1 Timothée 4 - Mina ma Nzambe 1947

Achakole ekwelele yango bato takwa o machu ma machu ma chima Achakole edyalele yango tadyala o botoma ba wango.

¹ Ko, Eyaye elobe kot’èlobele bwe, machu ma chima bana baninga talangwa echingane, na bango tachingana biyaye ba bwanya, na mayekola ma biyaye bibè.

² Tetuba kobona tonga na bwanya ba badikichi ba bwanya, bakoncha bango èdunga a meya ebitumba baconscience ba bango,

³ bango bachimbe bolònga ba bato, na bekidya byango Nzambe atulaki, tonga n’iyambiba n’ingòkò na bakoncha bango bachingane na bamèchènèki na nènè.

⁴ Tonga beka bichò byango Nzambe atulaki bidi binyòngò na bato bango badi odyala n’iwò itona byango ka, mo bango bayambe byango n’ingòko,

⁵ tonga mawò ma Nzambe n’iyonga binyèze beka byango.

⁶ Mo k’òdikize banyango ba baphele b’èbati a Nzambe mawò mango, K’òdyale mochali a Jésus Christ monyòngò, wango abikata o ch’a mawò m’èchingane n’iyekola inyòngò, dyango k’òlondoki n’etungu kokoko.

⁷ Ko, otonaka bichi ba bato bwabona, oyekuzaka ebati a kò koncha o echingane a Nzambe.

⁸ Boyekuze ebati a nchoto bonyòngò bodi boki bona, ko, chingane a Nzambe edi enyòngò o beka bichò, na yango edi n’ilakako o bomwè bu nà o bomwè bwango toya.

⁹ Edi iwò ètungu dyango idi inyèki n’iyambiba n’èchingane echò.

¹⁰ Tonga na dyango banga bokiele mochalo, na banga bonane, tonga n’ichen’a banga idi o Nzambe a bomwè, koncha wango edi Mobil’a bato bachò ko, wango elèki edyalele Mobil’a bakoncha bango bachingane.

¹¹ Tika k’òchakole na k’òdikize bato mawò mango!

¹² Moto nyò mò tadyancholake monge wango edyale na kò, odyalaka elenge a bato b’èchingane o mawò, o edyalele, o elumba, o cheche.

¹³ Kokoko ncho nga taya odyalaka na chululu ibala mokanda ma Nzambe, tonga n’iteya bato na tonga n’ichakola bato mawò ma wango.

¹⁴ Tolembolake matabichi mango madi o ch’a kò mango k’òbiyamba na mawò mango malakibaki elòngò ko yango, o baphomba bayakaki mabòkò ikolo na kò.

¹⁵ Obatelaka mawò mango, odyalaka o ch’a mango na motema mochò, echoko ekatele a kò teyèniba o michò ma bato bachò yango.

¹⁶ Okiekaka n’ikiengu na kò koncha n’iyekola kò, obandamaka n’ètungu o ch’a dyango, tonga mo k’òkiele kobona kò tophakola kò koncha nà bakoncha bango bawoke kò.