1 Minkte 5 - Bible en langue Bulu

Mvoñe bôte Ruben, nyô Gad a nyô Manasé

¹ Ruben, ntôle mone Israél, amu nye a nga taté bialé, vʼamu a nga bo nsem énoñ ésaa, nde éto ntôle jé é nga veban e be bone be Yôsep, e mone Israél; ajô te be nji ke bo élañe bôte Ruben avalʼane éto ntôle jé é mbe.

² Yuda nye a nga dañ éwôlô e bobenyañ été a e nne môt a nga suʼulane bo évet a nga so be nye, ve Yôsep a nga nyoñ éto ntôl.

³ Bone be Ruben, ntôle mon Israél: Hénok, Palu, Etsroñ a Karmi.

⁴ Bone be Yôél: Semaéya e mone wé; Gôg e mone wé. Siméyi e mone wé;

⁵ Miké e mone wé; Reaya e mone wé; Baal e mone wé;

⁶ Beéra e mone wé nye Tilgat-Pilnéser, njô bôte ya Asiri, a nga kee nye nkôm: a mbe évete ya bone be Ruben.

⁷ Bobenyañe be Beéra, ane mebume map me né avale be ne nlañan be tôñe mebialé map: Yeiél ntô, Zakari,

⁸ Béla e mone Azaz, e mone Séma, e mone Yôél. A nga too Aroér, a kui Nébô a Baal-Meôn:

⁹ mfaʼa jôp da tôô, a nga too a kui anyiine ya nkôte si, ataté ôsôé Efrat, amu mimbame biyeme miap mi mbe abui e si ya Galad.

¹⁰ Melu Saül, be nga wosane Behagarénieñ, be ve ku e mo map; be nga tabe e menda bindelé map, éfas ése ya Galad e jôp da tôô.

¹¹ Bone be Gad be nga too be Zôsôô, e si ya Basañ a kui Salka.

¹² Yôél ntô, Safam ébatan, Yaénayi a Safat, e Basañ.

¹³ Bobenyañ, avalʼane menda me bôte map me né be mbe na: Mikaél, Mesulam, Séba, Yôrayi, Yaékan, Zia a Eber, bôte zamgbwa.

¹⁴ Be mbe bone be Abihayil e mone Huri, e mone Yarôa, e mone Galad, e mone Mikaél, e mone Yesikayi e mone Yadô, e mone Buz;

¹⁵ Ahi, e mone Abdiél, e mone Guni, a mbe nlô ya menda me bôte map.

¹⁶ Be nga too e Galad, e Basañ a minlam yʼété, a minlam mise mia bômane Saroñ a kui mekuʼu map.

¹⁷ Bese be nga lañeban e bindan melu Yôtam, njô bôte ya Yuda a nga too a melu Yérôbôam baa, njô bôte ya Israél a nga jôô.

¹⁸ Mvôʼô Ruben, mvôʼô Gad a éfas ayoñe Manasé be nga bili biwôlô bi bôte, be beʼe ében a nkpwaté mekôn, be wuʼa élaé , be too fe nkômesan asu bita, bôte toyini mewôm menyin a ényin, mintete zamgbwa a mewôm mesaman, be too nguleya ke wosan.

¹⁹ Be nga wosane Begarénieñ e Yetur, e Nafik a e Nôdab.

²⁰ Be nga nyoñe mvolane ya wosane be; Begarénieñ a ba ba be be bese be mbe be nga ku e mo map. Amu e mewosane zañ be nga yône be Zambe, Nyô a nga kañese na be yeʼelane nye amu be nga ve bebiene be nye.

²¹ Be nga bi biyeme biap: Bekamel toyini mewôm metan, bikela a mintômba toyini mintete mibaé a mewôm metan, bijakas toyini ébaé, nalé fe bôt e ntete toyini;

²² bôt abui be nga wu, amu bita bi nga so be Zambe. Be nga tabe e vôme wop a kui éyoñe ya Minkôm.

²³ Bone be éfas ayoñe Manasé be nga too si ataté Basañ a kuyi Baal-Hermon, e Semir a e nkôle Hermon; be mbe abui.

²⁴ Minlô ya menda me bôte map e mie mi: Efer, Yiseyi, Eliél, Azriél, Yérémi, Hôdavia a Yadiel, biwôlô a minkukume mi bôt, bôte ya duma, be too minlô ya menda me bôte map.

²⁵ Ve be nga bo te tabe e Zambe bʼésaa ndi, a bo bijabô ya tôñe bezambe meyoñe ya si éte, mme Zambe a nga jian ôsu viap.

²⁶ Zambe ya Israél a nga fôʼô nleme Pul, njô bôte ya Asiri a e nleme Tilgat-Pilnéser, njô bôte ya Asiri; Ane Tilgat-Pilnéser a nga kee mvôʼô Ruben, mvôʼô Gad a éfas ayoñe Manasé e minkôm. A nga kee be Hala, e Habor a e Hara, a ôsôé Gôzan, e vôm be nga tabe a kui môse wu.

Mvôʼô Lévi

²⁷ Bone be Lévi: Gerson, Kehat a Merari.

²⁸ Bone be Kehat: Amram, Yitsehar, Ebroñ a Uziél.

²⁹ Bone be Amram: Aron, Môze a Miriam, Bone bʼAron: Nadab, Abihu, Eléazar a Itamar.

³⁰ Eléazar a nga biaé Finéas; Finéas a nga biaé Abisua;

³¹ Abisua a nga biaé Buki; Buki a nga biaé Uzi;

³² Uzi a nga biaé Zeraya; Zeraya a nga biaé Merayôt;

³³ Merayôt a nga biaé Amaria; Amaria a nga biaé Ahitub;

³⁴ Ahitub a nga biaé Sadok; Sadok a nga biaé Ahimaat;

³⁵ Ahimaat a nga biaé Azaria; Azaria a nga biaé Yôhanañ;

³⁶ Yôhanañ a nga biaé Azaria a nga bo ésaé ntuni e Nda Zambe Solômon a nga lôñ e Yérusalém.

³⁷ Azaria a nga biaé Amaria; Amaria a nga biaé Ahitub;

³⁸ Ahitub a nga biaé Sadok, Sadok a nga biaé Salum;

³⁹ Salum a nga biaé Ilkiya; Ilkiya a nga biaé Azaria;

⁴⁰ Azaria a nga biaé Seraya; Seraya a nga biaé Yehôsadak.

⁴¹ Yehôsadak a nga ke éyoñe Nti a nga kee Yuda a Yérusalém e minkôm a wo Nébukatnétzar.