TIENWOGIKAL 14 - BUKUIT NE TILIL

Abusnatetab chi ak yaitiennyi

Bo Ne O eng’ Butik. Tiendab Kalosunet ne bo Daudi.

¹ Kigomwa ne berber eng’ muguleldanyi, kole, Mami Kamuktaindet. Kigong’emogis, ak koyai yautik che kiwechei; Mami ne yaei ne mie.

² Keerei Jehovah eng’ kipsengwet werikab bik, Kole kogeer ngo mi ne ng’om, Ne cheng’ei Kamuktaindet.

³ Kigomasta tugul; kigosamisitu tugul: Mami ne yaei ne mie agot agenge.

⁴ Matinyei kaguiyet yaikab tengekto? Che amei bikyuk ko u ye amei amitwogik, Ama kuurei Jehovah.

⁵ Kiiyweis mising’ eng’ oloto: Amu mi Kamuktaindet koboto ibindab che bo imanda.

⁶ Ondoi tewernatet ng’alekab kibananiat, Amu Jehovah ole mwechin inendet.

⁷ Kita mie nda kiga bun yetunetab Israel Sion! Ye tun iweechi Jehovah bikyik che kigiluul, Koboiboitu anyun Jakobo, ak kogasgei Israel.