1 ATEPTAP PEETUUSYEK 4 - BUKUIT NE TILIL

Koitetab ibinwek che kigosiirto

¹ Werikab Juda ko ki: Peres, Hesnon, Karmi, Hur, ak Sobal.

² Ak kisich Reaia weritab Sobal, Jahat; ak kisich Jahat Aumai ak Lahad. Chuto ko ortinwekab Soratik.

³ Ak chu ko ki werikab kwandab Etam: Jesreel, Isma, Idbas: ak kainetab chepkamenywa ko ki Hasalelponi:

⁴ ak Penuel kwandab Gedor, ak Eser kwandab Husa. Chu ko werikab Hur, taitab Eprata, kwandab Bet-lehem.

⁵ Ak kitinyei osotik aeng’ Ashur kwandab Tekoa, Hela, ak Naara.

⁶ Ak kisikyi inendet Naara Ausam, Eper, Temeni, ak Hastari. Chu ko ki werikab Naara.

⁷ Ak werikab Hela ko ki Seret, Isar, ak Etnan.

⁸ Ak kisich Hakos Anub, ak Sobeba, ak ortinwekab Aharel weritab Harum.

⁹ Ak ki konyitot Jabes kosiir tupchosiekyik: ak kiguure kamennyi inendet Jabes, kole, Amu kiasich inendet eng’ arogenet.

¹⁰ Ak kiguur Jabes Kamuktaindetab Israel, kolenji, Mie iberura iman, ak ites kiwotennyu, ak ingotebi eung’ung’ kobota, ak iriba eng’ yaitiet, si ma aorogen! Ak kiigochi Kamuktaindet inendet tuguk che kiga som.

¹¹ Ak kisich Kelub ng’etab kametab Sua, Meir, ne ki kwandab Eston.

¹² Ak kisich Eston Bet-rapa, ak Pasea, ak Teina kwandab Irnaas. Choto ko bikab Reka.

¹³ Ak werikab Kenas ko ki: Otniel, ak Seraia: ak werikab Otniel ko ki: Hatat.

¹⁴ Ak kisich Meonotai Opra: ak kisich Seraia Joab kwandab Ge-arasik; amu ki musogik.

¹⁵ Ak werikab Kaleb weritab Jepune ko ki: Iru, Ela, ak Naam: ak werikab Ela: ak Kenas.

¹⁶ Ak werikab Jealelel ko ki: Sip, Sipa, Tiria, ak Asarel.

¹⁷ Ak werikab Esrah ko ki: Jeter, Mered, Eper, ak Jalon: ak kisich Miriam, ak Samai, ak Isba kwandab Estemoa.

¹⁸ Ak kisich osotiondennyi Jebyahudiot Jered kwandab Gedor, ak Heber kwandab Soko, ak Jekutiel kwandab Sanoa. Ak chu werikab Bitia cheptab Parao, ne kiitun Mered.

¹⁹ Ak werikab osotiotab Hodia, chepkametab Naham, ko ki kwandab Keila Garmindet, ak Estemoa Maakatindet.

²⁰ Ak werikab Shimon ko ki: Amnon, Rina, Ben-hanan, ak Tilon. Ak werikab Isi ko ki: Sohet, ak Ben-sohet.

²¹ Werikab Shela weritab Juda ko ki: Er kwandab Leka, ak Laada kwandab Maresa, ak ortinwekab gotab icheget che kinabei katanit ne kararan, che bo gotab Asbea;

²² koboto Jokim, ak murenikab Koseba, Joas, ak Sarap, ne kibou Moab, ak Jasubi-lehem. Ak bo keny ng’alechuto kigisir.

²³ Chu ko ki cheptereninik, ak bik che kimenyei Netaim ak Gedera: kimenyei oloto koboto laitoriat agobo boisiennyi.

²⁴ Werikab Simeon ko ki: Nemuel, Jamin, Jarib, Sera, ak Shaul:

²⁵ Salum werinnyi, Mibsam werinnyi, Misma werinnyi.

²⁶ Ak werikab Misma ko ki: Hamuel werinnyi, Sakur werinnyi, Simei werinnyi.

²⁷ Ak kisich Simei werik taman ak lo ak tibik lo; ago kima kotinyei tupchosiekyik lagok che chang’, amatesak orenywa ko u lagokab Juda.

²⁸ Ak kimeny Beer-seba, Molada, ak Hasarsual;

²⁹ ak Bila, Esem, ak Tolad;

³⁰ ak Betuel, Horma, Siklag’

³¹ ak Bet-markabot, Hasar-susim, Bet-biri, ak Saaraim. Chuto nganasokwak agoi laitornatetab Daudi.

³² Ak nganasokwak che mengechen ko ki Etam, Ain, Rimon, Token, ak Asan, nganasok mut:

³³ koboto nganasokwak tugul che mengechen che kigayiem nganasochoto, agoi Baal. Chu ko ki komoswekwak che kimenyei, ak tinyei tetutikab ibinwekwak che kigosiirto.

³⁴ Ak Mesobab, Jamlek, ak Josa weritab Amasia;

³⁵ ak Joel, ak Jeu weritab Josibia, weritab Seraia, weritab Asiel;

³⁶ ak Elioenai, Jaakoba, Jesohaia, Asaia, Adiel, Jesimiel, ak Benaia;

³⁷ ak Sisa weritab Sipi, weritab Alon, weritab Jedaia, weritab Simri, weritab Semaia;

³⁸ chuto kagimwa kainaikwak ko ki bounik eng’ ortinwekwak: ak kitesogis mising’ gorikab kwanisiekwak.

³⁹ Ak kiba kot koit ye kimandoe kebendi Gedor, agoi komostab kong’asis ne bo atebwet, kocheng’jinoti kechirekwak ole agete.

⁴⁰ Ak kinyor ole bitat ak ko mie, ak ki baraa emet, ak ko sisat, ak kotinyei kalyet; amu ki bo bikab Ham bik che kimenyei oloto eng’ tai.

⁴¹ Ak kibwa eng’ betusiekab Hesekia laitoriatab Juda chuto kigisir kainaikwak, ak kobar emaisiekwak, koboto Meunik che kimi oloto, ak kobar ichek koges, agoi ra, ak komeny oloto kogeer ichek: amu kimi oloto ole agete kechirekwak.

⁴² Ak kiba alak eng’ ichek tulwetab Seir, werikab Simeon, bik bogol mut, che kiptainikwak ko ki Pelatia, Nearia, Repaia, ak Usiel, werikab Isi.

⁴³ Ak kibar Amalegik che kiga ng’et che kichililso, ak komeny oloto agoi rani.