KAITOSYEK 26 - BUKUIT NE TILIL

Kiiti bik eng’ koitet ne be aeng’

¹ Ak kingobata koroyoto komwachi Jehovah Musa ak Eleasar weritab Aron tisiindet, kolenji,

² Iit tuiyet komugul ne bo lagokab Israel, koboch che bo kenyisiek tiptem ak kwo tai, ko u gorikab kwanisiekwak, tugul che imuchi koba luget eng’ Israel.

³ Ak kimwachi Musa ak Eleasar ichek eng’ warengetab Moab ole negite Jordan ole bo Jeriko, kolenji,

⁴ Oiit bik koboch che bo kenyisiek tiptem ak kwo tai; ko u ye king’at Jehovah Musa ak lagokab Israel che kimong’une emetab Misri.

⁵ Reuben, werit ne bo tai ne bo Israel: werikab Reuben chu; Hanok, che gotab Hanogik: che bo Palu, che gotab Paluik:

⁶ Hesron, che gotab Hesronik: che bo Karmi, che gotab Karmik.

⁷ Chuto ortinwekab bikab Reuben: ak kiek elfusiek artam ak somok ak bogol tisab ak sosom che kigiit eng’ ichek.

⁸ Ak ki Eliab weritab Palu.

⁹ Ak werikab Eliab chu; Nemuel, Datan, ak Abiram. Choto Datan ak Abiram che kigiguur che bo tuiyet, che kibortos koboto Musa ak Aron eng’ tuiyetab Kora, ye kingoborio ak Jehovah:

¹⁰ ak kiyat ng’ony kutinnyi, ak kolugui ichek koboto Kora, ye kibegu tuiyonoto; betunoto kibeelei mat bik bogol aeng’ ak konom, ak kiek ichek kaborunet.

¹¹ Ago kima bek werikab Kora.

¹² Werikab Simeon chu ko u ortinwekwak: Nemuel, che gotab Nemuelik: che bo Jamin, che gotab Jaminik: che bo Jakin, che gotab Jakinik:

¹³ che bo Sera, che gotab Seraik: ak Saul, che gotab Saulik.

¹⁴ Chuto ortinwekab bikab Simeon, kiek elfusiek tiptem ak aeng’ ak bogol aeng’.

¹⁵ Werikab Gad chu ko u ortinwekwak: che bo Sepon, che gotab Seponik: che bo Hagik, che gotab Hagitik: che bo Suni, che gotab Sunitik:

¹⁶ che bo Osni, che gotab Osnik: che bo Eri, che gotab Eritik:

¹⁷ che bo Arod, che gotab Arodik: che bo Areli, che gotab Arelitik.

¹⁸ Chuto ortinwekab werikab Gad; kiek choto che kigiit eng’ ichek elfusiek artam ak bogol mut.

¹⁹ Werikab Juda chu, Er ak Onan: ak kibekyi emetab Kanan Er ak Onan.

²⁰ Ak werikab Juda ko u ortinwekwak ko ki: che bo Sela, che gotab Selanik: che bo Peres, che gotab Peresik: che bo Sera, che gotab Seraik.

²¹ Ak werikab Peres ko ki: Hesron, che gotab Hesronik: che bo Hamul, che gotab Hamulik.

²² Chuto ortinwekab Juda; kiek choto che kigiit eng’ ichek elfusiek tamanwogik tisab ak lo ak bogol mut.

²³ Werikab Isakar chu ko u ortinwekwak: Tola, che gotab Tolaitik: che bo Pua, che gotab Punitik:

²⁴ che bo Jasub, che gotab Jasubik: che bo Simron, che gotab Simronik.

²⁵ Chuto ortinwekab Isakar, kiek choto che kigiit eng’ ichek elfusiek tamanwogik lo ak ang’wan ak bogol somok.

²⁶ Werikab Sebulun chu ko u ortinwekwak: che bo Sered, che gotab Seredik: che bo Elon, che gotab Elonik: che bo Jaleel, che gotab Jaleelik.

²⁷ Chuto ortinwekab Sebulunik; kiek choto che kigiit eng’ ichek elfusiek tamanwogik lo ak bogol mut.

²⁸ Werikab Josep chu ko u ortinwekwak: Manase ak Epraim.

²⁹ Werikab Manase chu: che bo Makir, che gotab Makirik: ak kisich Makir Gilead: che bo Gilead, che gotab Gileadik.

³⁰ Werikab Gilead chu: Ieser, che gotab Iesrik: che bo Helek, che gotab Helegik:

³¹ ak Asriel, che gotab Asrielik: che bo Sekem, che gotab Sekemik;

³² ak Semida, che gotab Semidaik: ak Heper, che gotab Heperik.

³³ Ak kima kotinyei werik Selopehad weritab Heper, kobate tibik ichegei; ak kainaikab tibikab Selopehad ko ki Mala, Noa, Hogla, Milka, ak Tirsa.

³⁴ Chuto ortinwekab Manase; kiek che kigiit eng’ ichek elfusiek konom ak aeng’ ak bogol tisab.

³⁵ Werikab Epraim chu ko u ortinwekwak: che bo Sutela, che gotab Sutelaik; che bo Beker, che gotab Bekerik: che bo Tahan, che gotab Tahanik.

³⁶ Ak chu werikab Sutela: che bo Eran, che gotab Eranik.

³⁷ Chuto ortinwekab werikab Epraim; kiek choto che kigiit eng’ ichek elfusiek sosom ak aeng’ ak bogol mut. Chuto werikab Josep ko u ortinwekwak.

³⁸ Werikab Benjamin chu ko u ortinwekwak: che bo Bela, che gotab Belaik: che bo Asbel, che gotab Asbelik: che bo Ahiram, che gotab Ahiramik:

³⁹ che bo Sepupam, che gotab Supamik: che bo Hupam, che gotab Hupamik.

⁴⁰ Ak Ard ak Naaman ko ki werikab Bela: che bo Ard, che gotab Ardik: che bo Naaman, che gotab Naamanik.

⁴¹ Choto ko werikab Benjamin ko u ortinwekwak; kiek che kigiit eng’ ichek elfusiek artam ak mut ak bogol lo.

⁴² Werikab Dan chu ko u ortinwekwak: che bo Suham, che gotab Suhamik: chuto ko ortinwekab Dan ko u tilionutikwak.

⁴³ Kiek tugul che kigiit eng’ ortinwek tugul che bo Suhamik, elfusiek tamanwogik lo ak ang’wan ak bogol ang’wan.

⁴⁴ Werikab Aser chu ko u ortinwekwak: che bo Imna, che gotab Imnaik: che bo Isbi, che gotab Isbik: che bo Beria, che gotab Beriaik.

⁴⁵ Che bo werikab Beria: che bo Heber, che gotab Heberik: che bo Malkiel, che gotab Malkielik.

⁴⁶ Ak kainetab cheptab Aser ko ki Sera.

⁴⁷ Choto ortinwekab Aser che kigiit; kiek elfusiek konom ak somok ak bogol ang’wan.

⁴⁸ Werikab Naptali ko u ortinwekwak: che bo Jaseel, che gotab Jaseelik: che bo Guni, che gotab Gunik:

⁴⁹ che bo Jeser, che gotab Jeserik: che bo Silem, che gotab Silemik.

⁵⁰ Choto ko ortinwekab Naptali ko u tilionutikwak; kiek che kigiit eng’ ichek elfusiek artam ak mut ak bogol ang’wan.

⁵¹ Kiek elfusiek bogol lo ak agenge ak bogol tisab ak sosom choto che kigiit eng’ lagokab Israel.

⁵² Ak kimwachi Jehovah Musa kolenji,

⁵³ Kipchechin emet chuto koek borotet ko u koitetab kainaik.

⁵⁴ Che kasiirto koitenywa itesyini borotet, ak che matianit koitenywa igochini borotet ne ming’in; kigochin chi tugul borotennyi, ko u koitetab bikyik che kigiit.

⁵⁵ Ago kipcheei emet eng’ seretab barbarek: nyabani ko u kainaikab ortinwekab kwanisiekwak.

⁵⁶ Kipchechin borotenywa ko u ole teptoi seretab barbarek eng’ che chang’ ak eng’ che ng’ering’.

⁵⁷ Ak chu che kigiit eng’ Lawik ko u ortinwekwak: che bo Gerson, che gotab Gersonik: che bo Kohat, che gotab Kohatik: che bo Merari, che gotab Merarik.

⁵⁸ Chuto ortinwekab Lawik: gotab Libnitik, gotab Hebronik, gotab Malik, gotab Musik, ak gotab Koraik. Ak kisich Kohat Amram.

⁵⁹ Ak kainetab osotiotab Amram ko ki Jokebed, cheptab Lawi, ne kigisikyi Lawi eng’ Misri: ak kisikyi Jokebed Amram Aron ak Musa ak Miriam chepkamenywa.

⁶⁰ Ak kigisikyi Aron, Nadab, Abihu, Eleasar, ak Itamar.

⁶¹ Ak kibek Nadab ak Abihu ye kiigoitoi mat ne ter eng’ taitab Jehovah.

⁶² Ak kiek elfusiek tiptem ak somok che kigiit eng’ ichek, muren age tugul koboch ne bo arawet agenge ak kwo tai: amu kima kiitito bichoto lagokab Israel, amu kima kigochi ichek borotet eng’ kwenutab lagokab Israel.

⁶³ Choto che kiit Musa ak Eleasar tisiindet; che kiit lagokab Israel eng’ warengetab Moab eng’ ole negite Jordan eng’ Jeriko.

⁶⁴ Ago eng’ chuto, ko kima biit chi agot agenge eng’ ichek che kiiti Musa ak Aron tisiindet; icheget che kiit lagokab Israel eng’ ong’atetab Sinai.

⁶⁵ Amu kiga mwa Jehovah agobo ichek, kole, Bekyin iman ong’atani. Ak kima ng’et chi agot agenge eng’ ichek, kobate Kaleb weritab Jepune, ak Josua weritab Nun.