yohane 1 1 - buacou seiso no faeva esvʉtʉ

e'e no nsou

¹ ho imza tposi 'e tengami eni temza mi'usnu muu ho etotoyangza 'e mohcula ahoi to ahoisi yayo ci e'e no nsou, 'e e'e no nsou eni, omzacula talʉi, aʉla huceoevi; 'aeno zou. omzacula aiti. a'vinano aʉla peuasa.

² ne moso yuyafo 'e nsou eni, omzacu aiti; ko'koeno, temza mi'usnu muu ho 'akasi, a'vinano psoyaska 'o mohcu anana'o no'upu to amopepe, a'vinano micu aopa'to a'to ci 'auesiesi nsou.

³ 'e omza afu'a aiti, ho talʉi imza psoecʉ'ha muu, ko'ko poa meelʉ i'upu a'mi ho mai'upu ta cono taucunu; 'e cono taucunu eni 'aeno teto toehunga tanua 'o amopepe ho i'o okosi ci iesu kilisto.

⁴ ho imza tposi 'emo maica temza poa nongcʉngcʉ na kokaekaebʉto.

zou tiskova 'o hamo

⁵ maitan'e temza psoecʉ'ha muu 'o omzala i'mi to oko to hamo ho talʉi ci e'e: zou tiskova 'o hamo, asansano uk'a ci voecʉvcʉsi.

⁶ ko'koeno, hocito mainca mito cono taucunu 'o hamo, ho c'on'a asngʉcʉ yunsou no 'ayumona no voecʉvcʉ, 'amitocueno emeknuyu, o'a mo 'aseolʉ to so'emio na peipeis'ausna.

⁷ at'inghi, ho cito yaansou to taico to tiskova, mais'a 'o hamo hola yono taico to tiskova, tetocu meelʉ yupania cono taucunu, ina hmuyu to okosi ci iesu tesi toʉlʉi na afu'uto kuisi.

⁸ hocito iachi mainca uk'a ci kuisi, isicu peknui 'e iachi, o'ana teto yaa natʉ'ca 'o so'emio.

⁹ hocito mi'usnu to hamo ho eh'ʉta na kuisi, zou mou'ʉmtʉ ho moulʉlʉ 'o hamo, tesi peteongasa na kuisito, toʉlʉi na ohtola afu'a hioa cimo o'te emio.

¹⁰ hocito iachi mainca o'a mo'ula ahtu peiskuisi, 'aitoeno toleleoknuyui 'o hamo, 'o e'esi 'anate yaa natʉ'ca a'to.