1 ATEPTAP PEETUUSYEK 24 - BUKUIT NE TILIL

Pcheutikab tisiik, werikab Aron

¹ Ak pcheutikab werikab Aron ko ki chu. Werikab Aron ko ki: Nadab, Abiu, Eleasar, ak Itamar.

² Ago kibek Nadab ak Abiu kotom kome kwandanywa, ama sich lagok: kibois anyun Eleasar ak Itamar eng’ tiseinatet.

³ Ak kipchei Daudi ak Sadok, eng’ werikab Eleasar, ak Aimelek, eng’ werikab Itamar, kopchei ichek ko u boisienywa eng’ otisienywa.

⁴ Kibiitune bounik che chang’ werikab Eleasar kosiir che bo werikab Itamar; ak kigipchei ko u ni: kiek taman ak lo che bo werikab Eleasar kandoikab gorikab kwanisiek; ak kiek sisiit che bo werikab Itamar ko u gorikab kwanisiekwak.

⁵ Kigipchei anyun ko u ni eng’ barbarek, chu ak chu; amu kimi bounik che bo ole tilil, ak bounik che bo Kamuktaindet, ki bo tuwai werikab Eleasar, ak werikab Itamar.

⁶ Ak kisir ichek Semaia weritab Netanel, sirindet, ne ki bo Lawik, eng’ taitab laitoriat, ak bounik, ak Sadok tisiindet, ak Aimelek weritab Abiatar, koboto kandoikab gorikab kwanisiek che bo tisiik ak che bo Lawik: kiginam got age ne bo kwanisiek kobunji Eleasar, kenam age kobunji Itamar.

⁷ Kimong’ barbariat ne bo tai kobunji Jeoiarib, kobunji ne bo aeng’ Jedaia:

⁸ kobunji ne bo somok Harim, kobunji ne bo ang’wan Seorim;

⁹ kobunji ne bo mut Malkija, kobunji ne bo lo Mijamin;

¹⁰ kobunji ne bo tisab Hakos, kobunji ne bo sisiit Abija;

¹¹ kobunji ne bo sogol Jesua, kobunji ne bo taman Sekania;

¹² kobunji ne bo taman ak agenge Eliasib, kobunji ne bo taman ak aeng’ Jakim;

¹³ kobunji ne bo taman ak somok Hupa, kobunji ne bo taman ak ang’wan Jesebeab;

¹⁴ kobunji ne bo taman ak mut Bilga, kobunji ne bo taman ak lo Imer;

¹⁵ kobunji ne bo taman ak tisab Hesir, kobunji ne bo taman ak sisiit Hapises,

¹⁶ kobunji ne bo taman ak sogol Petaia, kobunji ne bo tiptem Jeskel;

¹⁷ kobunji ne bo tiptem ak agenge Jakin, kobunji ne bo tiptem ak aeng’ Gamul;

¹⁸ kobunji ne bo tiptem ak somok Delaia, kobunji ne bo tiptem ak ang’wan Maasia.

¹⁹ Nito ko ki boisienywa eng’ otisienywa, kobwa gotab Jehovah ko u ng’atutiet ne kigigochi ichek eng’ kwandanywa Aron, ko u ye kiga ng’at inendet Jehovah Kamuktaindetab Israel.

²⁰ Ak che kiga ng’et che bo werikab Lawi: che bo werikab Amram, ko ki Subael; che bo werikab Subael, ko ki Jedaia.

²¹ Che bo Reabia: che bo werikab Reabia, ko ki Isia ne o.

²² Che bo Isarik, ko ki Selomot; che bo werikab Selomot, ko ki Jahat.

²³ Werikab Hebron ko ki Jeria ne o, Amaria ne bo aeng’, Jahasiel ne bo somok, Jekameam ne bo ang’wan.

²⁴ Werikab Usiel ko ki Mika; che bo werikab Mika, ko ki Samir.

²⁵ Ng’etab kametab Mika, Isia: che bo werikab Isia, ko ki Sekaria.

²⁶ Werikab Merari ko ki: Mali ak Musi: werikab Jaasia ko ki: Beno.

²⁷ Werikab Merari: che kisich Jaasia, ko ki Beno, Soham, Sakur, ak Ibri.

²⁸ Che bo Mali ko ki: Eleasar, ne kima sich werik.

²⁹ Che bo Kis: werikab Kis ko Jerameel.

³⁰ Ak werikab Musi ko ki: Mali, Eder, ak Jerimot. Chuto ko ki werikab Lawik ko u gorikab kwanisiekwak.

³¹ Kiser chuto agichek barbarek ko u tupchosiekwak werikab Aron eng’ taitab laitoriat Daudi, ak Sadok, ak Aimelek, ak kandoikab gorikab kwanisiek che bo tisiik ak che bo Lawik: gorikab kwanisiekab che eechen eng’ ichek kogergeit ak che bo tupchennyi ne ming’in.