1 ATEPTAP PEETUUSYEK 8 - BUKUIT NE TILIL

Koiteab ibinwek che kigosiirto

¹ Ak kisich Benjamin Bela taitanyi, ne bo aeng’ ko Asbel, ak ne bo somok ko Ahara;

² ne bo ang’wan ko Noha, ak ne bo mut ko Rapa.

³ Ak kisich Bela werik; Adar, Gera, ak Abiud;

⁴ ak Abisua, Naaman, ak Ahoa;

⁵ ak Gera, Sepupan, ak Huram.

⁶ Ak chu ko werikab Ehud; chu ko kandoikab gorikab kwanisiek che bo che kimenyei Geba, ak kiluul ichek koba Manahat;

⁷ ak Naaman, Aija, ak Gera, kiluul ichek; ak kisich Usa ak Aihud.

⁸ Ak kisich Saaraim lagok eng’ emetab Moab, ye kingo kagoon ichek; ki kwonyikyik Husim ak Baara.

⁹ Ak kisige osotiondennyi Hodes, Jobab, Sibia, Mesa, ak Malkam;

¹⁰ ak Jeus, Sakia, ak Mirma. Chuto ko ki werikyik, kandoikab gorikab kwanisiek.

¹¹ Ak kisige Husim Abitub ak Elpaal.

¹² Ak werikab Elpaal ko ki: Eber, Misam, ak Semed, ne kiteech Ono ak Lod, koboto nganasokwak:

¹³ ak Beria, ak Sema, che ki kandoikab gorikab kwanisiek che bo bik che kimenyei Aijalon, che kion bik che kimenyei Gat;

¹⁴ ak Ahio, Sasak, ak Jeremot;

¹⁵ ak Sebadia, Arad, ak Eder;

¹⁶ ak Mikael, Ispa, ak Joha, werikab Beria;

¹⁷ ak Sebadia, Mesulam, Hiski, ak Heber;

¹⁸ ak Ismerai, Islia, ak Jobab, werikab Elpaal;

¹⁹ ak Jakim, Sikri, ak Sabdi;

²⁰ ak Elienai, Siletai, ak Eliel;

²¹ ak Adaia, Beraia, ak Simrat, werikab Simei;

²² ak Ispan, Eber, ak Eliel;

²³ ak Abdon, Sikri, ak Hanan;

²⁴ ak Hanania, Elam, ak Antotija;

²⁵ ak Ipdeia, ak Penuel, werikab Sasak;

²⁶ ak Samserai, Searia, ak Atalia;

²⁷ ak Jaaresia, Elija, ak Sikri, werikab Jeroam.

²⁸ Chuto ko ki kandoikab gorikab kwanisiek eng’ ibinwekwak, bik che eechen: kimeny chuto Jerusalem.

²⁹ Ak kimenyei Gibeon kwandab Gibeon, Jeiel, ne ki kainetab kwondanyi ko ki Maaka;

³⁰ ak taitanyi ko ki Abdon, korub Sur, ak Kis, ak Baal, ak Nadab;

³¹ ak Gedor, ak Ahio, ak Seker.

³² Ak kisich Miklot Simea. Ak kimenyei agichek ak tupchosiekwak Jerusalem, kotokyindos ak tupchosiekwak.

³³ Ak kisich Ner Kis; ak kisich Kis Saul; ak kisich Saul Jonatan, Malki-sua, Abinadab, ak Esbaal.

³⁴ Ak weritab Jonatan ko ki Meri-baal, ak kisich Meri-baal Mika.

³⁵ Ak werikab Mika ko ki: Piton, Melek, Tatea, ak Ahas.

³⁶ Ak kisich Ahas Jeoada; ak kisich Jeoada Alemet, Asmabet, ak Simri; ak kisich Simri Mosa:

³⁷ kisich Mosa Benea; Rapa ko ki werinnyi, Eleasa werinnyi, Asel werinnyi:

³⁸ ak kisich Asel werik lo, che kainaikwak ko chu: Asrikam, Bokeru, ak Ismael, ak Searia, ak Obadia, ak Hanan. Chuto tugul ko ki werikab Asel.

³⁹ Ak werikab Esek ng’et kamet ko ki: Ulam taitanyi, ne bo aeng’ ko ki Jeus, ak ne bo somok ko ki Elipelet.

⁴⁰ Ak ki bik che kimen che nyigonen werikab Ulam, ki mwogik, ak kitinyei werik che chang’, ak werikab werik, che ki bogol ak konom. Chuto tugul ko ki bo werikab Benjamin.