sitoo 21 - buacou seiso no faeva esvʉtʉ

uhne 'elusalemu 'o poolo

¹ ne mimzacu epepeevai cu e'ohʉ 'o 'apangʉ. mo emosngʉcʉ ne kosutoo 'o 'apangʉ, sʉc'ʉhʉ ne looti ne micu hucma, i'mine'e ho uhne patala.

² ne patala mimza yupteilʉ tote emo'usnu ne fuiniki ci 'apangʉ, mimzacu yonto 'apangʉ ho e'ohʉ.

³ ac'ʉhʉ ne isicu so'eʉc'ʉha 'o saipulusu, mo ma'kuyungu to oi'anasi ho emo'usnu ne siliya, mimza tmo'poyapo ne tailo. maica tehe'so yupeopeoha tan'e 'o macucuma to 'apangʉ.

⁴ mimza elʉ to piyo ci sinto tan'e, mimzacu no'upu ho aʉlʉ miptuhi. isi pas'ofeihna to seilei a'mi, potani 'o poolo hoci uhne 'elusalemu.

⁵ at'inghi micu mic'ʉhi 'o hiesi no tosvo, mimzacu emo'cʉ'cʉnʉ to temza mia ci ceonʉ, 'o sinto ho i'o vcongʉhe ho 'o'okohe ihe peomanzi a'mi ho poc'ʉha to yafana to hosa. toehungu pop'up'ungu to efuefu'u to aaskiti to etʉpʉ ho 'inoli,

⁶ ataveisi cu yupa eutotavei. mimza bohsifou to 'apangʉ. micu maine'e 'o haah'o.

⁷ mimza emo'cʉ'cʉnʉ, i'mi ne tailo esmi ne tolimai, mi'usnu to sinto ne'e ho tuayokeo, mimza miski no'upu.

⁸ micu hucma mimzacu mongoi to ic'o, esmi ne kaisalia, cu uhto emoo to fuili ci lepsoyaski e'e ho no'upu, zou cihi tomo pitu ci isi epeiya ne 'elusalemu ci leto'usnu.

⁹ mo sʉptʉ 'o o'amocu mo mevcongʉ ci okonosi mamespingi, acʉhʉ yaa mengumi no psoyaski to e'e to hamo.

¹⁰ ataveisi ne mimzacu mipzohi ne'e, panto cihi ci eyongensa zou 'aciapu 'o ongkosi, mo i'mi ne yutaya.

¹¹ mo uso ho baito a'mi, yaa 'o snoeputa to poolo, isi iachia seo'eisi 'o emucu ho i'o t'angosi, yainca:

¹² ne imzacu talʉi 'e e'e eni cu toehungu 'o yatan'e ho potani 'o poolo ho o'te 'ahʉyʉ uhne 'elusalemu.

¹³ at'inghi, isi yainca:

¹⁴ o'a imza ev'ov'ohi, cu moezʉ o'te aomotʉ'ʉ, c'o yainca:

¹⁵ mipiyohi ne'e. mimzacu seu'ha 'o macucuma, e'ohʉ uhne 'elusalemu.

¹⁶ panto mo i'mine kaisalia ci sinto mo to'ofeihni a'mi, hafa a'mi ho uhto emoo to nasun ci cousaipulusu; 'e cou eni niala ahoi sinto.

usa to poolo 'o yakovu ho aiti

¹⁷ ne mimzacu sʉc'ʉhʉ ne 'elusalemu, ihe na'na aʉt'ʉt'ʉca to sinto a'mi.

¹⁸ micu hucma, mimza nʉthʉ 'o poolo ho aiti 'o yakovu; mo maezo noemʉhʉ to ic'o 'o macocoolo to makikiokai.

¹⁹ isi mi'usni to poolo ho tuayokeoi, ataveisi micu mi'usnu ho eʉsvʉsvʉta mio mainenu na hiasi titha to hamo ho poa uhto couyafana ho yaahioa.

²⁰ ne ihecu talʉi mo acʉhʉ tohmomoengʉ to hamo, mi'usni 'o poolo ho yainca:

²¹ ohe tac'ʉhi na niala hiasu mo'ma'cohio to mo nohi'u to couyafana ci couyutaya ho yainca teongasi 'o hoolicu to moose, o'a te 'ahʉya s'e'honga na 'o'oko, yaeza o'ate 'ahʉya fihi 'ola 'ofifiha to yutaya.

²² 'a tahe ahtao'te tac'ʉhi ho mikocu esmi tan'e, nte mainenu na temia peipeis'ausna.

²³ maitan'e teko fiho ta e'emia ho hioa! ta tan'e panto sʉptʉ ci micu esvʉtʉ ci cou;

²⁴ teko engocha 'emo sʉptʉ, ho hioa na meecofkoya. tuyafneni no yupasʉ. maicac'o, tehecu peelʉi tokayampui si fnguuhe. hociko maica, tehecu toehunga cohivi, ina ohela totalʉi ci nia hi'hioasu o'a a'ʉmtʉ, a'vinano cohivi miko maezo noyʉyʉcʉ to hoolicu to moose.

²⁵ i'ocu 'o sinto to couyafana, mimzacu tmopsʉ to tengami ho eutotaveiya, yainca 'otela bonʉ to ohcula titha meesi to uacoua ci 'oanʉ, 'ote bonʉ to hmuyu ho ito isic'o tiubcikza ci snoecavʉ. maezo 'otela yaa smoc'ou ci peipeis'ausna.>

²⁶ isi cu hafa to poolo 'emo piyo ci cou, toehungneni meecofkoya ne micu hucma, i'vaho uhto seiten ho eʉsvʉta na tesi noc'ʉhi no hiesi no cofkoya. totea 'o saisi ho tasi boemi no sʉ'ta ho sʉ'teni 'emo macicihi.

yonto seiten 'o poolo ho noa tʉtpʉta

²⁷ ne tec'u mon'i oheʉpngʉ 'o mo miptuhi no hie, panto mo i'mi ne 'aziasoo ci couyutaya ihe aiti 'o poolo nemo yonto seiten. ihecu poot'ova 'omo botngonʉ ho tʉtpʉta 'o poolo,

²⁸ moozoyʉ yainca: (

²⁹ ho mo maica 'e e'ehe mo i'mi ho ihe aiti 'o cou'epeso ci tolofuimo homo to'ofeihni no'upu to poolo ho yonta hosa, ihe ta'unano ohsi hafa ta poolo ho yʉmeʉmʉ to seiten.)

³⁰ ta tan'e, mo yuot'ou 'e cono hosa, uso 'omo botngonʉ ho tʉtpʉta 'o poolo, e'eafi to seiten; micu osni acʉhʉ amʉtʉ 'o phingi to seiten.

³¹ ne tehecu 'ucia opcoza to mo pak'i ci cou 'o poolo, panto mo mi'usnu tola eahafo to heetai to looma ho eʉsvʉta, yainca mo seolʉa no aucunu yuot'ou 'e hosa ta 'elusalemu.

³² 'ola eahafo to heetai micu osni mahafo to heetai ho ito piyo ci ngungkang, ho uhto ihe yoni to mo botngonʉ. ne ihe cu aiti 'ola eahafo ho i'o heetai, ihecu tosveni ti'usna 'o poolo.

³³ isicu tʉtpʉta to eahafo 'o poolo, skuna 'o heetai ho seo'eisi to mehaeso ci ekʉka. isi tuocosi:

³⁴ to 'ayumona tomo botngonʉ, moc'o 'aʉnpʉnpʉ moozoyʉ ho eʉnpʉnpʉ, o'aisi peelʉi asansana to eahafo na a'ʉmtʉsi, isi cu pashʉya 'o heetaisi ho hafa uhto lahe 'oyona 'o poolo.

³⁵ moc'on'a aʉlʉ m'esifou to tai'to'tohungva 'o poolo, maica ho mo angu yu'papak'i 'o mo botngonʉ, ihecuc'o moeza ngoevi to heetai 'o poolo ho hafa.

³⁶ mo to'ofeihni 'o botngonʉ, moozoyʉ ho yainca:

iachi ehcʉvho 'o poolo

³⁷ ne tec'u mon'ia e'ayumoni to 'oyona to heetai, isi mi'usni to poolo 'o eahafo ho yainca: yainca to eahafo: <'iama miko maezo meelʉ buangilisia!

³⁸ ci ma'ieno suu 'o mosola eahafo tomo posisospotʉ ci mo yu'papak'i ho p'usnu to maepuepuhu ci cou'ezivuto?>

³⁹ isi yut'inga to poolo: <'a couyutaya a'o, mo'u yayo to taasu ne cilicia, zou cou tomo yaa ongko ci hosa. teko'so teomneni te'o mi'usnu ta mo botngonʉ ho aomotʉ'ʉ.>

⁴⁰ isi teomneni to eahafo. micu yac'ʉ to tai'to'tohungva 'o poolo, mi'usnu to botngonʉ ho meuoloʉngʉ. micu acʉhʉ amzocni, mo buahevulu 'o poolo ho mi'usnu tamo botngonʉ ho aomotʉ'ʉ.