JEREMIA 45 - BUKUIT NE TILIL

Ng’alekab maoinetet agobo Misri

¹ Kimwachi maotiot Jeremia Baruk weritab Neria, ng’olyot ye kisirjin bukuit ng’alechu komwaei Jeremia, eng’ kenyitab ang’wan ne bo Jeoiakim weritab Josia laitoriatab Juda, kolenji,

² Mwaun Jehovah, Kamuktaindetab Israel, inye ee Baruk, ko u ni kole:

³ Kiimwa ile, Bwa ane! Amu kagotesyi Jehovah arogenet ng’wanindanyu; kaang’et amu tigenoikyuk, amanyoru kamuung’et.

⁴ Mwachi anyun inendet ko u ni, ilenji, Mwaei Jehovah ko u ni kole: Keero, abute ne kiateech, ak atutu ne kiamin; ak ayae nito eng’ emet komugul.

⁵ Ko tos, icheng’jinige inye tuguk che eechen? Amecheng’: amu, keero, aipchini yaitiet bik tugul, mwaei Jehovah: ago agonin sobondang’ung’ koek luuleneng’ung’ eng’ komoswek tugul ole iwendi.