KAITOSYEK 7 - BUKUIT NE TILIL

Kagochinoik che kibun bounik ye kigitabani kaptisisiet

¹ Ak eng’ betut ne kiga kolumda Musa got, ak koiil ak kotaban, koboto tugukyik tugul, ak kaptisisiet ak tugukyik tugul, ak koiil choto ak kotaban,

² kogoito anyun kagochinoik, bounikab Israel, che eechen eng’ gorikab kwanisiekwak; chuto ko ki bounikab ortinwekab Israel, chuto che kibou icheget che kigiit;

³ ak kiib bounichoto kagochinoikwak kobwa taitab Jehovah, karisiek lo che tugotin, ak eik taman ak aeng’; ki bo karit agenge bounik aeng’, chi tugul ak eito agenge; ak kiigoito choto eng’ taitab got.

⁴ Ak kimwachi Jehovah Musa kolenji,

⁵ Taach tukchoto eng’ ichek, si kobiit kobunji boisietab emait ne kituiyechin; ak igochi Lawik tukchoto, igochi chi age tugul ko u boisiennyi.

⁶ Kitaach Musa anyun karisiek ak eik, ak kogochi Lawik.

⁷ Kiigochi werikab Gerson karisiek aeng’ ak eik ang’wan, ko u boisienywa;

⁸ ak kiigochi werikab Merari karisiek ang’wan ak eik sisiit, ko u boisienywa, eng’ bounatetab Itamar weritab Aron tisiindet.

⁹ Ago ma igochi kiy werikab Kohat, amu ki nenywa boisietab ole tilil; kiibe tukchoto tigigoikwak.

¹⁰ Ak kiigoito bounik kagochinoik agobo katabanetab kaptisisiet eng’ betut ne kigiile, kiigoito bounik kagochinoikwak eng’ taitab kaptisisiet.

¹¹ Ak kilenji Jehovah Musa, Ingogoito ichek kagochinoikwak, kogoito bounindet age tugul eng’ betunnyi, agobo katabanetab kaptisisiet.

¹² Ak inendet ne kiigoito kagochinennyi eng’ betut ne bo tai, ko ki Nason weritab Aminadab, ne bo oretab Juda.

¹³ Kagochinennyi ko ki sanit agenge ne bo feda, ne yamei nyigisindanyi sekelisiek bogol ak sosom, ak tabet ne bo feda ne yamei nyigisindanyi sekelisiek tamanwogik tisab, ko u sekel ne bo ole tilil; ki nyiitotin tukchoto tuwai, busiek che ng’ootin che kigiburukto mwaita koek kagochinetab busiek;

¹⁴ ak kibramut agenge ne bo tahabu ne yamei sekelisiek taman ne nyiitat nyamdutik;

¹⁵ ak kirgit agenge ne neran, ak mengit agenge, ak mengit age ne masiirei kenyit agenge, kobunji kagochinet ne kibeelei;

¹⁶ ak kwesta agenge koek kagochinetab tengekto;

¹⁷ ak ki bo tiseiywot ne bo kagochinoikab kalyet, eik aeng’, mengichik mut, ak kwesik mut, ak mengichik mut che masiirei kenyit agenge; ki choto kagochinoik che bo Nason weritab Aminadab.

¹⁸ Kiigoito eng’ betut ne bo aeng’ Netanel weritab Suar, bounindetab Isakar:

¹⁹ Sanit agenge ne bo feda ne yamei nyigisindanyi sekelisiek bogol ak sosom, ak tabet agenge ne bo feda ne yamei nyigisindanyi sekelisiek tamanwogik tisab, ko u sekel ne bo ole tilil; ki nyiitotin tukchoto tuwai busiek che ng’ootin che kigiburukto mwaita koek kagochinet ne bo busiek;

²⁰ ak kibramut agenge ne bo tahabu ne yamei sekelisiek taman ne nyiitat nyamdutik;

²¹ ak kirgit agenge ne neran, ak mengit agenge, ak mengit agenge ne masiirei kenyit agenge, kobunji kagochinet ne kibeelei;

²² ak kwesta agenge koek kagochinetab tengekto;

²³ ak agobo tiseiywotab kagochinoikab kalyet, eik aeng’, ak mengichik mut, ak kwesik mut, ak mengichik mut che masiirei kenyit agenge; ki choto kagochinoik che bo Netanel weritab Suar.

²⁴ Kiigoito eng’ betut ne bo somok Eliab weritab Helon, bounindetab lagokab Sebulun:

²⁵ kagochinennyi ko ki sanit agenge ne bo feda ne yamei nyigisindanyi sekelisiek bogol ak sosom, ak tabet agenge ne bo feda ne yamei sekelisiek tamanwogik tisab, ko u sekel ne bo ole tilil; ki nyiitotin tukchoto tuwai busiek che ng’ootin che kigiburukto mwaita koek kagochinetab busiek;

²⁶ ak kibramut agenge ne bo tahabu ne yamei sekelisiek taman ne nyiitat nyamdutik;

²⁷ ak kirgit agenge ne neran, ak mengit, ak mengit agenge ne masiirei kenyit agenge, kobunji kagochinet ne kibeelei;

²⁸ ak kwesta agenge koek kagochinetab tengekto;

²⁹ ak ki bo tiseiywotab kagochinoikab kalyet, eik aeng’u, ak mengichik mut, ak kwesik mut, ak mengichik mut che masiirei kenyit agenge; ki choto kagochinoik che bo Eliab weritab Helon.

³⁰ Kiigoito eng’ betut ne bo ang’wan Elisur weritab Sedeur, bounindetab lagokab Reuben:

³¹ kagochinennyi ko ki sanit agenge ne bo feda ne yamei nyigisindanyi sekelisiek bogol ak sosom, ak tabet agenge ne bo feda ne yamei sekelisiek tamanwogik tisab, ko u sekel ne bo ole tilil; ki nyiitotin tukchoto tuwai busiek che ng’ootin che kigiburukto mwaita koek kagochinetab busiek;

³² ak kibramut agenge ne bo tahabu ne yamei sekelisiek taman, ne nyiitat nyamdutik;

³³ ak kirgit agenge ne neran ak mengit agenge, ak mengit agenge ne masiirei kenyit agenge kobunji kagochinet ne kibeelei;

³⁴ ak kwesta agenge koek kagochinetab tengekto;

³⁵ ki bo tiseiywotab kagochinoikab kalyet, eik aeng’u, mengichik mut, kwesik mut, mengichik mut che masiirei kenyit agenge; ki choto kagochinoik che bo Elisur weritab Sedeur.

³⁶ Kiigoito eng’ betut ne bo mut Selumiel weritab Surisadai bounindetab lagokab Simeon:

³⁷ kagochinennyi ko ki sanit agenge ne bo feda ne yamei nyigisindanyi sekelisiek bogol ak sosom, ak tabet agenge ne bo feda ne yamei sekelisiek tamanwogik tisab, ko u sekel ne bo ole tilil; ki nyiitotin tukchoto tuwai busiek che ng’ootin che kigiburukto mwaita koek kagochinetab busiek;

³⁸ ak kibramut agenge ne bo tahabu ne yamei sekelisiek taman, ne nyiitat nyamdutik;

³⁹ ak kirgit agenge ne neran, ak mengit agenge, ak mengit agenge ne masiirei kenyit agenge kobunji kagochinet ne kibeelei;

⁴⁰ ak kwesta agenge koek kagochinetab tengekto;

⁴¹ ak ki bo tiseiywotab kagochinoikab kalyet, eik aeng’u, mengichik mut, kwesik mut, mengichik mut che masiirei kenyit agenge; ki choto kagochinoik che bo Selumiel weritab Surisadai.

⁴² Kiigoito eng’ betut ne bo lo Eliasap weritab Deuel, bounindetab lagokab Gad:

⁴³ kagochinennyi ko ki sanit agenge ne bo feda ne yamei nyigisindanyi sekelisiek bogol ak sosom, ak tabet agenge ne bo feda ne yamei sekelisiek tamanwogik tisab, ko u sekel ne bo ole tilil; kinyiitotin tukchoto tuwai busiek che ng’ootin, che kigiburukto mwaita koek kagochinetab busiek;

⁴⁴ ak kibramut agenge ne bo tahabu ne yamei sekelisiek taman, ne nyiitat nyamdutik;

⁴⁵ ak kirgit agenge ne neran ak mengit agenge, ak mengit agenge ne masiirei kenyit agenge kobunji kagochinet ne kibeelei;

⁴⁶ ak kwesta agenge koek kagochinetab tengekto;

⁴⁷ ak ki bo tiseiywotab kagochinoikab kalyet, eik aeng’u, mengichik mut, kwesik mut, ak mengichik mut che masiirei kenyit agenge; ki choto kagochinoik che bo Eliasap weritab Deuel.

⁴⁸ Kiigoito eng’ betut ne bo tisab Elisama weritab Amiud, bounindetab lagokab Epraim:

⁴⁹ kagochinennyi ko ki sanit agenge ne bo feda ne yamei nyigisindanyi sekelisiek bogol sosom, ak tabet agenge ne bo feda ne yamei sekelisiek tamanwogik tisab, ko u sekel ne bo ole tilil; ki nyiitotin tukchoto tuwai busiek che ng’ootin che kigiburukto mwaita koek kagochinetab busiek;

⁵⁰ ak kibramut agenge ne bo tahabu ne yamei sekelisiek taman, ne nyiitat nyamdutik;

⁵¹ ak kirgit agenge ne neran ak mengit agenge, ak mengit agenge ne masiirei kenyit agenge kobunji kagochinet ne kibeelei;

⁵² ak kwesta agenge koek kagochinetab tengekto;

⁵³ ak ki bo tiseiywotab kagochinoikab kalyet, eik aeng’u, mengichik mut, kwesik mut, ak mengichik mut che masiirei kenyit agenge; ki choto kagochinoik che bo Elisama weritab Amiud.

⁵⁴ Kiigoito eng’ betut ne bo sisiit Gamaliel weritab Pedasur, bounindetab lagokab Manase:

⁵⁵ kagochinennyi ko ki sanit agenge ne bo feda ne yamei nyigisindanyi sekelisiek bogol ak sosom, ak tabet agenge ne bo feda ne yamei sekelisiek tamanwogik tisab, ko u sekel ne bo ole tilil; ki nyiitotin tukchoto tuwai busiek che ng’ootin che kigiburukto mwaita koek kagochinetab busiek;

⁵⁶ ak kibramut agenge ne bo tahabu ne yamei sekelisiek taman, ne nyiitat nyamdutik;

⁵⁷ ak kirgit agenge ne neran ak mengit agenge, ak mengit agenge ne masiirei kenyit agenge, kobunji kagochinet ne kibeelei;

⁵⁸ ak kwesta agenge koek kagochinetab tengekto;

⁵⁹ ak ki bo tiseiywotab kagochinoikab kalyet, eik aeng’u, mengichik mut, kwesik mut, ak mengichik mut che masiirei kenyit agenge; ki choto kagochinoik che bo Gamaliel weritab Pedasur.

⁶⁰ Kiigoito eng’ betut ne bo sogol Abidan weritab Gideoni, bounindetab lagokab Benjamin:

⁶¹ kagochinennyi ko ki sanit agenge ne bo feda ne yamei nyigisindanyi sekelisiek bogol ak sosom, ak tabet agenge ne bo feda ne yamei sekelisiek tamanwogik tisab, ko u sekel ne bo ole tilil; ki nyiitotin tukchoto tuwai busiek che ng’ootin che kigiburukto mwaita koek kagochinetab busiek;

⁶² ak kibramut agenge ne bo tahabu ne yamei sekelisiek taman, ne nyiitat nyamdutik;

⁶³ ak kirgit agenge ne neran, ak mengit agenge, ak mengit agenge ne masiirei kenyit agenge, kobunji kagochinet ne kibeelei;

⁶⁴ ak kwesta agenge koek kagochinet ne bo tengekto;

⁶⁵ ak ki bo tiseiywotab kagochinoikab kalyet, eik aeng’u, mengichik mut, kwesik mut, ak mengichik mut che masiirei kenyit agenge; ki choto kagochinoik che bo Abidan weritab Gideoni.

⁶⁶ Kiigoito eng’ betut ne bo taman Aieser weritab Amisadai, bounindetab lagokab Dan:

⁶⁷ kagochinennyi ko ki sanit agenge ne bo feda ne yamei nyigisindanyi sekelisiek bogol agenge ak sosom, ak tabet agenge ne bo feda ne yamei sekelisiek tamanwogik tisab, ko u sekel ne bo ole tilil; ki nyiitotin tukchoto tuwai busiek che ng’ootin che kigiburukto mwaita koek kagochinetab busiek;

⁶⁸ ak kibramut agenge ne bo tahabu ne yamei sekelisiek taman, ne nyiitat nyamdutik;

⁶⁹ ak kirgit agenge ne neran ak mengit agenge, ak mengit agenge ne masiirei kenyit agenge, kobunji kagochinet ne kibeelei;

⁷⁰ ak kwesta agenge koek kagochinet ne bo tengekto;

⁷¹ ak ki bo tiseiywotab kagochinoikab kalyet, eik aeng’u, mengichik mut, kwesik mut, ak mengichik mut che masiirei kenyit agenge; ki choto kagochinoik che bo Aieser weritab Amisadai.

⁷² Kiigoito eng’ betut ne bo taman ak agenge Pagiel weritab Okran bounindetab lagokab Aser:

⁷³ kagochinennyi ko ki sanit agenge ne bo feda ne yamei nyigisindanyi sekelisiek bogol ak sosom, ak tabet agenge ne bo feda, ne yamei sekelisiek tamanwogik tisab, ko u sekel ne bo ole tilil; ki nyiitotin tukchoto tuwai busiek che ng’ootin che kigiburukto mwaita koek kagochinetab busiek;

⁷⁴ ak kibramut agenge ne bo tahabu, ne yamei sekelisiek taman, ne nyiitat nyamdutik;

⁷⁵ ak kirgit agenge ne neran, ak mengit agenge ak mengit ne masiirei kenyit agenge, kobunji kagochinet ne kibeelei;

⁷⁶ ak kwesta agenge koek kagochinetab tengekto;

⁷⁷ ak ki bo tiseiywotab kagochinoikab kalyet, eik aeng’u, mengichik mut, kwesik mut, ak mengichik mut che masiirei kenyit agenge, ki choto kagochinoik che bo Pagiel weritab Okran.

⁷⁸ Kiigoito eng’ betut ne bo taman ak aeng’ Aira weritab Enan, bounindetab lagokab Naptali:

⁷⁹ kagochinennyi ko ki sanit agenge ne bo feda, ne yamei nyigisindanyi sekelisiek bogol ak sosom, ak tabet agenge ne bo feda ne yamei sekelisiek tamanwogik tisab, ko u sekel ne bo ole tilil; ki nyiitotin tukchoto tuwai busiek che ng’ootin che kigiburukto mwaita koek kagochinetab busiek;

⁸⁰ ak kibramut agenge ne bo tahabu, ne yamei sekelisiek taman, ne nyiitat nyamdutik;

⁸¹ ak kirgit agenge ne neran, ak mengit agenge, ak mengit agenge ne masiirei kenyit agenge, kobunji kagochinet ne kibeelei;

⁸² ak kwesta agenge koek kagochinetab tengekto;

⁸³ ak ki bo tiseiywotab kagochinoikab kalyet, eik aeng’u, mengichik mut, kwesik mut, ak mengichik mut che masiirei kenyit agenge; ki choto kagochinoik che bo Aira weritab Enan.

⁸⁴ Ki katabanet ne bo kaptisisiet, nito, eng’ betut ne kiili bounikab Israel: sanisiek taman ak aeng’ che bo feda ak tabok taman ak aeng’ che bo feda, ak kibramusiek taman ak aeng’ che bo tahabu.

⁸⁵ Nyigisindab sanit age tugul ko ki sekelisiek bogol ak sosom, ak kiyamei sekelisiek tamanwogik tisabu tabet age tugul; kiek fedaisiek tugul che bo tukchoto sekelisiek elfusiek aeng’ ak bogol ang’wan, ko u sekel ne bo ole tilil.

⁸⁶ Kiek nyigisindab kibramusiek taman ak aeng’ che bo tahabu, che nyiitotin nyamdutik, sekelisiek taman age tugul, ko u sekel ne bo ole tilil; ki bo sekelisiek bogol agenge ak tiptem, tahabu tugul che bo kibramusiek.

⁸⁷ Kiek tuga tugul che bo kagochinet ne kibeelei, kirugik taman ak aeng’, ak mengichik taman ak aeng’, ak mengichik taman ak aeng’ che masiirei kenyit agenge, ak kagochinenywa ne bo busiek, ak kwesik taman ak aeng’ che bo kagochinoikab tengekto.

⁸⁸ Kiek anyun tuga tugul che bo tiseiywotab kagochinoikab kalyet, kirugik tiptem ak ang’wan, ak mengichik tamanwogik lo, ak mengichik tamanwogik lo che masiirei kenyit agenge. Nito katabanetab kaptisisiet, ye kingo kagiil.

⁸⁹ Ak ye kingwo Musa emait ne kituiyechin kwo kong’alal ak inendet, kogas anyun Kutit kong’alalji ne kimong’une baragutab keruetab rirenet ne kimitei moingetab baornatet kimong’une kwenutab kerubisiechoto aeng’: ak king’alalji inendet.