sitoo 8 - buacou seiso no faeva esvʉtʉ

¹ 'o hi'hioa ho isi opcoza 'o sutepana, isi ʉm'ʉmnʉa to saulo. ahoi to hiesi ne mio, 'o kiokai ne 'elusalemu mo elʉ to atva'esi meoino akuzkuzoa. tapeoha 'o sitoo, acʉcʉhʉ 'o sinto mo apeaski ho p'usnu to mia'usnu ne yutaya ho ine samalia.

akuzkuzo to kiokai 'o saulo

² panto piyo cimo na'no yaa singkoo ci sinto ihe efo'a 'o sutepana, a'vinano tmunoi mongsi ho tngisi.

³ ne mio, 'o saulo isi hioa 'o akuzkuzo to kiokai; ohcacnia 'o macocono emoo ho tʉtpʉta 'o sinto, poekotva to poo'usna.

psoecʉ'ha ne samalia 'o fukuin

⁴ i'o moso apeaski ci sinto moso nongongabo ta hpʉhpʉngʉ ho psoyaska 'o fukuin.

⁵ mo uhne samalia 'o fuili, mi'usnu to cou ne'e ho psoyaska 'o hi'hioa to kilisto.

⁶ mo acʉhʉ tmaayaezoyʉ 'omo botngonʉ ho talʉi 'o e'e to fuili. mo tmalʉ ho aiti 'o isi hioa ci po'e.

⁷ mo moozoyʉ 'o h'aokuv'o ho i'mi to ihe cʉnghi ci cou ho yuyafo, botngonʉ cimo meaupsu'hu, pi'o ci cou mo acʉhʉ noa aotothoma.

⁸ isi nongcʉngci to kokaekaebʉ 'e hosa ta samalia.

⁹ panto mo cihi ci cou, zou saimong 'o ongkosi, 'o nia hiasi meoino yoifo ohela i'nanʉska toehunga taunona'vʉ ta yata samalia. lasi yaeza iachia itanveni;

¹⁰ i'omo mav'ov'o ci cou ta hosa lahe ʉm'ʉmnʉa talʉi. toehunga yaica: <'e cou eni mo yaa tonʉ to hamo, zou <>.>

¹¹ maica ho isi noana'va boemi to yoifo ho paspepecvazi 'e botngonʉ ci cou, ko'ko lahe eno talʉi.

¹² at'inghi, ne ohecu taa'uzva 'o isi psoyaska to fuili ci tonʉ to hamo ho i'o ongko to iesu kilisto, 'o haahocngʉ ho maamespingi cu acʉhʉ tiou to toonono.

¹³ 'o saimong mo maezocu iachi tmaa'uzo; ataveisi ne mohcu toonono 'o saimong la asngʉcʉ no'upu to fuili. lasi aiti 'o isi hioa to fuili ci h'unasi ci tonʉ ho po'e, na'na huaeca taunona'vʉ.

¹⁴ i'o mo yone 'elusalemu ci sitoo ihe tac'ʉhi ho mo tiou to e'e to hamo 'o cousamalia, cu popeoskuna 'o petelo ho i'o yohane ho uhto ihe yoni.

¹⁵ ne micu sʉc'ʉhʉ 'o mo yoso, cu 'inolineni 'o sinto, tehe poa tiou no seilei.

¹⁶ maica ne mio o'amocu mo cmʉ'ho to 'ayumonahe na seilei; mosoc'on'a boemi to ongko to nooe'oca iesu ho tiou to toonono.

¹⁷ cu hoe'oci to petelo ho yohane 'o fnguuhe, micu tiou to seilei.

¹⁸ isi aiti to saimong 'o ihe hoe'oci to emucu to sitoo ci cou mo acʉhʉ mayo to seilei, micu tuyafo to peisu ho faeni to sitoo.

¹⁹ yainca:

²⁰ at'inghi isi mi'usni to petelo ho yainca:

²¹ uk'a ci teko tanua ta imza hioa; maica ho miko yonto tuhcu to hamo, mo o'te mituhcu si 'tohʉngʉsu.

²² ko'koeno, teko ma'vovei, mongoi no kokuzo, m'eya peteongasa to nooe'oca 'emo maica ci hiasu ma'to'tohʉngʉ.

²³ os'o honga ho isin'a ta'poe'i no 'atutumzo no smo'eubut'u, ho holeo no kuisi.>

²⁴ mo mi'usnu to petelo ho yohane 'o saimong ho yainca:

²⁵ 'o petelo ho yohane mo yonto ic'o ho 'akasi, epeaski to e'e to nooe'oca. ataveisi micu yuovei ne 'elusalemu. to ceonʉ no smaivovei, mo neisu to mayoyou ne samalia ho psoyaski to fukuin.

fuili ho i'o taicini to 'isopia

²⁶ panto cihi ci tensi to nooe'oca isi eʉsvʉti 'o fuili: ('e ceonʉ eni ohcula noana'va seoovei.)

^27-28 micu yʉc'ʉ 'o fuili ho e'ohʉ. ne mo pcaceoni, isi lʉa 'o cihi ci taicini to 'isopia. zou cihi cila suepe ci taicini 'e cou eni. la noskufu to kantaki ci honte no mamespingi ho le'aʉt'ʉcʉ to yupasʉ. moso uhne 'elusalemu ho m'ohkuyu to hamo; ne micu smaivovei, mo smopayo to iachisi kuyai no 'uma ho mo'engho to tposʉ to eyongensa 'izaya.

²⁹ isi mi'usni to seilei 'o fuili ho yaica:

³⁰ mo smo'usnu 'o fuili, talʉi 'o taicini mo seolʉa no mo'engho to tposʉ to 'izaya. cu tuocosi: <'e osko engha, osko ta'hongi?>

³¹ isi yut'inga: isicu poa smopayo to kuyai 'o fuili. micu suepohʉ 'o taicini.

³² i'oisi engha ci seiso isi yainca: mo mais'a coni cite yaakaka ho chua ci moam'um'u, mais'a i'ote skoa m'um'ua ci moam'um'u mo yonto emucu tote smohmam'um'u ci cou ho o'amo mako mumunmuni; totiski o'amo mako mateafo no conci e'e.

³³ isi uveica na aokoe'i; uk'a ci mo cihi cinte boemi no ahmʉskʉ ho etoto'usnu, maezo uk'a ci mo h'unano eʉsvʉtʉ no ceoceona no suezopʉsi, maica ho isicu emompuesa na nsousi homo yonta hpʉhpʉngʉ.

³⁴ isi tuocosi to taicini 'o fuili:

³⁵ micu ya'ei 'o fuili, ehoza ta seiso tan'e, mi'usni ho esansana 'e mo natʉ'ca to fukuin to iesu ci hi'hioa.

³⁶ mo sucaefi to conci hpʉhpʉngʉ, panto chumu to aaskiti to ceonʉ, yainca to taicini:

³⁸ isicu poa tosvo to taicini 'o kuyai; micu iepoepohʉ 'o fuili ho uhto chumu, isicu toononvi 'o taicini.

³⁹ ne mo seolʉa no tmo'poyapo to chumu, isi hafa to piepiya to nooe'oca 'o fuili; o'ana isi ahta huvahi to taicini 'o fuili. mo emo'cʉ'cʉnʉ to ceonʉ, a'sʉftonʉ kokaekaebʉ 'o 'tohʉngʉsi.

⁴⁰ ataveisi panto cou ohe lʉa ne 'asotu 'o fuili; isi saingaboa 'o mia'usnu to ic'o, yonto mayoyou ho epeaska 'o fukuin, ac'ʉhʉ ne mohcu sʉc'ʉhʉ ne kaisalia.