HEBRANIK 1 - BUKUIT NE TILIL

Ng’alek che kindoune

¹ Jehovah, ne king’alalji kwanisiekyok keny eng’ maotik, eng’ kebeberwek che chang’ ak eng’ ortinwek che chang’,

² ko ne kagong’alalwech eng’ betusiechu bo let, eng’ Werit, ne kigonde koek ne namei tuguk tugul, ak kiyai inendet ng’ony agine eng’ inendet;

³ inendet ko kakweng’etab lilindanyi, ak itondo ne bo indennyi, ak kotononi tuguk tugul eng’ ng’olyotab kamuktaennyi, kingo kagoyai kaundoetab tengekwogik, kwo kotebe eutab tai ne bo Etunatet eng’ barak;

⁴ ko kagoek ne kararan kosiir malaikaisiek, ko u ye konyitot kainet ne kigonam inendet, kosiir kainenywa.

O Weritab Jehovah kosiir malaikaisiek

⁵ Amu kimwachi malaikaisiek ngorjo eng’ betut age, kolenji, I Werinnyu, Kaasichin rani? Ak kogeny, Aegu Kwanda eng’ inendet Ak koek inendet Werit eng’ ane?

⁶ Ak ye imut kogeny taita konyo ng’ony komwa kole, Ingolos inendet malaikaisiek tugul che bo Jehovah.

⁷ Ak kimwa agobo malaikaisiek kole, Inendet ne yaei malaikaisiekyik koek usonaik, Ak koek kiboitinikyik liblibenetab mat:

⁸ Ago kimwa agobo Werit kole, Ee, Jehovah, tebyei koigeny ak koigeny ng’echereng’ung’ ne bo laitornatet; Siaritab imanda siaritab bounateng’ung’.

⁹ Kiicham imanda, ak kiiwech tengekto; Eng’ noto anyun kigoiilin Jehovah, inendet Jehovah neng’ung’ Eng’ mwaitab boiboiyet kosiir siritoiguk.

¹⁰ Ak, Kiilun inye Kiptaiyandani, eng’ taunet, ole tonone ng’ony, Ak kipsengwetisiek ko boisionikab euneguk:

¹¹ Betos choto; ago itebye inye agoi: Ak osegitu tugul ko u ngoriet;

¹² Ak imamani ko u ngoriet ne tabanu barak, Ak kiwalei ko u ngoriet: Ago i u noto inye agoi, Ama tinye kenyisieguk ole igesunegei.

¹³ Tos kimwachi malaikaisiek ngorjo eng’ betut age, kolenji, Tebe eunnyu ne bo tai, Agoi ayai buniguk koek ng’echeretab kelyeguk?

¹⁴ Tos choto tugul ko ma tamirmirik che boisiei, che kiyoktoi kobois agobo ichek che tun nyoru yetunet?