ISAIAH 12 - BUKUIT NE TILIL

Tienwogikab kongoi

¹ Ak eng’ betunoto imwae ile, Aweegun kongoi, ee Jehovah; agot nganda kiinerekya, ko kageisto neregeguk, ak igoigoa.

² Ogeero, Kamuktaindet ko yetunennyu; amang’u ama aiyweisiei: amu Jehovah JEHOVAH ko kimnatennyu ak ko tiendanyu; ak kagoek inendet yetunennyu.

³ Tun orame anyun beek eng’ boiboiyet, eng’ keringonik che bo yetunet.

⁴ Ak omwae eng’ betunoto ole, Oweekyi Jehovah kongoi, oguur kainennyi, omwaite boisionikyik eng’ bororiosiek, omwa ole kagotororit kainennyi.

⁵ Otienji Jehovah; amu kigoyai tuguk che bo telunatet: ingonaak nito eng’ ng’ony komugul.

⁶ Owaach mising’ ak otiense, inye ne imenye Sion: amu o Inendet ne Tilil ne bo Israel eng’ kwenung’ung’.