1 ATEPTAP PEETUUSYEK 9 - BUKUIT NE TILIL

Koitetab ibinwek che kigosiirto

¹ Kigiit anyun Israel tugul kobee tetutikab ibinwekwak che kigosiirto; ak keero, kigisirji bukuitab laitorinikab Israel: ak kigimut Juda keluul kwo Babulon amu bistoenywa.

² Ak bik che tai che kisib komeny ole kimenyei eng’ nganasokwak ko ki Israel, tisiik, Lawik, ak Netinik.

³ Ak kimeny Jerusalem che bo lagokab Juda, ak che bo lagokab Benjamin, ak che bo lagokab Epraim ak che bo Manase;

⁴ Utai weritab Amiud, weritab Omri, weritab Imri, weritab Bani, che bo lagokab Peres weritab Juda.

⁵ Ak che bo Silonitik ko ki: Asaia taita, ak werikyik.

⁶ Ak che bo werikab Sera, ko Jeuel ak tupchosiekwak, bik bogol lo ak tamanwogik sogol.

⁷ Ak che bo werikab Benjamin; ko Salu weritab Mesulam, weritab Hodabia, weritab Hasenua;

⁸ ak Ibneia weritab Jeroam, ak Ela weritab Usi, weritab Mikri, ak Mesulam weritab Sepatia, weritab Reuel, weritab Ibnija.

⁹ Ak tupchosiekwak, ko u tetutikab ibinwekwak che kigosiirto, bogol sogol ak konom ak lo. Bichuto tugul ko ki kandoikab gorikab kwanisiek, eng’ gorikab kwanisiekwak.

¹⁰ Ak eng’ tisiik ko ki: Jedaia, Jeoiarib, ak Jakin;

¹¹ ak Asaria weritab Hilkia, weritab Mesulam, weritab Sadok, weritab Meraiot, weritab Aitub, bounindetab gotab Kamuktaindet;

¹² ak Adaia weritab Jeroam, weritab Pasur, weritab Malkija, ak Maasai weritab Adiel, weritab Jasera, weritab Mesulam, weritab Mesilemit, weritab Imer;

¹³ ak tupchosiekwak, kandoikab gorikab kwanisiekwak, bik elfut agenge ak bogol tisab ak tamanwogik lo; bik che tinyei kamuget inne ne bo boisietab otet eng’ gotab Kamuktaindet.

¹⁴ Ak eng’ Lawik ko ki: Semaia weritab Hasub, weritab Asrikam, weritab Hasabia, eng’ werikab Merari;

¹⁵ ak Bakbaka, Heres, Galal, ak Matania weritab Mika, weritab Sikri, weritab Asap;

¹⁶ ak Obadia weritab Semaia, weritab Galal, weritab Jedutun, ak Berekia weritab Asa, weritab Elkana, che kimenyei nganasokab Netopatik.

¹⁷ Ak ribikab Kurget ko ki: Salum, Akub, Talmon, Ahiman, ak tupchosiekwak: ki ne o Salum;

¹⁸ che kiribei kurgetab laitoriat komostab kong’asis agoi betunoto: ki ribikab nganasetab lagokab Lawik.

¹⁹ Ak kibou Salum weritab Kore, weritab Ebiasap, weritab Kora, ak tupchosiekyik, che bo gotab kwandanyi, Koraik, boisietab oret, ribikab kurgotikab emait: ak kicham kobou kwanisiekwak nganasetab Jehovah, ribikab ole kimandoe;

²⁰ ak ki bounindenywa Pineas weritab Eleasar eng’ betusiek che bo tai, ak kimi Jehovah ak inendet.

²¹ Ki ribindetab kurget Sekaria weritab Meselemia ne bo kurgetab emait ne kituiyechin.

²² Chuto tugul kigilewen koek ribikab kurget eng’ kurgotik, ko ki bogol aeng’ ak taman ak aeng’. Kigiit chuto kobee tetutikab ibinwek che kigosiirto eng’ nganasokwak, che kiga konde Daudi ak Samuel keerindet boisienywa ne kiga kigochi.

²³ Korib anyun icheget ak lagokwak kurgotikab gotab Jehovah, gotab emait, kowaljingei.

²⁴ Kimi ribik komoswek ang’wan, komostab kong’asis, ak cherongo, ak murot ne bo katam, ak murot ne bo tai.

²⁵ Ak kicham kobwanei tupchosiekwak, eng’ nganasokwak, konyil agenge eng’ betusiek tisab, kotebyei ak ichek:

²⁶ amu kimi boisiet ne kiga kigochi ribik ang’wan che eechen, che ki Lawik, ak kibou gorik ak ole kigonore tuguk eng’ gotab Kamuktaindet.

²⁷ Ak kiruitos ole negite gotab Kamuktaindet, amu ki nenywa boisiet, ak ki boisienywa koyat kurgotik karonet age tugul.

²⁸ Ak kiribei alak eng’ ichek tuguk che kiboisie eng’ otet; amu kigiiti si keibu kobwa go, ak kigiiti si keibei komanda.

²⁹ Kigilewen alak kogeny eng’ ichek korib tuguk tugul che bo ole tilil, ak busiek che tambulul, divaik, mwanik, ubani, ak nyamdutik.

³⁰ Ak kichobei alak eng’ werikab tisiik nyamdutik che kiburuchi.

³¹ Ak kiga kinde Matitia age eng’ Lawik, ne ki taitab Salum Koraindet, korib tuguk che kigigelei eng’ tabok.

³² Ak kiribei alak eng’ tupchosiekwak, eng’ werikab Kohatik, makatinikab kabartaet, kochob eng’ sabatut age tugul.

³³ Ak chu ko tienik, kandoikab gorikab kwanisiek che bo Lawik, che kimenyei gorik, ak ki itiagotin eng’ boisionik alak: amu kimi boisienywa bet ak kemoi.

³⁴ Chuto ko ki kandoikab gorikab kwanisiek che bo Lawik, eng’ ibinwekwak tugul, bik che eechen: kimenyei chuto Jerusalem.

³⁵ Ak kimenyei Gibeon kwandab Gibeon, Jeiel, kainetab osotiondennyi ko ki Maaka:

³⁶ ak werinnyi taita ko ki Abdon, korub Sur, Kis, Baal, Ner, ak Nadab;

³⁷ ak Gedor, Ahio, Sekaria, ak Miklot.

³⁸ Ak kisich Miklot Simeam. Ak kimenyei agichek koboto tupchosiekwak Jerusalem, kotokyindos ak tupchosiekwak.

³⁹ Ak kisich Ner Kis; ak kisich Kis Saul; ak kisich Saul Jonatan, Malki-sua, Abinadab, ak Esbaal.

⁴⁰ Ak weritab Jonatan ko ki Meri-baal; ak kisich Meri-baal Mika.

⁴¹ Ak werikab Mika ko ki: Piton, Melek, Tatea, ak Ahas.

⁴² Ak kisich Ahas Jara; ak kisich Jara Alemet, Asmabet, ak Simri; ak kisich Simri Mosa:

⁴³ ak kisich Mosa Binea; ak Repaia werinnyi, Eleasa werinnyi, Asel werinnyi:

⁴⁴ ak kisich Asel werik lo, che kainaikwak ko ki: Asrikam, Bokeru, Ismael, Searia, Obadia, ak Hanan: chuto ko ki werikab Asel.