TAUNET 36 - BUKUIT NE TILIL

Bikab oretab Esau

¹ Chu ko ortinwekab Esau (noto ko Edom).

² Kiitun Esau tibikab Kanan; Ada cheptab Elon Hitindet ak Oholibama cheptab Ana ne ki cheptab Sibeon Hibindet;

³ ak Basemat cheptab Ismael, chepkametab Nebaiot.

⁴ Ak kisikyi Ada Esau Elipas; ak kisich Basemat Reuel;

⁵ ak kisich Oholibama Jeus, Jalam, ak Kora: choto ko werikab Esau, che kisichei eng’ emetab Kanan.

⁶ Ak kiimut Esau osotikyik, ak werikyik, ak tibikyik, ak bik tugul che bo gonnyi, ak tukyik, ak akwotisiekyik tugul, ak tugukyik tugul, che kiga koyumjigei eng’ emetab Kanan; kiu kwo emet age kolooit eng’ ng’etab kamet Jakobo.

⁷ Amu ki chang’ tugukwak mising’ kot koma imuch komeng’jin tuwai; ak kima koyamei ichek tuwai emet ne kiegunote toek amu akwotisiekwak.

⁸ Kimeny anyun Esau tulwetab Seir: Esau ko Edom.

⁹ Chu ko ortinwekab Esau, kwandab Edomik eng’ tulwetab Seir:

¹⁰ chu ko kainaikab werikab Esau; Elipas weritab Ada osotiotab Esau, Reuel weritab Basemat, osotiotab Esau.

¹¹ Ak werikab Elipas ko ki Teman, Omar, Sepo, Gatam, ak Kenas.

¹² Timna ko ki chebaigeiyatab Elipas weritab Esau, ak kisikyi Elipas Amalek: chuto ko werikab Ada ne bo Esau.

¹³ Ak chu ko werikab Reuel; Nahat, Sera, Sama, ak Misa: choto ko ki werikab Basemat ne bo Esau.

¹⁴ Ak chu ko ki werikab Oholibama osotiotab Esau, cheptab Ana, ne ki cheptab Sibeon: ak kisikyi Esau Jeus, ak Jalam, ak Kora.

¹⁵ Chuto ko kiruogikab werikab Esau: werikab Elipas, ne o ne bo Esau: kiruogindet Teman, kiruogindet Omar, kiruogindet Sepo, ak kiruogindet Kenas,

¹⁶ ak kiruogindet Kora, kiruogindet Gatam, ak kiruogindet Amalek; chuto ko kiruogik che kisichei Elipas eng’ emetab Edom; chuto ko werikab Ada.

¹⁷ Chu ko werikab Reuel weritab Esau; kiruogindet Nahat, kiruogindet Sera, kiruogindet Sama, ak kiruogindet Misa: chuto ko kiruogik che kisichei Reuel eng’ emetab Edom; chuto ko werikab Basemat osotiotab Esau.

¹⁸ Chu ko werikab Oholibama osotiotab Esau; kiruogindet Jeus, kiruogindet Jalam, ak kiruogindet Kora; chuto ko kiruogik che kisichei Oholibama, osotiotab Esau cheptab Ana.

¹⁹ Chuto ko werikab Esau, inendet ko Edom, ak chuto ko kiruogikwak.

²⁰ Chu ko werikab Seir Horindet, che kimenyei emonoto: Lotan, Sobal, Sibeon, Ana,

²¹ Dison, Eser ak Disan: chuto ko kiruogik che kimong’une Horik, bikab Seir eng’ emetab Edom.

²² Ak lagokab Lotan ko ki Hori ak Hemam; ak chepkametab Lotan ko ki Timna.

²³ Chu ko lagokab Sobal; Alban, Manahat, Ebal, Sepo ak Onam.

²⁴ Ak chu ko lagokab Sibeon: Aja ak Ana; Ana nito ko ne kinyor kong’ikab beek che beelei bich eng’ ong’atet, ye kiiyagi sigirokab Sibeon kwandanyi.

²⁵ Chu ko lagokab Ana: Dison ak Oholibama cheptab Ana.

²⁶ Ak chu ko lagokab Dison: Hemdan, Esban, Itran ak Keran.

²⁷ Chu ko lagokab Eser: Bilan, Saaban ak Akan.

²⁸ Chu ko lagokab Disan: Us ak Aran.

²⁹ Chuto ko kiruogik che kimong’une Horik; kiruogindet Lotan, kiruogindet Sobal, kiruogindet Sibeon, kiruogindet Ana,

³⁰ kiruogindet Dison, kiruogindet Eser, kiruogindet Disan; chuto ko kiruogik che kimong’une Horik, ko u kiruogikwak eng’ emetab Seir.

³¹ Chu laitorinik che kilaitorane emetab Edom, ye kitomo kobiit laitoriat ne bou bikab Israel.

³² Kilaitorane Edom Bela weritab Beor; kainetab nganasennyi ko ki Dinaba.

³³ Ak kime Bela, ak kinam laitornatennyi Jobab weritab Sera ne bo Bosra.

³⁴ Ak kime Jobab, ak kinam laitornatennyi Husam ne bo emetab Temanik.

³⁵ Ak kime Husam, ak kinam laitornatennyi Hadad weritab Bedad, ne kibar Midianik eng’ turguitab Moab; ak kainetab nganasennyi ko ki Abit.

³⁶ Ak kime Hadad, ak kinam laitornatennyi Samla ne bo Masreka.

³⁷ Ak kime Samla, ak kinam laitornatennyi Saul ne bo Rehobot nganaset ne negite ainet.

³⁸ Ak kime Saul, ak kinam laitornatennyi Baal-hanan weritab Akbor.

³⁹ Ak kime Baal-hanan weritab Akbor, ak kinam laitornatennyi Hadar: ak kainetab nganasennyi ko ki Pau; ak kainetab osotiondennyi ko ki Meetabel cheptab Matred, cheptab Me- sahab.

⁴⁰ Ak chu kainaikab kiruogik che kimong’une Esau, ko u ortinwekwak, ko u korotinwekwak, ko u kainaikwak: kiruogindet Timna, kiruogindet Alba, kiruogindet Jetet;

⁴¹ kiruogindet Oholibama, kiruogindet Ela, kiruogindet Pinon;

⁴² kiruogindet Kenas, kiruogindet Teman, kiruogindet Mibsar;

⁴³ kiruogindet Magdiel, kiruogindet Iram: chuto ko kiruogikab Edom, ko u meng’otenywa eng’ emet ne ki nenywa: nito ko Esau kwandab Edomik.