TAUNET 10 - BUKUIT NE TILIL

Bikab oretab Noa

¹ Chu ortinwek che bo werikab Noa, Sem, Ham, ak Japet: ak ye kingobata maranet kosich ichek werik.

² Werikab Japet chu: Gomer, Magog, Matai, Jaban, Tubal, Mesek, ak Tiras.

³ Ak werikab Gomer chu: Askenas, Ripat, Togarma.

⁴ Ak werikab Jaban chu: Elisa, Tarsis, Kitim, ak Dodanik.

⁵ Kigipchechi ichek ngegusiek che bo bororiosiek eng’ emotinwekwak; age tugul eng’ kutinnyi, ko u ortinwekwak, eng’ bororiosiekwak.

⁶ Ak werikab Ham chu: Kus, Misraim, Put, ak Kanan.

⁷ Ak werikab Kus: ko Seba, Habila, Sabta, Raama, ak Sabteka: ak werikab Raama: ko Sheba, ak Dedan.

⁸ Ak kisich Kus Nimrot: Kitoi koek chito ne nyigan eng’ ng’ony.

⁹ Ki kiplogotiot ne nyigan eng’ taitab Jehovah. Ineni kigimwa kele, ko u Nimrot kiplogotiot ne nyigan eng’ taitab Jehovah.

¹⁰ Taunetab bounatennyi ko ki Babel, ak Erek, Akat, ak Kalne, eng’ emetab Sinar.

¹¹ Ak kimanda eng’ emonoto kwo Asuria, si koteech Ninebe, ak nganasetab Rehobot, ak Kala,

¹² ak Resen ne mi kwenutab Ninebe ak Kala (noto ko nganaset ne o).

¹³ Ak kisich Misraim Ludik, ak Anamik, ak Leabik, ak Naptuik,

¹⁴ ak Patrusik, ak Kasluhik (icheget che kibunu Pilistik), ak Kaptorik.

¹⁵ Ak kisich Kanan Sidon, werinnyi ne bo tai, ak Het;

¹⁶ ak Jebusik, Amorik, ak Girgasik.

¹⁷ Ak Hibik, Arkik, ak Sinik;

¹⁸ ak Aribadik, Semarik, ak Hamatik: ak kingobata kouuot oretab Kanan koyom emet.

¹⁹ Ak kibunei kiwotetab Kananik Sidon, kotokyingei Gerar, agoi Gasa; kotokyingei Sodom ak Gomora ak Atma ak Seboim, agoi Lasa.

²⁰ Chuto ko werikab Ham, ko u ortinwekwak, ak ko u kutuswekwak, eng’ emotinwekwak, ak eng’ bororiosiekwak.

²¹ Kisich Sem agine lagok, inendet ko ki kwandab lagok tugul che bo Eber, ng’etab kamet ne o eng’ Japet.

²² Werikab Sem chu: Elam, Asur, Arbaksat, Luk ak Aram.

²³ Chu werikab Aram: Us, Hul, Geter, ak Mas.

²⁴ Ak kisich Arbaksat Sela; ak kisich Sela Eber.

²⁵ Ak kisich Eber werik aeng’: kainetab age ko ki Peleg; amu kigipchei ng’ony eng’ betusiekyik; ak kainetab ng’etab kamet ko ki Joktan.

²⁶ Ak kisich Joktan Almotat, Selep, Hasarmabet, Jera:

²⁷ Hadoram, Usal, Tikla:

²⁸ Obal, Abimael, Sheba:

²⁹ Opir, Habila, ak Jobab: chuto tugul ko ki werikab Joktan.

³⁰ Ak kiboch meng’otenywa Mesa, kotokyingei Separ, tulwetab kong’asis.

³¹ Chuto ko werikab Sem, ko u ortinwekwak, ko u kutuswekwak, eng’ emotinwekwak, ak ko u bororiosiekwak.

³² Chuto ko ortinwekab werikab Noa, ko u ibinwekwak, eng’ bororiosiekwak: ak kigipchei eng’ chuto bororiosiek eng’ ng’ony, kingo kagobata maranet.