Bimwa 10 - Mina ma Nzambe 1947

Angelo na buku b’èboto na biluncha mochabali.

¹ Nga yènèki wona angelo a nguli achònòki ikolo, achundaki o che. Wango achwaki ephephelo, na wango abèki na ngubi o chomb’a mutu ma wango, bocho ba wango bolangaki ko bucha bona, na makolo ma wango mawulaki ko makonchi ma meya bona.

² Wango abèki na buku boki b’èboto bowutwibaki kbò o ebòkò a wango. Na wango adyataki ekolo a wango èlomi o ikolo na may manè, na ekolo a wango èwèchè o ngolo.

³ Na wango angamwaki nikichi ko eloncho a lion bona. O chima wango angamwaki kobona, biloncha mochabali bitubizaki makingo ma byango.

⁴ Okomo biloncha bitubizaki makingo ma byango, na nga dingaki bokòtè, ko nga wokaki ikingo ichònònki ikolo, ilobaki bwe: ”Bomba beka byango biluncha mochabali bichakolaki o cha ndembo, na tòkòtèke byango.

⁵ Na angelo wango nga yènèki adyataki yena ekolo o may manè, na yena ikolo o ngolo, achembolaki ebòkò a wango èlomi o nch’ikolo,

⁶ n’adyengaki na koncha wango edi na bomwè biteneli o biteneli, koncha wango etulaki ikolo na beka byango bidi o cha dyango, na che na beka byango bidi o ikolo na yango, na may manè, na beka byango bidi o cha mango, n’alobaki bwe: Dyò bobiko tiphèbi,

⁷ ko, o machu mango ikingo a angelo a mochabali tiwokiba, na okomo wango tawula ilimba, yena edi komoyango beka ba Nzambe ba yiche tikubwana ko mina minyòngò myango mitubaki o mina ma bachali ba wango, mibandi, bona.

⁸ N’ikingo dyango nga wokaki ichònòki ikolo, ilobaki na nga dyòkò bwe: ”Kiè, kwa mong’a buku bowutwibaki, byango bodi o ebòkò a angelo wango edi chu n’o may manè n’o ngolo.

⁹ Na nga kièki o ma angelo, na nga lobaki na wango bwe, phè nga mong’a buku buna. Na wango alobaki na nga bwe: ”Kwa bwango, na dya bwango bochò. Bwango tòphè kò chachela o cha mwè ma kò, ko, o muna ma kò bwango tòphè ndèndè ko bwe bona.”

¹⁰ Na nga kwaki mong’a buku bwango o ebòkò a angelo, na nga dyaki bwango bochò; na bwango bobèki na ndèndè o muna ma nga ko bwe bona, ko o chima yango nga minaki bwango, nga yambaki chachela o mwè.

¹¹ Na wango alobaki na nga bwe: ”Edi kokomo kò tòlaka mawò na bato bakama moto elenge elenge ba bilobele bikama, na mikonchi mikama.