Bimwa 16 - Mina ma Nzambe 1947

Bangelo mochabali baphuke bakobo mochabali ibèli a Nzambe dyango ibèki o cha bakobo mochabali o che.

¹ Na nga wokaki ikingo a nguli dyongo ichònòki o temple, ilobaki na bangelo mochabali bwe: ”Bokiè, phuka ibèli a Nzambe, dyango idi o cha bakobo mochabali o che.”

² Angelo a tabocho akièki n’aphukaki ibèli dyango ibèki o kobo a wango o che. Na maphota ma biphele matubanaki o manchoto ma bakoncha bango babèki na ndembo a nyama a ibèli na bachambelaki elenge a wango.

³ Angelo a mobandi aphukaki beka byango bibèki o cha kobo a wango a may manè, na may machekwaki malongo, mango mawulaki malongo ma moto mowaki, na beka bichò byango bibèki na bomwè o may manè biwaki.

⁴ Na angelo a ichato aphukaki beka byango bibèki o cha kobo a wango o bibale na banchomba. Na bibale na banchomba bichekwaki malongo.

⁵ Na nga wokaki angelo a may alobaki bwe: ”Kò, Monyèki, k’òdi, na k’òbèki, Kò, Mweèchwa, edi kò koncha echambaki kobona.

⁶ Bango babiphuka malongo ma baphele b’èchwa nà ma mibandi. Echoko nà k’òphèki bango malongo tonga n’inywa yango. Yena kobona edi enyòngò na bango.”

⁷ Na nga wokaki autel bolobaki bwe: ”He, Nzambe Mokonchi, k’òdi Konchayombo. Matòtè ma kò madi nènè na manyèki.”

⁸ Na angelo a inè aphukaki beka byango bibèki o cha kobo a wango o ikolo na bucha. Na bwango boyambaki chwa itumba bato ko meya bona.

⁹ Na o bato badikaki na yangala ekuli, bango bachokoki kombo a Nzambe, koncha wango edi na chwa ikolo na machèbo mango; ko bango baboyencha mitema ma bango ka, na babophè wango botochibe ka.

¹⁰ Na angelo a itano aphukaki beka byango bibèki o kobo a wango ikolo na trône a nyama a ibèli. Na bokonchi ba wango bochekwaki boyindaki, na bato batwaki malemu ma bango na minu, tonga na chachela.

¹¹ Na bango bachokoki Nzambe ikolo tonga na maphota na chachela a bango; bango baboyencha mitema ma bango ka, na bango babolangwa o matoma ma bango ka.

¹² Na angelo a ichamano aphukaki beka byango bibèki o kobo a wango ikolo na ebale enè, kombo a yango Euphrate. Na ebale ewelelaki echò, tonga n’itubiza manè ma mikonchi myango tichònò o l’orient.

¹³ Na nga yènèki etubaki o muna ma dragon na o muna ma nyama a ibèli na o muna ma mobandi ma bwanya biyaye ba mbindo, byango biwulaki biphophanda.

¹⁴ Byango bidi biyaye ba Molemba, byango bikiele matoma machimube, byango biphanchane o ch’echò tonga n’ikonginya mikonchi tonga n’imana bita o bucha bonè ba Nzambe, Konchayombo.

¹⁵ Kieka nga ya ko moyibi bona, edi moni na koncha wango ebatele na echobe bilamba ba wango, mòchi wango adyale odyala bolumbu tonga n’iyeniza choni a wango ka.

¹⁶ Na byango bikonginyaki myango o enongo etangibe o elobele a hébreu bwe, Harmaguéddon.

¹⁷ Na angelo a mochabali aphukaki beka byango bibèki o kobo a wango o l’air (o dindo) n’ikingo itubaki o cha temple ichònòki o trône, ilobaki bwe: ”Ikieliba ichila.”

¹⁸ Na kinòwa etubaki bangachi, makingo an biluncha na etubaki bonyalwe bonè, kokoko ncho o bophotiche ba che, na o bato batulibaki ebotuba bonyalwe nyò bò bokuli ko bwango buna ka.

¹⁹ Na mboka enè ekwaki n’èbataki bibati bichato, na mamboka ma bato makwabanaki; ko Nzambe abatelaki mboka enè Babylone tonga n’inyweza yango kobo a du vin ikuli a ibèli a wango.

²⁰ Na bichanga bichò bilemwaki, na makoli maboyènènè dyòkò ka.

²¹ Na manyali mananè na bodito ko talent bona (talent edi 30 kilo) machònòki ikolo na makwabanaki ikolo na bato; ko bato bachokoki Nzambe tonga na chachela a ichèbo a manyali tonga ichè dyango ebèki ikuli.