TIENWOGIKAL 8 - BUKUIT NE TILIL

Oindab Jehovah ak teegistab chito

Bo Ne O eng’ Butik; eng’ kibugandet ne bo Gitit. Tiendab kalosunet ne bo Daudi

¹ Ee Jehovah, Kiptaiyandennyo, Konyitot ne tia kaineng’ung’ eng’ ng’ony komugul! Inye ne kiinde telunateng’ung’ kipsengwetisiek.

² Kiing’at kimnatet kobun kutuswekab lagok ak che reritos, Amu buniguk, Si iger kong’ bunyot kosis ak ne yaaktoi mugetut.

³ Ye ageere kipsengwetisieguk, boisionikab euneguk, Arawet ak kecheik che kiichob;

⁴ Ale, Nee chi anyun, ne tos ibwat? Anan weritab chi, ne tos irutochi?

⁵ Amu kiiyai inendet koming’init kitigin eng’ Kamuktaindet, Ilaakyini inendet kutwet ne bo torornatet ak teegisto.

⁶ Kiigochi inendet koboi boisionikab euneguk; Kiinde tuguk tugul keldebesaikab kelyekyik kogas it;

⁷ Kechirek tugul ak eik tugul, Ee, agot tiong’ik che bo timin;

⁸ Taritik che mi barak, ak njirenik che bo nyanjet, Ak alak tugul che bunoti ortinwekab nyanjosiek,

⁹ Ee Jehovah, Kiptaiyandennyo, Konyitot ne tia kaineng’ung’ eng’ ng’ony komugul.