HEBRANIK 6 - BUKUIT NE TILIL

¹ Noto anyun ongebagakte mata ongeng’alale ng’alek che bo tai che bo Kristo, ak ongigiilge agoi keit ne igesunotgei; amata onginde lumeiywot ne bo sigunet ne bunu boisionik che meiyotin, ak ne bo kayanet eng’ Jehovah,

² ne bo konetisietab kabatisanosiek, ak ne bo kagonooretab eunek, ak ne bo ng’eetyetab che kigobek, ak ne bo kiruogetab koigeny.

³ Ak kiyae nito, ngo cham Jehovah.

⁴ Amu eng’ ichek che kisib kigochi lapkeiyet ak kochamjam konunet ne bo kipsengwet, ak koek yamdoikab Tamirmiriet ne Tilil,

⁵ ak kochamjam ng’olyot ne mie ne bo Jehovah, ak kimnatosiekab kenyisiek che bwanei,

⁶ ak kochuchuigei anyun, ko ma imugaksei keweekyi ichek sigunet kogeny; amu igartatyingei kogeny Weritab Jehovah, ak kogochi inendet kalilanet ne toogu.

⁷ Amu emet ne kigoee ropta ne robonjin konyil che chang’ ak koii ngwek che nyoljin ichek che kigibatyin, konyoru kaberuret eng’ Jehovah:

⁸ ago ngo iiyo katok ak katablelinik, keesioi ak ko negite chubet; ne kagesunennyi ko kebeel.

⁹ Ago chamanichu, kiyani eng’ okwek tuguk che miachen kosiir choto, ak tuguk che namegei ak yetunet, agot ngemwae ko u noto:

¹⁰ amu Jehovah, ko ma Jehovah ne ma bo iman, kot koutie boisieng’wong’ ak chamnyet ne kiobarte agobo kainennyi, ye kioboisiechini che tililen, ak kota oboisiechini.

¹¹ Ak kimache mising’ chi age tugul eng’ okwek kele kobarta kagiilonoto bo ge eng’ nyiietab kamang’unet agoi kagesunet:

¹² si mouuegitu, ago oyaniege ichek che nyoru arorutik eng’ kayanet ak muitaet.

Igochin arorutikab Jehovah bik kamang’unet

¹³ Amu ye kingoyachi Jehovah Abraham arorutiet, ko amu kima komi age ne o kosiir inendet ne kiimuchi koyosiechi koyosio agobo ge,

¹⁴ kole, Eng’ kaberuret aberurin iman, ak eng’ kayabet ayabin ibaraitu.

¹⁵ Ak u noto, kingo kagomuita, konyor arorutiet.

¹⁶ Amu iyostos bik agobo ne o: ak kayosiet ko kagimitet ne igesu tiiyenywa age tugul.

¹⁷ Eng’ ng’olyondonoto ye kingomach Jehovah mising’ koborji ichek che nyoru arorutiet ole u rarennyi ne ma walaksei, konde kayosiet kwenut:

¹⁸ si eng’ tuguk aeng’ che ma walaksei, che ma imugaksei eng’ Jehovah komwa lembech eng’ choto, kimuch anyun kenyoru kagaigaet ne kim, achek che kigemwechi toretet si kenam kamang’unet ne kiginde tainnyo;

¹⁹ ne kitinye ne u nangetab sobondo, ne kingen ak ko lumdaat ne wendi orit kot kosiir anget ne kigioiye;

²⁰ ole kichut Jesu agobo achek, koek kandoindet, ko kagoek tisiindet ne o koigeny, ko u kit ne ki u Melkisedek.