sitoo 9 - buacou seiso no faeva esvʉtʉ

tmaa'uzo to nooe'oca 'o saulo

¹ mo a'cʉ'cʉnʉ boemi to tmupapak'i ci e'e 'o saulo ho paosmoyoi 'o tesi. mo baito to taisaisi,

² m'eya tmopsʉ ho pa'i'usna to makakaitoo to couyutaya ne tamasuko, teomneni hocisi i'ima ho tʉtpʉta 'o mo fiho ta ceonʉ to nooe'oca ci cou, 'upena na haahocngʉ ho maamespingi, te acʉha seo'usna ne 'elusalemu.

³ to ceonʉ emo'usnu ne tamasuko, ne tec'u mon'i sʉc'ʉhʉ to hosa, akameosʉ mehacni ci tiskova mo i'mi ne pepe, psoetiskovi 'o aukukuyungu to saulo.

⁴ mo e'toheʉngcʉ ta ceoa, tmalʉ to fihngau ci mo mainca:

⁵ isi tuocosi: isi yut'inga to fihngau: <'ai'o oskoeno akuzkuzoa ci iesu na a'o.

⁶ yʉc'ʉ, yʉmeʉmʉ ta hosa, panto te eʉsvʉtʉ to nteko hioa.>

⁷ i'o mo nʉthʉ 'o saulo ci cou mo acʉhʉ bichʉmʉ ho o'te meelʉ ya'ei, ihe talʉi 'o fihngau; at'inghi o'amo teolʉ no cou.

⁸ mo yʉc'ʉ 'o saulo, mahtʉ'vosʉ, cuma na ntesi teolʉi; i'o mo nʉthʉ ci cou ihecu tiemuca, hafa yʉmeʉmʉ to hosa to tamasuko.

⁹ mo miteuhi ho o'amo bohngʉ; o'amo bonʉ. maezo o'a mo mimo.

¹⁰ ta tamasuko panto cihi ci tesi. zou 'anania 'o ongkosi. mo baito tomo conci mavolosi; 'o nooe'oca mo yonto 'ayumona to mavolosi ho eyoho'a: <'anania!> isi yut'inga:

¹¹ yainca to nooe'oca:

¹² to mavolosi isi aiti 'omo cihi ci cou, zou 'anania 'o ongkosi, yʉmeʉmʉ ho hoe'oci, poa yuovei bohngʉ.>

¹³ yut'inga to 'anania:

¹⁴ mo esmi ta tamasuko maitan'e, hafa 'o isi faeni ci tonʉ to saisicoo, te tʉtpʉtʉ tomo afu'u m'ohkuyu suu ci cou.>

¹⁵ isi mi'usni to nooe'oca ho yainca:

¹⁶ te'o iachia pa'cohivi, tena nomio a'o ho elʉ tomo mav'ov'o ci 'atutumio.>

¹⁷ cu a'ʉmtʉ emo'usnu maita'e 'o 'anania. yʉmeʉmʉ to emoo to ic'o, hoe'oci to emucusi 'o saulo, yainca:

¹⁸ osni panto mais'a ho'hosʉ no yoskʉ mo i'mi to mcoo to saulo ho supeohʉ, micu yuovei bohngʉ, cu yʉc'ʉ ho tiou no toonono;

¹⁹ ataveisi ne micu bonʉ, micu yuovei taso 'o feangosi. mo yone tamasuko 'o saulo ho mipiyohi no'upu to tesi.

yone tamasuko ho epeaski to fukuin 'o saulo

²⁰ micu osni uhto makakaitoo ho epeaska 'o iesu, yainca: <'o iesu zou oko to hamo.>

²¹ 'omo afu'u tmalʉ ci cou mo acʉhʉ na'no yamci, yainca:

²² at'inghi, 'o hia psoyaski to saulo namamo h'unano yaa tonʉa; isi yomza tomo mahtʉicʉ ci pat'ausna ho soomei 'o iesu ho zou kilisto, poa o'te meelʉ ehcʉvho 'o couyutaya ne tamasuko.

²³ o'amoso noana'o, ihe ta'koeva no opcoza to couyutaya 'o saulo.

²⁴ panto mo mi'usnu to saulo ho eʉsvʉta 'e ihe ta'koeva. nomio no 'ucia opcoza 'o saulo, ihe yoyofnasa noyʉci 'o phingi to hosa.

²⁵ at'inghi, moso cono yofna, 'o tesisi ihe yomza to meoino skayʉ ho i'mi to tonghifa to hosa ho popsu'usna to yafana.

yone 'elusalemu 'o saulo

²⁶ cu sʉc'ʉhʉ ne 'elusalemu 'o saulo, mici yupa 'u'uso to sinto. at'inghi, o'aihe taa'uzva ho zou tesi; ihe toehunga smoyoa,

²⁷ i'oc'o panapa 'omo uso ho to'usnu to saulo, hafa ho aopa'to to sitoo, eʉsvʉsvʉta 'o saulo mo mainenu na hia isi lʉa ne ceonʉ 'o nooe'oca, mainenu ho isi mi'usni ho aomotʉ'a to nooe'oca. e'upa mo mainenu na hiasi 'ʉteʉ ho yone tamasuko ho biftongʉ to ongko to nooe'oca ho psoyaski to e'e.

²⁸ micu yupa 'u'uso 'o sitoo ho saulo. yone 'elusalemu ho biftongʉ to ongko to nooe'oca ho 'ʉteʉ no psoyaski to e'e.

²⁹ mo maezo mi'usnu tola buangilisia ci couyutaya ho esansana, ehcʉvho, nama ihe 'ucia opcoza 'o saulo.

³⁰ ihe cohivi to sinto na eni, ihecu hafa uhne kaisalia, ho poa uhne taasu.

³¹ ne mio, 'o makikiokai ne yutaya, ngalilaya, samalia moso i'nanʉskʉ yaa hiesi no suseomʉ. 'o kiokai mo yono m'ohkuyu to nooe'oca, to'usni no seilei ho p'eʉlʉlʉa, huhucmasi apuhngu 'o hia botngonʉ to sinto.

yone liita ho yopa 'o petelo

³² mo smaingabo to mauhpʉhpʉngʉ 'o petelo; moso i'nʉskʉ, isi usa ho aiti 'o sinto ne liita.

³³ nemo yone'e, panto isi lʉa cimo cihi ci cou, zou 'iniya 'o ongkosi; 'e cou eni mo tma'congo no meaupsu'hu, cu toveoha homo oevoi to hopo.

³⁴ mi'usni to petelo ho yainca: <'iniya, isicu poa yov'o to iesu kilisto suu. yʉc'ʉ, soʉlʉlʉa si sospoyasu!> 'o 'iniya micu osni yʉc'ʉ.

³⁵ ihe toehunga aiti tomo afu'u yone liita ho salung ci cou, micu acʉhʉ tmaa'uzo to nooe'oca.

³⁶ ne yoopa panto cihi ci tesi no mamespingi zou tapita 'o ongkosi ('o ongko nosi ngilisia zou toka, zou moatʉ'nʉ no mayahe 'o e'ausnasi). man'i 'o isi hioa cimo ʉmnʉ ci hi'hioa. kokaebʉ to'usnu tola thi'cia ci cou.

³⁷ moso conci hie, mo tma'congo hocu mcoi, ihe toʉlʉi to mocmo 'o nia feangosi, siya to conci hopo to skoskopna.

³⁸ o'amo covhi ne liita 'one yoopa, ihe tac'ʉhi to tesi ne yoopa ho mo yone liita 'o petelo, cu popeosmuhnu tomo yoso ci cou ho baito to petelo, yainca:

³⁹ micu osni e'ohʉ 'o petelo ho to'ofeihni, ne micu sʉc'ʉhʉ 'o petelo, pantomo engochʉ ho uhto aemana to skoskopna, mo maikuyungu to petelo 'o micu tuvcongʉ ci maamespingi ho mongsi, yaeza poa aitneni to petelo 'o ohsila teyai to tooka ci mayʉyʉsʉ.

⁴⁰ isi acʉha poa yuyafo to petelo 'o maamespingi, cu pop'up'ungu ho 'inoli, ataveisi micu miezuhu to feango tomo mcoi, yainca: micu maavo 'o mcoosi, aiti 'o petelo, cu yusuhngu.

⁴¹ isi usa to petelo ho ec'ʉvi, yaeza poa yʉmeʉmʉ 'o sinto ho i'o maamespingi, faeni 'omo yaansou ci tooka.

⁴² na eni isi psoengaboa to yoopa, botngonʉ ci cou 'omo tmaa'uzo to nooe'oca.

⁴³ 'o petelo moso aʉlʉ 'enepio no hie homo yonto emoo tola lesifkou feo'u ci saimong ne yoopa.