TIENWOGIKAL 1 - BUKUIT NE TILIL

Kiboru ole terjindoi bikab iman ak bik che yaachen

¹ Iberurot chi ne manamei ng’alekab bik che yaachen, Ama tonone oretab kiptengeginik, Ama tebe ng’echeretab sasik.

² Ago baibaitune ng’atutietab Jehovah; Ak kobwatoti ng’atutiennyi bet ak kemoi.

³ Ak kogergeit ak ketit ne kigiminji ole negite ainosiek, Ne yiei logoekyik eng’ betusiekyik, Ama restos sogekyik; ak koberurok kiy age tugul ne yaei.

⁴ Ma u noto che yaachen; Ago kergei ichek ak metetek che ibei usonet.

⁵ Eng’ noto anyun matonondos che yaachen eng’ kiruoget, Ama tonondos kiptengeginik eng’ tuiyetab che bo imanda.

⁶ Amu ingen Jehovah oretab che bo imanda: Ago betei oretab kiptengeginik.