1 ATEPTAP PEETUUSYEK 7 - BUKUIT NE TILIL

Koitetab ibinwek che kigosiirto

¹ Ak werikab Isakar ko ki: Tola, Pua, Jasub, ak Simron, ang’wan.

² Ak werikab Tola ko ki: Usi, Repaia, Jeriel, Jamai, Ibsam, ak Semuel, kandoikab gorikab kwanisiekwak, che bo Tola; bik che ki kimen che nyigonen eng’ ibinwekwak: koitenywa eng’ betusiekab Daudi ko ki elfusiek tiptem ak aeng’ ak bogol lo.

³ Ak werikab Usi ko ki: Israia: ak werikab Israia ko ki: Mikael, Obadia, Joel, ak Isia, mut: tugul ko ki bik che eechen.

⁴ Ak kimi koboto ichek, kweanaikab lugosiek che kiyaei luget, eng’ ibinwekwak, ko u gorikab kwanisiekwak, elfusiek sosom ak lo, amu kitinyei kwonyik che chang’ ak werik che chang’.

⁵ Ak tupchosiekwak, eng’ ortinwek tugul che bo Isakar, che ki bik che ki kimen, che nyigonen, che kiga kiit eng’ tetutikab ibinwekwak tugul che kigosiirto, ko ki elfusiek tamanwogik sisiit ak tisab.

⁶ Werikab Benjamin ko ki: Bela, Beker, ak Jediael, somok.

⁷ Ak werikab Bela ko ki: Esbon, Usi, Usiel, Jerimot, ak Iri, mut; kandoikab gorikab kwanisiekwak, bik che kimen, che nyigonen; ak kigiit eng’ tetutikab ibinwekwak che kigosiirto, koek elfusiek tiptem ak aeng’ ak sosom ak ang’wan.

⁸ Ak werikab Beker ko ki: Semira, Joas, Elieser, Elioenai, Omri, Jeremot, Abija, Anatot, ak Alemet. Chuto tugul ko ki werikab Beker.

⁹ Ak kigiit ko u tetutikab ibinwekwak che kigosiirto, kobee ibinwekwak, kandoikab gorikab kwanisiekwak, bik che kimen che nyigonen, elfusiek tiptem ak bogol aeng’.

¹⁰ Ak werikab Jediael ko ki: Bilan: ak werikab Bilan ko ki: Jeus, Benjamin, Ehud, Kenaana, Sethan, Tarsis, ak Aisaar.

¹¹ Chuto tugul ko ki werikab Jediael, ko u kandoikab gorikab kwanisiekwak, bik che kimen che nyigonen, elfusiek taman ak tisab ak bogol aeng’, che kiimuchi koba boriet eng’ luget.

¹² Supim agine, ak Hupim, werikab Ir, ak Husim, werikab Aher.

¹³ Werikab Naptali ko ki: Jasiel, Guni, Jeser, ak Salum, werikab Bila.

¹⁴ Werikab Manase ko ki: Asriel, ne kisichei kwondanyi: (kisich chebaigeiyandennyi Chebaramindet Makir kwandab Gilead:

¹⁵ ak Makir, ne kigiguure chepkamenywa Maaka) ko kicheng’ji Hupim ak Supim osotik, ak kainetab ne bo aeng’ ko ki Selopehad: ak kisich tibik Selopehad.

¹⁶ Ak kisich werit Maaka kwondab Makir, ak koguure kainennyi Peres; ak kainetab ng’etab kamet ko ki Seres; ak werikyik ko ki Ulam ak Rakem.

¹⁷ Ak werikab Ulam ko ki: Bedan. Chuto ko ki werikab Gilead weritab Makir, weritab Manase.

¹⁸ Ak kisich chepkamennyi Hamoleket Isod, Abieser, ak Mahala.

¹⁹ Ak werikab Semida ko ki: Aian, Sekem, Liki, ak Aniam.

²⁰ Ak werikab Epraim ko ki: Sutela, ak Bered werinnyi, Tahat werinnyi, ak Eleada werinnyi, ak Tahat werinnyi,

²¹ ak Sabad werinnyi, ak Sutela werinnyi, ak Eser, ak Elead, che kibar bikab Gat che kigisikyi emonoto, amu, kibwa korek kobar tukwak.

²² Ak kirir Epraim kwandanywa betusiek che chang’, ak kibwa tupchosiekyik kogaigai inendet.

²³ Ak kiituiyogei ak osotiondennyi, ak kimanach, ak kosich werit, ak kiguure kainennyi Beria, amu kibiit kiy ne ya eng’ gonnyi.

²⁴ Ak kigiguure cheptanyi Seera, ne kiga teech Bet-horon ne rektoot ak ne bo meto, ak Usen-seera.

²⁵ Ak ki werinnyi Repa, ak Resep, ak Tela werinnyi, ak Tahan werinnyi;

²⁶ Ladan werinnyi, Amiud werinnyi, Elisama werinnyi;

²⁷ Nun werinnyi, Josua werinnyi.

²⁸ Ak tugukwak, ak komoswekwak che kimenyei, ko ki Bet-el ak nganasokyik, ak komostab kong’asis Naaran, ak komostab cherongo Geser, koboto nganasokwak; Sekem agine koboto nganasokyik, agoi Asah ak nganasokyik:

²⁹ ak eng’ ye negite kiwotisiekab lagokab Manase, Bet-sean ak nganasokyik, Taanak ak nganasokyik, Megido ak nganasokyik, Dor ak nganasokyik. Kimenyei chuto lagokab Josep weritab Israel.

³⁰ Werikab Aser ko ki: Imna, Isba, Isbi, Beria, ak Sera chepkamenywa.

³¹ Ak werikab Beria ko ki: Heber, ak Malkiel, ne ki kwandab Birsait.

³² Ak kisich Heber Japlet, Somer, Hotam, ak Sua chepkamenywa.

³³ Ak werikab Japlet ko ki: Pasak, Bimal, ak Asba. Chuto ko ki werikab Japlet.

³⁴ Ak werikab Semer ko ki: Ahi, Roga, Jeuba, ak Aram.

³⁵ Werikab Helam ng’etab kamet ko ki: Sopa, Imna, Seles, ak Amal.

³⁶ Werikab Sopa ko ki: Sua, Harneper, Shual, Beri, ak Imra;

³⁷ Beser, Hod, Sama, Silsa, Itran, ak Beera.

³⁸ Ak werikab Jeter ko ki: Jepune, ak Pispa, ak Ara.

³⁹ Werikab Ula ko ki: Ara, Haniel, ak Risia.

⁴⁰ Chuto tugul ko ki lagokab Aser, kandoikab gorikab kwanisiekwak, bik che kigilewen, che kimen che nyigonen, che eechen eng’ bounik. Ak koitetab ichek che kigiit kobee tetutikab ibinwekwak che kigosiirto si koyai luget, ko ki bik elfusiek tiptem ak lo.