sitoo 24 - buacou seiso no faeva esvʉtʉ

ehpʉngneni to couyutaya 'o poolo

¹ micu miemohi, 'o taisaisi 'anania ho i'o mo piyo ci coolo, a'upu 'o cihi ci leehcʉvho tetulo, cmʉ'ho ta kaisalia. mo mi'usnu to sootoku fuilisu ho ehpʉnga 'o poolo.

² ihe poa yuyafo 'o poolo; isi ehpʉngneni to tetulo 'o poolo ho yainca:

³ 'e ʉmnʉ ci lako hia aʉt'ʉcʉ, leamia conino siya ta 'tohʉngʉ na 'aveoveoyʉ.

⁴ o'a te'o smeecʉ'ho aemoemou efeo'fu'u suu, te'oc'o m'eya maka talʉi 'emo nanʉhtʉ ci ehpʉngʉ:

⁵ imzacu husansana, 'e cou eni isi sokoeva ci cou. yonta 'ayumona ta couyutaya ta mauhpʉhpʉngʉ mita mooyai 'afeo'fu'u, maezo toomoku to cono taucunu to nazalo kio,

⁶ ac'ʉhʉ to seiten ho eoveoya, imzacu tʉtpʉta.

⁸ ho tako tuucocosi na taini. 'atakocu cohivi ho mio a'ʉmtʉ emio 'e imza ehpʉngneni ci hi'hioa.>

⁹ 'omo no'upu ci couyutaya mo maezo tmunsohʉ ehpʉngʉ, ho yainca mio a'ʉmtʉ maica.

ehcʉvheni to poolo 'e iachi

¹⁰ ne mio, isi poa ya'ei to sootoku 'o poolo. isicu yainca to poolo:

¹¹ tekoeno ngoveoa cohivi, ahoi ne mo'u uhne 'elusalemu ho m'ohkuyu ac'ʉhʉ maitan'e moc'on'a mimaski ueso no hie.

¹² uk'a ci mihin'i baito hoci'u yonto seiten ho yupa 'eehcʉvho no mocmo, yaeza o'aihin'i aiti hoci'u yonta kaitoo hocieno ta 'ayumona ta hosa ho epopoot'ou tamo botngonʉ.

¹³ o'a tehin'i peelʉi mi'usneni suu ho tuyafa na koa ihin'i ehpʉngneni a'o.

¹⁴ at'inghi, mo coni 'o te'o tiova: mi'o i'tohungu to ihin'i ta'unano mo epeu ci ceonʉ ho m'ohkuyu to hamo to nia maameoimza. os'o yaeza taa'uzva 'o hoolicu to moose ho i'o isi afu'a tposi to tposʉ to eyongensa.

¹⁵ to hia'u mi'usnu to hamo mioc'o totiski hin'i na la'u ta'usni. 'aeno tata'ia 'e afu'u cou, 'upena namo ʉmnʉ ho kuzo. te acʉhʉ i'mi no mcoi ho smoevovei.

¹⁶ ko'koeno, la'u conino eucucufna 'e iachi, yonto tuhcu to hamo ho ita cou, asngʉcva butʉtʉyʉca na acocofkoya ho tʉs'ʉ ci 'tohʉngʉ.

¹⁷

¹⁸ ne ihin'i cu teolʉi to seiten a'o, mi'ocu aepʉngʉ meecofkoya ho seolʉa no sʉ'tʉ; o'a mi'o eteuyunu nomo botngonʉ, o'a mi'o h'unano 'afeo'fu'u.

¹⁹ at'inghi panto mo i'mi ne 'aziasoo ho cmʉ'ho cimo piyo ci couyutaya mo yonto ic'o, 'emo piyo ci cou hoci pano tehin'i koa ehpʉnga ci hi'hioa. mantehin'i uhta tuhcusu ho ehpʉngʉ.

²⁰ hocieno o'te poa pas'osneni ta mihin'i yontan'e ci cou. ne mo'u yonto ngikai ho eus'ʉs'ʉ. hoci pano mo yaa kuisi ci peipeis'ausna.

²¹ ne mo'u yac'ʉ to tuhcu hin'i mo'uc'o tmunoi ho mo'engho tomo conci e'e, 'aeno: <> >

²² 'e fuilisu isi anana'va a'sʉftona co'cohivi 'e ceoceona tan'e, isicu tosveni talʉi 'e ehpʉngʉ, mi'usni ho yainca:

²³ isi pashʉi 'o ngungkang ho noʉt'ʉci 'o poolo, aʉlʉlʉa, teomneni na ma'o'oahngʉsi ho hocihe hafneni no tesi tititha.

yonto tuhcu to fuilisu ho tusila 'o poolo

²⁴ micu 'enemipiohi no hie, mo yuyuso cmʉ'ho 'o fuilisu ho i'o vcongʉ nosi couyutaya tusila. eoho'a 'o poolo, talʉi ho isi yue'engha na singkoo no mi'usnu to kilisto iesu.

²⁵ isi yaeza yue'engha to poolo na mou'ʉmnʉ, ma'tʉkcʉ, ho ina hia ma'cohio no yʉsvʉta ho noana'o. mo na'no ma'sasmoyo 'o fuilisu; mi'usni 'o poolo ho yainca:

²⁶ mo maezo mooteo hocisi teonghi no yupasʉ to poolo, ko'ko lasi asngʉcva eyoho'a ho yupeahngʉneni.

²⁷ micu topuska, 'o pociu fuisutu mo noʉe to fuilisu ho sootoku, 'o fuisutu maica homo mici noa ʉm'ʉmnʉa to couyutaya. isic'on'a asngʉcva siya ta poo'usna 'o poolo.