JOSHUA 12 - BUKUIT NE TILIL

Kainaikab laitorinik che kigibar

¹ Chu ko laitorinikab emonoto, che kibar lagokab Israel, ak konam emenywa kobunji eng’ Jordan bitonin, ole tokyingei ole chorune asista, koboch atebwetab Arnon kot koit tulwetab Hermon, ak Araba tugul ne tokyingei kong’asis:

² Sihon laitoriatab Amorik, ne kimenyei Hesbon, ne kibou koboch Aroer, ne mi tabandab atebwetab Arnon, ak koboch kwenutab atebwet, ak kebebertab Gilead, kot koit ainetab Jabok, kiwotetab lagokab Amon;

³ ak Araba agoi nyanjetab Kinerot, ne tokyingei kong’asis, kot koit nyanjetab Araba, ne noto Araraita ne bo Munyuk, ne tokyingei kong’asis, oret ne wendi Bet-jesimot; ak eng’ murot ne bo tai, eng’ chepkeigeusiekab Pisga kel:

⁴ ak kiwotetab Og laitoriatab Basan, ne bo che king’etune Repaik, che kimenyei Astarot ak Edrei,

⁵ ak kibounisiei eng’ tulwetab Hermon, ak Saleka, ak Basan komugul, kot koit kiwotetab Gesurik, ak Maakatik, ak kebeberta ne bo Gilead, kiwotetab Sihon laitoriatab Hesbon.

⁶ Kibar Musa, otwogindetab Jehovah koboto lagokab Israel ichek: ak kogochi Musa otwogindetab Jehovah emonoto bikab Reuben ak che bo Gad ak kebebertab bororietab Manase, kobunji.

⁷ Chuto laitorinikab emonoto che kibar Josua ak lagokab Israel eng’ Jordan bitonin ole tokyingei cherongo, koboch Baal-gad eng’ atebwetab Lebanon kot koit tulwetab Halak, ne togostoi agoi Seir; ak kiigochi Josua emonoto bororiosiekab Israel kobunji ko u pcheutikwak;

⁸ eng’ emetab tulonok, ak eng’ warenget, ak eng’ Araba, ak eng’ chepkeigeusiek, ak eng’ ong’atet, ak eng’ Murot ne bo Tai; Hitik, ak Amorik, ak Kananik, ak Perisik, ak Hibik, ak Jebusik:

⁹ laitoriatab Jeriko, agenge; laitoriatab Ai, ne mi ole negite Bet-el, agenge;

¹⁰ laitoriatab Jerusalem, agenge; laitoriatab Hebron, agenge;

¹¹ laitoriatab Jarmut, agenge; laitoriatab Lakis, agenge;

¹² laitoriatab Eglon, agenge; laitoriatab Geser, agenge;

¹³ laitoriatab Debir, agenge; laitoriatab Geder, agenge;

¹⁴ laitoriatab Horma, agenge; laitoriatab Arad, agenge;

¹⁵ laitoriatab Libna, agenge; laitoriatab Adulam, agenge;

¹⁶ laitoriatab Makeda, agenge; laitoriatab Bet-el, agenge;

¹⁷ laitoriatab Tapua, agenge; laitoriatab Heper, agenge;

¹⁸ laitoriatab Apek, agenge; laitoriatab Lasaron, agenge;

¹⁹ laitoriatab Madon, agenge; laitoriatab Hasor, agenge;

²⁰ laitoriatab Simron-meron, agenge; laitoriatab Aksap, agenge;

²¹ laitoriatab Taanak, agenge; laitoriatab Megido, agenge;

²² laitoriatab Kedes, agenge; laitoriatab Jokneam eng’ Karmel, agenge;

²³ laitoriatab Dor ne kimi Dor barak, agenge; laitroriatab Goim eng’ Gilgal, agenge;

²⁴ laitoriatab Tirsa, agenge: kiek laitorinichoto tugul sosom ak agenge.