé, Méfat a mefôla mé;

⁶⁵ ngap é nga so ayoñe Gad: Ramôt e Galad a mefôla mé, Mahanayim a mefôla mé,

⁶⁶ Hesboñ a mefôla mé, Yaézer a mefôla mé.