JOSHUA 21 - BUKUIT NE TILIL

Kigochin Lawik nganasok artam ak sisiit

¹ Yeityo kobwa kandoikab gorikab kwanisiek che bo Lawik korik ole mi Eleasar tisiindet, ak Josua weritab Nun, ak kandoikab gorikab kwanisiek che bo bororiosiekab lagokab Israel,

² ak king’alalji ichek eng’ Silo eng’ emetab Kanan, kolenji, King’at Jehovah eng’ eutab Musa kole kegonech nganasok kemeny, koboto emotinwekwak ole agete tuga.

³ Ak kiigochi lagokab Israel Lawik eng’ borotenywa, ko u ng’atutietab Jehovah, nganasochu, koboto emotinwekwak.

⁴ Ak kimong’ barbariatab ortinwekab Kohatik: ak kisich lagokab Aron tisiindet, che ki bo Lawik, eng’ barbariat, nganasok taman ak somok, eng’ bororietab Juda, ak eng’ bororietab bikab Simeon, ak eng’ bororietab Benjamin.

⁵ Ak kisich eng’ barbariatab lagokab Kohat che king’et, nganasok taman, eng’ ortinwekab bororietab Epraim, ak eng’ bororietab Dan, ak eng’ kebebertab bororietab Manase.

⁶ Ak kisich eng’ barbariat lagokab Gerson nganasok taman ak somok, eng’ ortinwekab oretab Isakar, ak eng’ bororietab Aser, ak eng’ bororietab Naptali, ak eng’ kebebertab oretab bororietab Manase eng’ Basan.

⁷ Kisich eng’ barbariat lagokab Merari ko u ortinwekwak nganasok taman ak aeng’ eng’ bororietab Reuben, ak eng’ bororietab Gad, ak eng’ bororietab Sebulun.

⁸ Ak kiigochi eng’ barbariat lagokab Israel Lawik nganasochoto koboto emotinwekwak che kiyagisie, ko u ye king’at Jehovah eng’ eutab Musa.

⁹ Ak kiigoito eng’ bororietab lagokab Juda, ak eng’ bororietab lagokab Simeon, nganasochu kagimwa eng’ yu eng’ kainaik:

¹⁰ ak kibunji choto lagokab Aron, che bo ortinwekab Kohatik, che ki bo lagokab Lawi: amu ki nenywa barbariatab tai.

¹¹ Ak kiigochi Kiriat-arba, kwandab Anak (noto ko Hebron), eng’ emetab tulonok ne bo Juda, koboto emotinwekwak che kiyagisie che kiyiem.

¹² Ago kiigochi Kaleb weritab Jepune korotinwekab nganaset kobunji, koboto nganasokyik che mengechen.

¹³ Ak kiigochi ichek lagokab Aron tisiindet Hebron koboto emotinwekyik che kiyagisie, noto ko ki nganaset ne mwechin rumindet, ak Libna koboto emotinwekyik che kiyagisie;

¹⁴ ak Jatir koboto emotinwekyik che kiyagisie, ak Estomoa koboto emotinwekyik che kiyagisie;

¹⁵ Holon koboto emotinwekyik che kiyagisie, ak Debir koboto emotinwekyik che kiyagisie;

¹⁶ ak Ain koboto emotinwekyik che kiyagisie, ak Juta koboto emotinwekyik che kiyagisie, Bet-semes ak emotinwekyik; nganasok sogol eng’ bororiosiechuto aeng’.

¹⁷ Ak eng’ bororietab Benjamin, ko ki Gibeon koboto emotinwekyik, Geba koboto emotinwekyik che kiyagisie;

¹⁸ Anatot koboto emotinwekyik che kiyagisie, ak Almon koboto emotinwekyik che kiyagisie; nganasok ang’wan.

¹⁹ Nganasok tugul che bo lagokab Aron, tisiik, ko ki taman ak somok koboto emotinwekwak che kiyagisie.

²⁰ Ak kisich ortinwekab lagokab Kohat, Lawik, che ichek che king’et eng’ lagokab Kohatik, nganasokab barbariandenywa eng’ bororietab Epraim.

²¹ Ak kiigochi ichek Sekem koboto emotinwekyik che kiyagisie, eng’ emetab tulonok ne bo Epraim, noto ko ki nganaset ne mwechin rumindet, ak Geser koboto emotinwekyik che kiyagisie.

²² Ak Kibasaim koboto emotinwekyik che kiyagisie, ak Bet-horon koboto emotinwekyik che kiyagisie; nganasok ang’wan.

²³ Ak eng’ bororietab Dan, ko ki Elteke koboto emotinwekyik che kiyagisie, Gibeton koboto emotinwekyik che kiyagisie;

²⁴ Aijalon koboto emotinwekyik che kiyagisie, Gat-rimon koboto emotinwekyik che kiyagisie; nganasok ang’wan.

²⁵ Ak eng’ kebebertab bororietab Manase, ko ki Taanak koboto emotinwekyik che kiyagisie, Gat-rimon koboto emotinwekyik che kiyagisie; nganasok aeng’.

²⁶ Nganasok tugul che bo ortinwekab lagokab Kohat che king’et ko ki taman koboto emotinwekwak che kiyagisie.

²⁷ Ak kiigochi lagokab Gerson eng’ ortinwekab Lawik, eng’ kebebertab bororietab Manase, Golan eng’ Basan koboto emotinwekyik che kiyagisie, noto ko ki nganaset ne mwechin rumindet; ak Be-estera koboto emotinwekyik che kiyagisie; nganasok aeng’.

²⁸ Ak eng’ bororietab Isakar, ko ki Kision koboto emotinwekyik che kiyagisie, Daberat koboto emotinwekyik che kiyagisie;

²⁹ Jarmut koboto emotinwekyik che kiyagisie, En-ganim koboto emotinwekyik che kiyagisie; nganasok ang’wan.

³⁰ Ak eng’ bororietab Aser, ko ki Misal koboto emotinwekyik che kiyagisie, Abdon koboto emotinwekyik che kiyagisie;

³¹ Elkat koboto emotinwekyik che kiyagisie, Rehob koboto emotinwekyik che kiyagisie; nganasok ang’wan.

³² Ak eng’ bororietab Naptali, ko ki Kedes eng’ Galili koboto emotinwekyik che kiyagisie, noto ko ki nganaset ne mwechin rumindet, ak Amot-dor koboto emotinwekyik che kiyagisie, ak Kartan koboto emotinwekyik che kiyagisie; nganasok somok.

³³ Nganasok tugul che bo Gersonik ko u ortinwekwak, ko ki taman ak somok koboto emotinwekwak che kiyagisie.

³⁴ Ak kiigochi ortinwekab lagokab Merari, che ichek che king’et eng’ Lawik, eng’ bororietab Sebulun, Jokneam koboto emotinwekyik che kiyagisie, ak Karta koboto emotinwekyik che kiyagisie,

³⁵ Dimna koboto emotinwekyik che kiyagisie, Naalal koboto emotinwekyik che kiyagisie; nganasok ang’wan.

³⁶ Ak eng’ bororietab Reuben, ko ki Beser koboto emotinwekyik che kiyagisie, ak Jahas koboto emotinwekyik che kiyagisie,

³⁷ Kedemot koboto emotinwekyik che kiyagisie, ak Mepaat koboto emotinwekyik che kiyagisie; nganasok ang’wan.

³⁸ Ak eng’ bororietab Gad, ko ki Ramot eng’ Gilead koboto emotinwekyik che kiyagisie, noto ko ki nganaset ne mwachin rumindet, ak Maanaim koboto emotinwekyik che kiyagisie;

³⁹ Hesbon koboto emotinwekyik che kiyagisie, Jaser koboto emotinwekyik che kiyagisie; nganasok ang’wan tugul.

⁴⁰ Chuto tugul ko ki nganasokab lagokab Merari ko u ortinwekwak, koboto che king’et eng’ ortinwekab Lawik; ak barbariandenywa ko ki nganasok taman ak aeng’.

⁴¹ Nganasok tugul che bo Lawik eng’ kwenutab emetab lagokab Israel ko ki nganasok artam ak sisiit koboto emotinwekwak che kiyagisie.

⁴² Kitinyei age tugul eng’ nganasochuto emotinwekyik che kiyagisie che kiyiem: ki u noto eng’ nganasochuto tugul.

⁴³ Kiigochi anyun Jehovah Israel emet tugul ne kiiyosiechi kwanisiekwak kole tun igochin; ak kinam kobunji, ak komeny;

⁴⁴ ak kiigochi Jehovah ichek kamuung’et eng’ komoswek tugul, ko u tugul che kiiyosiechi kwanisiekwak: ak ma biit chi eng’ bunikwak tugul ne kiimuch kotonon eng’ tainywa; kiinde Jehovah bunikwak tugul eunekwak.

⁴⁵ Ma bet ng’olyo agot agenge ne mie ne kiga komwachi Jehovah gotab Israel; kiisulda tugul.