TIENWOGIKAL 3 - BUKUIT NE TILIL

Saetab karon ne bo chi ne imang’u Jehoval

Tiendab kalosunet ne bo Daudi, ye kimwee werinnyi Absalom.

¹ Ee Jehovah, kagotesak bunikyuk ne tia! Chang’ che ng’eetyina.

² Mitei che chang’ che mwaei agobo sobondanyu, kole, Matinyei chichi yetunet eng’ Kamuktaindet.

³ Ago inye, Jehovah, ko i long’et ne mi komoswek tugul eng’ ane; I teegistanyu, ak i tiindetab metinnyu.

⁴ Arirjini Jehovah eng’ kutinnyu, Ak wolwa eng’ tulwennyi ne tilil.

⁵ Kialyelde ak anuuch; Kiagosu; amu kiigimita Jehovah.

⁶ Maiywei bik tamanusiekab elfusiek, Che kayiema kotokyagei eng’ komoswek tugul.

⁷ Ng’eet, ee Jehovah; sorua, ee Kamuktaindennyu: Amu kiirabach matang’wekab bunikyuk tugul; Kiiri kelekab kiptengeginik.

⁸ Bo Jehovah yetunet: Ingotebe berurtang’ung’ biguk.