sitoo 27 - buacou seiso no faeva esvʉtʉ

yonto 'apangʉ 'o poolo ho emo'usnu ne looma

¹ ho micueno afu'a esvʉtʉ no smaimio ta etʉpʉ ho emo'usnu ne 'italia, ihe cu toveineni to yuliu ci ngungkang to honte 'o poolo ho i'o mocmo ci isi poekotva.

² mimzacu smopayo to mo i'mi ne 'atamiten ci 'apangʉ; tec'u e'ohʉ 'e 'apangʉ eni, smaitoyange to mo piyo ci toosva 'apangʉ ta 'aziasoo. panto cihi ci coutesalonike ne makitong, zou 'alitaku 'o ongkosi, mo fiho a'mi.

³ sʉc'ʉhʉ ne saitong ne micu hucma, isi aʉt'ʉt'ʉca to yuliu 'o poolo, teomneni ho poa biebimi to nanghiasi, tiou no aʉt'ʉt'ʉca.

⁴ mimza ivaho i'mine'e ho e'ohʉ, maica homo yupteilʉ tomo meikvo'ʉ ci poepe, cu poahe mitomo meechipi to poepe ne saipulusu.

⁵ mimza sucaefi to etʉpʉ to mia'usnu ne cilicia, pangfuiliya, esmi to meila ne like.

⁶ yone'e, mo elʉ to mo i'mi ne 'alisanta ci 'apangʉ 'o yuliu, te emo'usnu ne 'italia, isicu poa smopayo a'mi.

⁷ acngucnguhu piyo no hie, mo na'no smaipopoha'o 'o 'apangʉ. petohʉyʉ smaic'ʉhʉ to cum'usi ne konitu, maica homo angu taso 'o poepe, o'ana mimza meelʉ maito ntoho anana'va mia ci ceonʉ ho emosuhcu, cu smaitvopci to isi meikvo'i to poepe ci kolitho, smaimzo to tmuahpuhpusu ne samoni.

⁸ mimza smaitvopci to aaskiti to etʉpʉ ho emosuhcu, a'ʉmtʉ butaso ho petohʉyʉ sʉc'ʉhʉ to o'anamo covhi to hosa to lasi'a ci ka'oo ci toosva 'apangʉ.

⁹ aʉlʉ 'enepio no hie ho mimza ma'na'o, micu sucaefi 'o meesi no tanzi, 'anamo 'aseolʉ hocin'a 'aoko emosuhcu. isicu mi'usni to poolo 'o botngonʉ,

¹⁰ yainca:

¹¹ at'inghi, isi angahe taa'uzva to ngungkang 'o e'e to sencoo ho ito himnonu to 'apangʉ, o'a isi taa'uzva 'o poolo.

¹² 'e toosva 'apangʉ eni o'amo h'unano 'aseolʉ hoci 'oyona totoefʉngʉ no hosoyʉma; ko'koeno, mo botngonʉhe 'o mo tohmʉskʉ hoci aupcio e'ohʉ, pnanfi sʉc'ʉhʉ ne fuiniki ho yone'e hote hosoyʉma. 'o fuiniki zou conci toosva 'apangʉ to kolitho, mo miyovcu ho miteufzu 'o hpʉhpʉngʉ ne'e.

cmoehu ta etʉpʉ

¹³ ne mio, mo yaa i'eovcu cimo meaosohuyu ci poepe, acʉhʉ ma'unano te meelʉ maito anana'o 'tohʉngʉ ho e'ohʉ, cu esifova 'o momsʉhcʉ'o hocu e'ohʉ, smaitvopci to kolitho.

¹⁴ o'amo noana'o, pantola yainca ci tucvihi mo i'mi to omia ho mea'usnu.

¹⁵ isi vo'heni to poepe 'o 'apangʉ, uk'a ci imza ta'uni no hioa, isi cuc'o peaʉnpʉnpeni to taso ci poepe 'o 'apangʉ.

¹⁶ ne micu smaimzo to oi'isi tola yainca kauta 'o 'apangʉ, imzacu petohʉya maka tʉtpʉta 'o okono 'apangʉ.

¹⁷ ihe tas'usna to meoino 'apangʉ, boemi to teesi ho seoʉlʉlʉa seo'tʉneni. ihe smoyoneni hoci smaefo'ʉ to efuefu'u to saioti 'o 'apangʉ, cu pehtupeoha 'o peaaftonga poepe, ho poa meangohcu to etʉpʉ 'o 'apangʉ.

¹⁸ mo a'cʉ'cʉnʉ tucvihi, ne micu hucma, ihecu ahoza ciha to etʉpʉ 'o macucuma,

¹⁹ i'vaho miski, ac'ʉha to macucuma to 'apangʉ 'o ihe toyafneni.

²⁰ aʉlʉ 'enemipiohi mipzohi ho o'aimza teolʉi na hie ho congeoha; mo a'cʉ'cʉnʉ taso 'o smahu ho poepe, mimzacu ma'unano o'anate yaa ta'usni no yaansoua.

²¹ 'enepio no hie ho o'amo ahtun'a bonʉ 'omo yonta 'apangʉ, mo yac'ʉ to tuhcuhe 'o poolo ho mainca:

²² maitan'e temucu ma'sosohuyu, ta 'ayumonamu uk'a cite payo'ʉ no nsou, te at'ingha payo'a 'e 'apangʉ.

²³ ne yofna, i'o os'o ma'hi'usni ho p'ohkui ci hamo isi skuna 'o tensisi mi'usni a'o ho yainca:

²⁴ <>

²⁵ ko'koeno, maahaah'o o'atemu siya no 'tohʉngʉ; os'o taa'uzva 'o hamo o'atesi ahtao'te mia 'o e'esi.

²⁶ at'inghi'so. teto mea'usnu to mo conci hpʉhpʉngʉ.>

²⁷ ac'ʉhʉ to yofnasi no mimaski uspotʉ, mioc'on'a yonto etʉpʉ ne 'atolia ho meaavovei 'o 'apangʉmia. cu taico feʉngna, ihe ta'unano micu ake'i cum'u to ceoa tomo poʉt'ʉcʉ to 'apangʉ,

²⁸ ihecu to'seni to chumu 'o toosvʉta, ho tosvʉti 'o hia mʉ'eona to chumu, mon'a msʉptʉhʉ meeta 'o hiasi mʉ'eona; ake'i emosuhcu ho ivaha tosvʉti. mion'a mtuehu meeta.

²⁹ ihe sokoeva no smotokʉ no fatu, cu i'mi to civci to 'apangʉ ho to'seni 'o mo sʉptʉ ci momsʉhcʉ'o, mooteo no moseo'ohngʉ.

³⁰ mo mici toekameosʉ ta 'apangʉ 'o lepoʉt'ʉcʉ 'apangʉ, ihe pehtupeoha 'o 'apangʉ no to'usnu, memamais'a te i'mi to fnguu to 'apangʉ ho topeohneni 'o momsʉhcʉ'o.

³¹ mo mi'usnu to ngungkang ho ito heetai 'o poolo ho yainca:

³² ihecu p'ontʉhi to heetai 'o teesi to oko no 'apangʉ, ho poa meapkaakoa.

³³ ne tec'u mon'i tiskova, isi eucufna to poolo 'omo botngonʉ ho poa ake'i bonʉ. isi yainca:

³⁴ ko'ko te'o cucufni muu, ake'i bonʉ teeno meelʉ yaa tonʉa, maica 'emimu macicihi ac'ʉhʉ no mehacni ci f'ʉsʉmu o'atemu payo'a.>

³⁵ eepʉnga 'e e'esi, mo mayo to pang 'o poolo, yonta tuhcu ta mo botngonʉ ho to'aveoveoyʉ to hamo, cu tipcia ho ana.

³⁶ mo acʉhʉ ma'sosohuyu na 'tohʉngʉ, cu acʉhʉ bonʉ.

³⁷ i'o mimza noteuyunu to 'apangʉ mo se'icha ho mpʉtvʉhʉ unmʉ.

³⁸ ne micu acʉhʉ yoseʉ, akoeva no poa e'sop'o 'o 'apangʉ, yaeza ciha to etʉpʉ 'o heome.

meokosʉ 'o 'apangʉ

³⁹ cu tiskova, o'aihe honga to lepoʉt'ʉcʉ 'apangʉ 'o hpʉhpʉngʉ to ic'o, at'inghi mo elʉ to conci 'eou, a'vinano yaa efuefu'u to aaskiti, cu esvʉta no 'ahʉya poa smatvopci 'o 'apangʉ.

⁴⁰ ihe aueva p'ontʉhi 'o teesi, to'seni to etʉpʉ 'o momsʉhcʉ'o, psoevoyunga 'o teesi no poʉt'ʉcʉ, e'tʉi eepza 'o peaoftonga to fnguu to 'apangʉ, poa pea'usneni to aaskiti 'o 'apangʉ.

⁴¹ at'inghi, maica homo smaefo'ʉ to efuefu'u 'o 'apangʉ, cʉnghʉ 'o fnguusi to 'apangʉ, 'anamo meelʉ tmaiezuhu, isi smoftongi to smahu 'o civcisi to 'apangʉ, hocu kuici aon'oi.

⁴² ihe 'ucia pohcʉcʉha to heetai 'o isi poekotva, sokoeva hoci yaa yuefo'ʉ to chumu ho toekameosʉ.

⁴³ at'inghi tesi to'usni to ngungkang 'o poolo, potani hoci 'aʉnpʉnpʉ, isicu pashʉi ho poa auyu su'to chumu 'omo meelʉ yuuhnguzu, ho yu'unu to aaskiti;

⁴⁴ i'ocu mocmo mo titho to i'iya ho itomo meaoskopʉ ci ma'e'evi ho yu'unu to aaskiti. maicac'o, micu acʉhʉ tmo'poyapo.