NEEMIA 7 - BUKUIT NE TILIL

Kainaikab bik che kiweek

¹ Ak kingo kageteech irimet, ak ande kereiywekab kurgotik, ak kingo kagelewen ribik, tienik ak Lawik,

² alewen anyun tupchennyu Hanani, ak Hanania bounindetab irimet, gab laitoriat, koboi Jerusalem: amu ki chito ne kiyani, ak ne kiiywei Kamuktaindet kosiir che chang’.

³ Ak kialenji ichek, Amat keyat ormarichokab Jerusalem kot kong’wanit asis; ak ye ta kotonondos koripsei, ko mie koger ichek ormarichok, ak otemel, ak olewen ribik eng’ bik che menyei Jerusalem, chi age tugul eng’ ripsennyi, ak korib chi age tugul ole tokyingei gonnyi.

⁴ Ki tebees anyun nganaset ak ko baraa: ago ki ng’ering’ bik che kimi orit, ak kitomo keteech gorik.

⁵ Kiinde Kamuktaindennyo muguleldanyu ale ayum bik che toogunotin, ak bounik, koboto bik, si kobiit kiit kobee tetutikab ibinwek che kigosiirto. Ak kianyoru bukuitab tetutikab ibinwek che kigosiirto ne bo ichek che kisib kotogos, ak anyoru ko sirotin eng’ bukuinoto:

⁶ Chuto bikab emet, che kiga kotogos kobunu ole kiga kiluulji, che bo che kiga kiluul, che kiga luul Nebukadnesar laitoriatab Babulon, che kiweek kobwa Jerusalem ak Juda kiwa chi tugul nganasennyi;

⁷ che kigabwa koboto Serubabel, ak Jesua, Neemia, Asaria, Raamia, Nahamani, Mordekai, Bilsan, Misperet, Bigbai, Nehum, ak Baana. Koitetab murenikab bikab Israel:

⁸ lagokab Paros ko ki bik elfusiek aeng’ ak bogol ak tamanwogik tisab ak aeng’.

⁹ Lagokab Sepatia ko ki bogol somok ak tamanwogik tisab ak aeng’.

¹⁰ Lagokab Ara ko ki bogol lo ak konom ak aeng’.

¹¹ Lagokab Pahat-moab, eng’ lagokab Jesua ak Joab, ko ki elfusiek aeng’ ak bogol sisiit ak taman ak sisiit.

¹² Lagokab Elam ko ki elfut agenge ak bogol aeng’ ak konom ak ang’wan.

¹³ Lagokab Satu ko ki bogol sisiit ak artam ak mut.

¹⁴ Lagokab Sakai ko ki bogol tisab ak tamanwogik lo.

¹⁵ Lagokab Binui ko ki bogol lo ak artam ak sisiit.

¹⁶ Lagokab Bebai ko ki bogol lo ak tiptem ak sisiit.

¹⁷ Lagokab Asgad ko ki elfusiek aeng’ ak bogol somok ak tiptem ak aeng’.

¹⁸ Lagokab Adonikam ko ki bogol lo ak tamanwogik lo ak tisab.

¹⁹ Lagokab Bigbai ko ki elfusiek aeng’ ak tamanwogik lo ak tisab.

²⁰ Lagokab Adin ko ki bogol lo ak konom ak mut.

²¹ Lagokab Ater, che bo Hesekia, ko ki tamanwogik sogol ak sisiit.

²² Lagokab Hasum ko ki bogol somok ak tiptem ak sisiit.

²³ Lagokab Besai ko ki bogol somok ak tiptem ak ang’wan.

²⁴ Lagokab Harip ko ki bogol ak taman ak aeng’.

²⁵ Lagokab Gibeon ko ki tamanwogik sogol ak mut.

²⁶ Bikab Bet-lehem ak Netopa ko ki bogol ak tamanwogik sisiit ak sisiit.

²⁷ Bikab Anatot ko ki bogol ak tiptem ak sisiit.

²⁸ Bikab Betasmabet ko ki artam ak aeng’.

²⁹ Bikab Kiriat-jearim, Kepira, ak Beerot ko ki bogol tisab ak artam ak somok.

³⁰ Lagokab Rama ak Geba ko ki bogol lo ak tiptem ak agenge.

³¹ Bikab Mikmas ko ki bogol ak tiptem ak aeng’.

³² Bikab Bet-el ak Ai ko ki bogol ak tiptem ak somok.

³³ Bikab Nebo age ko ki konom ak aeng’.

³⁴ Lagokab Elam age ko ki elfut agenge ak bogol aeng’ ak konom ak ang’wan.

³⁵ Lagokab Harim ko ki bogol somok ak tiptem.

³⁶ Lagokab Jeriko ko ki bogol somok ak artam ak mut.

³⁷ Lagokab Lod, Hadid, ak Ono, ko ki bogol tisab ak tiptem ak agenge.

³⁸ Lagokab Senaa ko ki elfusiek somok ak bogol sogol ak sosom.

³⁹ Tisiik: lagokab Jedaia, che bo gotab Jesua, ko ki bogol sogol ak tamanwogik tisab ak somok.

⁴⁰ Lagokab Imer ko ki bik elfut agenge ak konom ak aeng’.

⁴¹ Lagokab Pasur ko ki elfut agenge ak bogol aeng’ ak artam ak tisab.

⁴² Lagokab Harim ko ki elfut agenge ak taman ak tisab.

⁴³ Lawik: lagokab Jesua, che bo Kadmiel, eng’ lagokab Odeba, ko ki tamanwogik tisab ak ang’wan.

⁴⁴ Tienik: lagokab Asap ko ki bogol ak artam ak sisiit.

⁴⁵ Ribikab kurgotik: lagokab Salum, lagokab Ater, lagokab Talmon, lagokab Akub, lagokab Hatita, lagokab Sobai, ko ki bogol ak sosom ak sisiit.

⁴⁶ Netinik: lagokab Siha, lagokab Hasupa, lagokab Tabaot;

⁴⁷ lagokab Keros, lagokab Sia, lagokab Padon;

⁴⁸ lagokab Lebana, lagokab Hagaba, lagokab Salmai;

⁴⁹ lagokab Hanan, lagokab Gidel, lagokab Gahar;

⁵⁰ lagokab Reaia, lagokab Resin, lagokab Nekoda;

⁵¹ lagokab Gasam, lagokab Usa, lagokab Pasea;

⁵² lagokab Besai, lagokab Meunik, lagokab Neprusesik;

⁵³ lagokab Bakbuk, lagokab Hakupa, lagokab Harur;

⁵⁴ lagokab Baslit, lagokab Meida, lagokab Harsa;

⁵⁵ lagokab Barkos, lagokab Sisera, lagokab Tema;

⁵⁶ lagokab Nesia, ak lagokab Hatipa.

⁵⁷ Lagokab otwogikab Solomon: lagokab Sotai, lagokab Soperet, lagokab Perida;

⁵⁸ lagokab Jaala, lagokab Darkon, lagokab Gidel;

⁵⁹ lagokab Sepatia, lagokab Hatil, lagokab Pokeret-hasebaim, lagokab Amon.

⁶⁰ Netinik tugul, ak lagokab otwogikab Solomon, ko kiek bogol somok ak tamanwogik sogol ak aeng’.

⁶¹ Ak chuto che kitogos eng’ Tel-mela, Tel-harsa, Kerub, Adon, ak Imer; ago kima imuch kobor gorikab kwanisiekwak, anan iyotwenywa, ngo ki bo Israel:

⁶² lagokab Delaia, lagokab Tobia, lagokab Nekoda, ko ki bogol lo ak artam ak aeng’.

⁶³ Ak eng’ tisiik: lagokab Hobaia, lagokab Hakos, lagokab Barsilai, ne kiitun chepto age eng’ tibikab Barsilai Gileadindet, ak kigimwaitae kainenywa.

⁶⁴ Kicheng’ chuto kit ne kigisirji kainaikwak, kobee tetutikab ibinwek che kigosiirto, ago kimanyor: amu noto anyun kigiit kele ng’wonen, ak kigiistoe tiseinatet.

⁶⁵ Ak kilenji Tirsata ichek, Manyolji koam tuguk che tililen mising’, kot kobiit tisiindet ne tinyei Urim ak Tumim.

⁶⁶ Kiek tuiyet tugul elfusiek artam ak aeng’ ak bogol somok ak tamanwogik lo,

⁶⁷ ko maboto otwogikwak che murenik ak che tibik, kiek choto elfusiek tisab ak bogol somok ak sosom ak tisab: ak kitinyei tienik che murenik ak gotab kor bogol aeng’ ak artam ak mut.

⁶⁸ Mbartanyisiekwak ko ki bogol tisab ak sosom ak lo; nyumbusiekwak ko ki bogol aeng’ ak artam ak mut;

⁶⁹ tambesik ko ki bogol ang’wan ak sosom ak mut: sigirok ko ki elfusiek lo ak bogol tisab ak tiptem.

⁷⁰ Ak kigon alak eng’ kandoikab gorikab kwanisiek tugukab boisiet. Kigon Tirsata darkoni elfut agenge che bo tahabu, tabok konom, ngoroikab tisiik bogol mut ak sosom, koba ole kigonore tuguk.

⁷¹ Ak kigon kandoik alak che bo gorikab kwanisiek darkoni elfusiek tiptem che bo tahabu, ak ratilisiek che bo feda elfusiek aeng’ ak bogol aeng’, koba ole kigonore tuguk che bo boisiet.

⁷² Ak tuguk che kigagon bik tugul ko ki darkoni elfusiek tiptem che bo tahabu, ak ratilisiek che bo feda elfusiek aeng’, ak ngoroik tamanwogik lo ak tisab che bo tisiik.

⁷³ Komeny anyun nganasokwak tisiik, Lawik, ak ribikab kurgotik, ak tienik, ak bik alak, ak Netinik, ak Israel tugul. Ak kingoit arawet ne bo tisab, ko kimi lagokab Israel nganasokwak.