TIENWOGIKAL 13 - BUKUIT NE TILIL

Saet eng’ saitab nyalilda

Bo Ne eng’ Butik. Tiendab Kalosunet ne bo Daudi.

¹ Ee Jehovah, iutiena agoi au? Agoi koigeny? Iung’ena togeng’ung’ kot kotianit?

² Agereri met eng’ sobondanyu kot kotianit, Komi arogenet muguleldanyu betut komugul? Eetu bunyondennyu eng’ ane kot kotianit?

³ Ee Jehovah Kamuktaindennyu, keer si iwolwa: Ikweny konyekyuk, si maru ruondab meet;

⁴ Si mamwa bunyondennyu, kole, Kaaterter inendet; Si maboiboitu bunikyuk ye kiistaa.

⁵ Ago kiamang’u rireneng’ung’; Igasege muguleldanyu yetuneng’ung’.

⁶ Atienjini Jehovah, Amu kiyaiywa eng’ aiyebindo.