sitoo 5 - buacou seiso no faeva esvʉtʉ

'anania ho safuila

¹ panto mon'a cihi ci cou, zou 'anania 'o ongkosi; mo iepoepohʉ 'o vcongʉsi ci safuila ho ake'i mhino to ezoezoyʉ.

² isi tʉtpʉta 'o mocmo to peisu, faeni to sitoo 'o ang'osʉsi; na eni isi yaeza cohivi to vcongʉsi.

³ isi mi'usni to petelo ho yainca: <'anania, mainci poa atʉkceni no satan co 'tohʉngʉsu, poa meknuyu to seilei na suu, tʉtpʉta na mocmo ta peisu ho osko phieni 'o ezoyʉsu?

⁴ ho o'amocu isi phieni 'o ezoyʉ, 'aeno nuusu, ho oskocu phieni, 'aeno maezo nuusu na peisu; mainci miko aac'o bikoyu no peis'usnu maica? o'amikos'a meknuyu ta cou, mamiko meknuyu to hamo!>

⁵ ne isicu talʉi to 'anania 'e e'e eni, cu e'toheʉngcʉ ho mcoi; namo tmac'ʉhʉ ta hi'hioa tan'e ci cou mo acʉhʉ kuici ma'sasmoyo.

⁶ piyo ci yu'fafoinana mo yʉmeʉmʉ, cfua 'o nia feangosi. ngoeyafi cu efo'a.

⁷ cu asonʉ ma'hituyu 'o huomza hie, mo yʉmeʉmʉ 'o vcongʉsi, o'amocu isi cohivi na moso esmi ci hi'hioa.

⁸ isi mi'usni to petelo ho yainca: isi yut'inga: <'amio, mo acʉhʉ yontan'e.>

⁹ yainca to petelo:

¹⁰ mo osni e'puyu to yaa t'ango to petelo hocu mcoi, mo yʉmeʉmʉ 'o yu'fafoinana, aiti ho micu mcoi, cu ngoeyafi, suchipa efo'a to nia vcongʉsi.

¹¹ acʉhʉ 'e kiokai ho i'o mo tmac'ʉhʉ ta hi'hioa tan'e ci cou mo acʉhʉ kuici ngoheʉngeʉ.

taunona'vʉ ci po'e

¹² 'o masisitoo mo yonta 'ayumona tamo botngonʉ ho man'i 'o ihe hioa ci po'e ho taunona'vʉ ci hi'hioa; 'o afu'u sinto acʉhʉ tohmʉskʉ 'o 'tohʉngʉhe ho yu'eteuyunu to hocnguha solomong.

¹³ ihe e'vono einva tamo botngonʉ 'o sitoo, at'inghi 'o o'a sinto ci cou o'amo smeecʉ'ho ohcum'u.

¹⁴ ne mio 'o mo tmaa'uzo to nooe'oca ci cou mo ausuhcu botngonʉ, mo yaa haahocngʉ ho maamespingi.

¹⁵ maica homo man'i 'o ihe hioa to sitoo ci po'e, panto cou ihe ngoevi 'omo tma'congo ho hafa uhto ceonʉ, panto isi siya to hopo, siya to sospoya, tata'za ho tena sucaefi 'o petelo, tena pe'isihngi to feangohe 'o ongkosi.

¹⁶ panto mon'a botngonʉ ci cou mo mahafo tomo tma'congo ho i'o isi cʉnghi no h'aokuv'o. mo i'mi to mayoyou to cum'usi ne 'elusalemu ho esmi; 'emo maica tma'congo ci cou mo acʉhʉ ʉmnʉ ci yov'o.

akuzkuzoa 'o sitoo

¹⁷ 'o taisaisi ho i'o lahe eahafa, 'ai'oeno cousatukai to ic'o, ihe kuici so'eububut'ua 'o sitoo, ko'kocu esvʉta no aut'ot'ou.

¹⁸ ihe tʉtpʉta 'o sitoo, poekotva to poo'usna.

¹⁹ at'inghi to yofnasi, isi paavi to tensi to nooe'oca 'o phingi to poo'usna, hafa yuyafo 'o sitoo, mi'usni ho yainca:

²⁰

²¹ cu tmalʉ ta e'e tan'e 'o sitoo, ne tec'u mon'i tiskova cu yʉmeʉmʉ to seiten, ahoi mo'ma'cohio to cou. 'o taisaisi ho i'o lahe eahafa ihe eteuyuna to ngikai 'o afu'u coolo to yutaya ho toehungu toʉsvʉsvʉtʉ, atavei smuhnu ho uhto poo'usna tehe e'eafi 'o sitoo.

²² at'inghi ne micu sʉc'ʉhʉ 'o kengsacu, aiti o'amo yonto poo'usna 'o sitoo, cu yuovei to ngikai ho eʉsvʉta:

²³

²⁴ ne ihecu talʉi to taicini to kengsacu ho ito saisicoo 'e e'e eni, mo kuici yamci, o'aihe cohivi cuma na ihe elʉa ci hi'hioa to sitoo.

²⁵ ne mio. cihi ci cou mo yʉmeʉmʉ ho eʉsvʉta:

²⁶ micu engochʉ to soskuskunu 'o taicini to kengsacu ho usa, hafa 'o sitoo. o'amo ake'i boepapak'i, maica mo smoyo to botngonʉ hocihe tokʉi no fatu.

²⁷ ne ihecu hafa sʉc'ʉhʉ 'o sitoo, ihe poa bitaico to ngikai. cu ahoza tuucocosi to taisaisi.

²⁸ isi yainca:

²⁹ ihe yut'inga to petelo ho ito mocmo ci tesi:

³⁰ i'o imu spica to zuuzika ci iesu, 'o hamo to nia maameoito isicu poa smoevovei.

³¹ isi hoepzeni to hamo. poa yonto iachisi vhona tee tmuoteuyuna. poa leto'usnu. akoeva no poa yaa hiesi no ma'vovei 'e cou'isolaelu. poa peteongasneni na kuisihe.

³² 'aeno a'mi 'ete 'akasi ta hioa tan'e; i'o isi faeni ci seilei tomo tmaa'uzo to hamo mo maezo i'upu a'mi ho 'akasi.>

³³ ihe talʉi to ngi'in to ngikai 'e e'e eni, mo kuici ma'sʉsʉ'no, cu ta'sansana te opcoza 'o sitoo.

³⁴ at'inghi, pantomo cihi ci coufalisai to 'ayumonahe, zou kamale 'o ongkosi, lahe couno einva to cou ci lema'cohio hoolicu; mo yonto ngikai ho yac'ʉ, isi cucufni ho poa e'eafneni 'o sitoo,

³⁵ micu mi'usnu to ngi'in ho aomotʉ'ʉ:

³⁶ ne auyusi, mosola yʉc'ʉ 'o tuta ho meefʉc'ʉ efnaso, moso asonʉ se'sʉpta 'o moso tmaa'uzo ho to'ofeihni, ohela ataveiya opcoza. i'o moso tmaa'uzo ci cou mo mais'a yuansou ho apeaski, 'onia 'afeo'fu'u mohcu aapayo'ʉ.

³⁷ ataveisi moso i'vaho yaa coungalilaya ci yuta ne oho seolʉa no teyai tposʉ to macocono emoo mo yʉc'ʉ, yaeza eepecvaza 'o mo 'enepio ci cou ho poa to'ofeihni; ohe yaeza opcoza, i'o moso mee'ofeihni ohoc'o yaeza popeoemo'a;

³⁸ 'e a'a'ausna maitan'e, te'o eʉsvʉta muu, teav'a mi'usni ho 'ahʉya cumasa, 'ateeno poa maino tehe hioa! na ihe ta'kokoeva ho ina tehe hioa hoci i'mi no 'tohʉngʉ ta cou, 'atena ahtuo'te aon'oi;

³⁹ hoci i'mi to hamo, o'atemus'a ahta atpʉta. i'e imu hioa, sokoeva no mimu mihangʉ to hamo!> ihe tiova to ngikai 'e 'tohʉngʉ to kamale.

⁴⁰ ihecu poa yʉmeʉmʉ 'o sitoo, eobaka ho yaeza pashʉya ho poa o'tena boemi to ongko to iesu ho eʉsvʉsvʉtʉ, ataveiacu poesih'a.

⁴¹ mongoi to ngikai 'o sitoo, maica ho mo nomio to ongko to iesu ho noa aokoe'iya, mo na'no kaebʉ 'o 'tohʉngʉhe.

⁴² mioc'o a'cʉ'cʉnʉ huhucmasi yonto seiten ho ito maemoemoo o'te tosvo ho mo'ma'cohio to cou, psoyaska 'omo natʉ'ca 'o iesu kilisto ci fukuin.