Ephésien 1 - Mina ma Nzambe 1947

Paul aphè Nzambe inkògo tonga na grâce yango edi o cha Christ, ayonge Nzambe to nga na ebuliki.

¹ Paul, apôtre de Jésus Christ tonga na bodingo ba Nzambe o ma bato b’èchwa, bango badi o Ephèse na badi n’echingane a Jésus Christ.

² Tika grâce edyale na beni na phi a Nzambe, Chango a bèni, na Mokonchi Jésus Christ.

³ Tika Nzambe na Chango a Mokonchi ma bèni Jésus Christ atochibe, koncha wango echangizaki bèni na moni m’Eyaye mochò o binongo b’ikolo tonga na Christ,

⁴ tonga o wango abach’otula che ka, wango achòlòki bèni o ch’a wango nò dyò, echoko bèni todyala n’èchwa, na biphebo o bocho ba wango twa yango,

⁵ wango abichil’ochòchò bèni n’elumb’a wango bodyale bana ba wango tonga na Jésus Christ, ko bodingo ba wango bodi bonyèki bona;

⁶ moni ma botochibe tonga na grâce, wango wango aphèki bèni bwabona o ch’a Mwan’a bole a wango akonde.

⁷ Edi tètè koncha wango bèni bodi n’ichungiba tonga na malongo ma wango, pardon a machuma ma bèni tonga na bomandi ba grâce a wango,

⁸ wango Nzambe alèkaki ephèlèlè na bèni o ch’a bokièngu na bolèngi bocho,

⁹ okomo wango achakolaki bèni bodingo ba wango ba yiche, ko bodingo ba wango bonyèki bona bwango wango achekwaki o ch’a wango koncha,

¹⁰ bwe, alòngele o baphela ba bobiko tokoka, akonginye beka bichò o Christ, byango bidi o ch’ikolo na byango bidi o che.

¹¹ Béni bobiyamba ik’a beka bitike o ch’a wango dyòkò, ko byango bibèki bichòchibaki bona na koncha wango ko tòtè a bodingo ba wango koncha bona,

¹² echoko bèni totocha botochibe ba wango, bèni bango bophotaki bochenize Christ yango.

¹³ Edi o ch’a wango na beni dyòkò, chima o beni bowokaki mawò ma nènè, mina minyòngò m’ichungib’a beni, edi koncha wango beni bochinganaki bobiyamba ndembo ’Eyaye Echwa yango ebilakiba,

¹⁴ yango edi boba ba beka b’itike ba bèni kokoko ncho ichungib’a bato ba Nzambe, tonga n’itocha botochibe ba wango,

¹⁵ echoko nga dyòkò chima nga wokaki echingane a beni o ch’a Mokonchi Jésus, n’elumba na bato b’èchwa,

¹⁶ nga di ochiliza bophè Nzambe ingòko tonga na beni ka yango, na nga batele beni o mayonga ma nga,

¹⁷ echoko Nzambe a Mokonchi ma bèni Jésus Christ Chango a botochibe aphè beni Eyaye a bokièngu n’Eyaye yango edikize bokièngu ba wango yango,

¹⁸ n’ediphuze michò ma mitema ma beni, owana beni toyeba ichena dyango wango abwangaki beni idi bwe na bomandi ba beka b’itike ba botochibe ba wango bodi bwe o phanyak’a bato b’èchwa,

¹⁹ na bokama ba nguli a wango na bèni bochingane wango, ko ekielele yango bokama ba nguli a wango ekiele bona.

²⁰ Edi nguli yango wango akielaki o ch’a Christ, okomo wango awumuzaki wango o bowe, n’atikaki wango ebòkò èlomi a wango o binongo b’ikolo,

²¹ n’ikolo na mikonchi michò, na bonè bochò, na nguli echò, na bokomandi bochò, na makombo machò mango madi otangiba o che woni phencha ka, ko, o bobiko bwango toya dyòkò,

²² ”na wango atikaki beka bichò o ch’a makolo ma wango”, aphèki wango adyale mutu ma beka bichò o ebuliki a Nzambe

²³ yango edi nchoto a wango, bokokele ba wango bwango botondize bichò na bato bachò.