1 ATEPTAP PEETUUSYEK 2 - BUKUIT NE TILIL

Koitetab ibinwek che kigosiirto

¹ Chu ko werikab Israel: Reuben, Simeon, Lawi, Juda, Isakar, ak Sebulun;

² Dan, Josep, Benjamin, Naptali, Gad ak Aser.

³ Werikab Juda ko ki: Er, Onan ak Shela: chuto somok che kisikyi inendet Bat- sua Jepkananindet. Ak Er, taitab Juda, ko ki chi ne sogoran eng’ taitab Jehovah; ak kibar inendet.

⁴ Ak kisikyi Tamar Juda, osotiotab werinnyi Peres ak Sera. Werikab Juda tugul ko ki mut.

⁵ Werikab Peres ko ki: Hesron ak Hamul.

⁶ Ak werikab Sera ko ki: Simri, Etan, Heman, Kalkol, ak Dara: ki mut tugul.

⁷ Ak werikab Karmi ko ki: Aakar, ne kiinyalil Israel, ne kiyai chalwokto eng’ kit ne ki itabanat.

⁸ Ak werikab Etan ko ki Asaria.

⁹ Werikab Hesron agichek che kigisikyi inendet ko ki: Jerameel, Ram, ak Kelubai.

¹⁰ Ak kisich Ram Aminadab; ak kisich Aminadab Hason, bounindetab lagokab Juda;

¹¹ Ak kisich Nason Salma, ak kisich Salma Boas;

¹² ak kisich Boas Obed, ak kisich Obed Jesii;

¹³ ak kisich Jesii taitanyi Eliab, ak Abinadab ne bo aeng’, ak Simea ne bo somok;

¹⁴ ak Netanel ne bo ang’wan, Radai ne bo mut;

¹⁵ Osem ne bo lo, Daudi ne bo tisab:

¹⁶ ak chepkametwogikwak ko ki Seruia ak Abigail. Ak werikab Seruia ko ki: Abisai ak Joab, ak Asael, ki somok.

¹⁷ Ak kisich Abigail Amasa: ak kwandab Amasa ko ki Jeter Ismaelindet.

¹⁸ Ak kisich Kaleb weritab Hesron lagok eng’ Asuba osotiondennyi, ak eng’ Jeriot: ak chu ko ki werikyik: Jeser, Sobab, ak Ardon.

¹⁹ Ak kime Asuba, ak kiitun Kaleb Eprat, ne kisikyi inendet Hur.

²⁰ Ak kisich Hur Uri, ak kisich Uri Besalel.

²¹ Ak kingobata choto kotun Hesron cheptab Makir kwandab Gilead; ne kiitun ye ki bo kenyisiekyik tamanwogik lo; ak kisikyi inendet Segub.

²² Ak kisich Segub Jair, ne kitinyei nganasok tiptem ak somok eng’ emetab Gilead.

²³ Ak kireb Gesur ak Aram nganasokab Jair, koboto Kenat, ak nganasokyik, nganasok tamanwogik lo. Chuto tugul ko ki werikab Makir kwandab Gilead.

²⁴ Ak kingome Hesron eng’ Kaleb-eprata, kosikyi inendet Abija osotiondennyi, Ashur kwandab Tekoa.

²⁵ Ak werikab Jerameel taitab Hesron ko ki Ram taitanyi, ak Buna, Oren, Osem, ak Aija.

²⁶ Ak kitinyei Jerameel osotiot age, ne kainennyi ko ki Atara; ki kametab Onam.

²⁷ Ak werikab Ram taitab Jerameel ko ki: Maas, Jamin, ak Eker.

²⁸ Ak werikab Onam ko ki: Samai, ak Jada: ak werikab Samai ko ki: Nadab ak Abisur.

²⁹ Ak kainetab osotiotab Abisur ko ki Abiail; ak kisikyi inendet Aban, ak Molid.

³⁰ Ak werikab Nadab ko ki: Seled, ak Apaim: ago kime Seled ama sich lagok.

³¹ Ak werikab Apaim ko ki: Isi. Ak werikab Isi ko ki: Sesan. Ak werikab Sesan ko ki: Alai.

³² Ak werikab Jada ng’etab kametab Samai ko ki: Jeter, ak Jonatan: ak kime Jeter ama sich lagok.

³³ Ak werikab Jonatan ko ki: Pelet, ak Sasa. Chuto ko ki werikab Jerameel.

³⁴ Kima kotinyei werik Sesan, kobate tibik ichegei. Ak kitinyei Sesan otwogindet, Misrindet, ne kainennyi ko ki Jara.

³⁵ Ak kiigochi Sesan Jara otwogindennyi cheptanyi kotun; ak kisikyi inendet Atai.

³⁶ Ak kisich Atai Natan, ak kisich Natan Sabad;

³⁷ ak kisich Sabad Eplal, ak kisich Eplal Obed;

³⁸ ak kisich Obed Jeu, ak kisich Jeu Asaria;

³⁹ ak kisich Asaria Heles, ak kisich Heles Eleasa;

⁴⁰ ak kisich Eleasa Sismai, ak kisich Sismai Salum;

⁴¹ ak kisich Salum Jekamia, ak kisich Jekamia Elisama.

⁴² Ak werikab Kaleb ng’etab kametab Jerameel ko ki: Mesa taitanyi, ne ki kwandab Sip; ak werikab Maresa kwandab Hebron.

⁴³ Ak werikab Hebron ko ki: Kora, Tapua, Rekem, ak Sema.

⁴⁴ Ak kisich Sema Raham, kwandab Jorkeam; ak kisich Rekem Samai.

⁴⁵ Ak weritab Sami ko ki Maon; ak ki Maon kwandab Bet-sut.

⁴⁶ Ak kisich Epa chebaigeiyatab Kaleb, Haran, Mosa, ak Gases: ak kisich Haran Gases.

⁴⁷ Ak werikab Jadai ko ki: Regem, Jotam, Gesan, Pelet, Epa, ak Saap.

⁴⁸ Ak kisich Maaka chebaigeiyatab Kaleb, Seber ak Tirana.

⁴⁹ Kisich agichek Saap kwandab Madmana, Seba kwandab Makbena, ak kwandab Gibea; ak cheptab Kaleb ko ki Aksa.

⁵⁰ Chu ko ki werikab Kaleb: weritab Jur, taitab Eprata, Sobal kwandab Kiriat- jearim;

⁵¹ Salma kwandab Bet-lehem, Harep kwandab Bet-gader.

⁵² Ak kisich Sobal kwandab Kiriat-jearim, werik: Haroe ak kebebertab Menuot.

⁵³ Ak ortinwekab Kiriat-jearim ko: Itrik, Putik, Sumatik, ak Misraik; kibunu Soratik ak Estaolik bichoto.

⁵⁴ Werikab Salma ko: Bet-lehem, Netopatik, ak Atrot-bet-Joab, koboto kebebertab Manahatik, Sorik.

⁵⁵ Ak ortinwekab sirik che kimenyei Jabes: Tiratik, Simeatik, Sukatik. Chuto ko Kenik che kibunu Hamat, kwandab gotab Rekab.