1 PETERO 5 - BUKUIT NE TILIL

Kotigonutik che kimwachin boisiek

¹ Ateechini mising’ boisiek che mi kwenung’wong’, anendet ne a boiyot ko u ichek, ak a baoriatab nyalilwogikab Kristo, ne kiyamdoi torornatet ne tun king’anyei:

² oyage akwetab Jehovah ne mitei kwenung’wong’, otononji, ama eng’ birjinet, ago oyage eng’ chamet, eng’ Jehovah; ama eng’ magetab keljinet ne muruon, ago oyage eng’ chamet ne o;

³ amoegu kiptainik eng’ che otononjini, ago oegu kaborunoik eng’ akwet.

⁴ Ak ye tun took Mestowot ne o, onyoru kutwet ne bo lilindo ne mabetei.

⁵ Ko u noto ak okwek che o mengechen, ogas it boisiek. Ee, ogermenge okwek tugul eng’ kaming’inetab ge si kobiit oboisiechige okwege eng’ okwege: amu kirindoi Jehovah menotik, ak kogochin mieindo che iming’inegei.

⁶ Oming’inityige anyun eut ne kim ne bo Jehovah, si kotororok ye kait betut;

⁷ otuuchi inendet kaiimutikwok tugul, amu ibwatok mising’.

⁸ Oripge, oripse: amu wendoti bunyondeng’wong’ oindet, ko u ng’etundo ne boriseni, kocheng’ei ne amei:

⁹ ogirinde inendet ko o lumdootin eng’ kayaneng’wong’, ongen ole yaoksei nyalilwogik che u choto eng’ tupchosiekwok che mi ng’ony.

¹⁰ Ak ingochobok, ak kolumdok, ak kogimitok Jehovah ne bo mieindo tugul, ne kiguurjok lilindanyi ne bo koigeny eng’ Kristo, ko kaonyalilse eng’ betusiek che matia.

¹¹ Nenyi kimnatet koigeny ak koigeny. Amen.

¹² Kasirwak eng’ ng’alek tutigin, eng’ eutab Silbano, tupchennyo ne kiyani, ko u ye abwati, amwawok inne, ak abaoriani ale mieindab iman ni ne bo Jehovah: otononse olumdege.

¹³ Igatok inendet ne mitei Babulon, ne kigilewenok tugul; ak kogatok agine Mariko werinnyu.

¹⁴ Ogatge eng’ ng’ututet ne bo chamnyet. Ingoteb kalyet eng’ okwek tugul che omite eng’ Kristo.